ઇઝરાયેલ અને હમાસ વચ્ચે લાંબા સમયથી ચાલતા સંઘર્ષ પછી થયેલા યુદ્ધવિરામે મધ્યપૂર્વમાં આશાનો એક નવો સંદેશો આપ્યો છે. યુદ્ધવિરામની શરતો હેઠળ બંને પક્ષોએ બંધકોની આપલે શરૂ કરી છે. હમાસે તેના કબ્જામાં રહેલા તમામ 20 જીવિત ઇઝરાયેલી બંધકોને મુક્ત કર્યા છે, જ્યારે ઇઝરાયેલે પ્રતિસાદરૂપે ગાઝા અને પેલેસ્ટાઇનના 1,900થી વધુ નાગરિક કેદીઓને છોડવાની જાહેરાત કરી છે. આ માનવતાવાદી પહેલને આંતરરાષ્ટ્રીય સ્તરે પ્રશંસા મળી રહી છે.
ભારતના વડા પ્રધાન નરેન્દ્ર મોદીએ પણ આ નિર્ણયનું સ્વાગત કર્યું છે અને અમેરિકા ના ભૂતપૂર્વ રાષ્ટ્રપતિ ડોનાલ્ડ ટ્રમ્પના શાંતિ પ્રયાસોની પ્રશંસા કરી છે. સોશિયલ મીડિયા પ્લેટફોર્મ ‘X’ (પૂર્વે Twitter) પર તેમણે લખ્યું હતું કે ભારત છેલ્લા બે વર્ષથી બંદી બનેલા ઇઝરાયેલી બંધકોની મુક્તિને હાર્દિક સ્વાગત કરે છે. પીએમ મોદીએ જણાવ્યું કે આ મુક્તિ માત્ર માનવતાનો વિજય જ નહીં પરંતુ તે બંધકોના પરિવારોના અડગ સાહસ, રાષ્ટ્રપતિ ટ્રમ્પના સતત શાંતિ પ્રયાસો અને ઇઝરાયેલના વડા પ્રધાન બેન્જામિન નેતન્યાહુના દ્રઢ સંકલ્પનું પણ પ્રતિક છે.
We welcome the release of all hostages after over two years of captivity. Their freedom stands as a tribute to the courage of their families, the unwavering peace efforts of President Trump and the strong resolve of Prime Minister Netanyahu. We support President Trump’s sincere…
— Narendra Modi (@narendramodi) October 13, 2025
ટ્રમ્પે તાજેતરમાં ઇઝરાયેલી સંસદમાં ભાષણ આપીને બંને પક્ષો વચ્ચે શાંતિ સ્થાપન માટે સંવાદ અને રાજકીય ઉકેલની જરૂરિયાત પર ભાર મૂક્યો હતો. ત્યારબાદ તેઓ ઈજિપ્તમાં યોજાયેલા ગાઝા શિખર સંમેલન માટે રવાના થયા, જ્યાં મધ્યપૂર્વના અનેક નેતાઓએ યુદ્ધવિરામને ટકાઉ બનાવવા માટેની વ્યૂહરચના પર ચર્ચા કરી.
ઇઝરાયેલ સરકારના જણાવ્યા અનુસાર, મુક્ત કરાયેલા પેલેસ્ટિનિયન કેદીઓમાં મહિલાઓ, નાબાલિગો અને એવા નાગરિકોનો સમાવેશ થાય છે, જેઓ પર નાના સ્તરના આરોપો લગાવવામાં આવ્યા હતા. આ પગલાથી બંને સમુદાયો વચ્ચે વિશ્વાસ પુનઃસ્થાપિત કરવાની દિશામાં નવો માર્ગ ખુલ્યો છે. આંતરરાષ્ટ્રીય સ્તરે આ સમજૂતીને “ઇઝરાયેલ-પેલેસ્ટાઇન સંઘર્ષમાં માનવતાનો પ્રથમ મોટો વિજય” તરીકે જોવામાં આવી રહી છે, જે ભવિષ્યમાં ટકાઉ શાંતિ માટેનો પાયો બની શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
