વડાપ્રધાન નરેન્દ્ર મોદીએ ગુરુવારે તેમના નિવાસસ્થાને ભારતીય AI સ્ટાર્ટઅપ્સ સાથે મહત્વપૂર્ણ રાઉન્ડ ટેબલ બેઠકની અધ્યક્ષતા કરી હતી. આવતી મહિને ભારતમાં યોજાનારી ઇન્ડિયા AI ઇમ્પેક્ટ સમિટ 2026 પૂર્વે યોજાયેલી આ બેઠકમાં “AI for ALL: ગ્લોબલ ઇમ્પેક્ટ ચેલેન્જ” માટે પસંદ થયેલા 12 ભારતીય AI સ્ટાર્ટઅપ્સના પ્રતિનિધિઓ સાથે વિસ્તૃત ચર્ચા કરવામાં આવી. વડાપ્રધાને સ્ટાર્ટઅપ્સના નવીન વિચારો, તેમના અનુભવો અને ભવિષ્યની યોજનાઓ અંગે વિગતવાર સંવાદ કર્યો.
We discussed how AI can be leveraged to further societal good. Reiterated our Government’s support to all those working on AI so that we can strengthen the spirit of ‘Made in India, Made for the World.’ Stressed on making AI affordable, inclusive and transparent.
— Narendra Modi (@narendramodi) January 8, 2026
આ સ્ટાર્ટઅપ્સ વિવિધ અગ્રગણ્ય ક્ષેત્રોમાં કામ કરી રહ્યા છે, જેમાં ઇન્ડિયન લેંગ્વેજ ફાઉન્ડેશન મોડેલ, મલ્ટીલિંગુઅલ LLM, સ્પીચ-ટુ-ટેક્સ્ટ, ટેક્સ્ટ-ટુ-ઓડિયો અને ટેક્સ્ટ-ટુ-વીડિયો ટેકનોલોજીનો સમાવેશ થાય છે. સાથે સાથે જનરેટિવ AI દ્વારા 3D કન્ટેન્ટ, ઇ-કોમર્સ અને માર્કેટિંગ માટે પર્સનલાઇઝ્ડ કન્ટેન્ટ તૈયાર કરવું, ઉદ્યોગોમાં ડેટા આધારિત નિર્ણય-નિર્માણ માટે એન્જિનિયરિંગ સિમ્યુલેશન, મટિરિયલ્સ રિસર્ચ અને એડવાન્સ્ડ એનાલિટિક્સ, તેમજ હેલ્થકેર ડાયગ્નોસ્ટિક્સ અને મેડિકલ રિસર્ચ જેવા ક્ષેત્રોમાં પણ તેઓ મહત્વપૂર્ણ યોગદાન આપી રહ્યા છે. સ્ટાર્ટઅપ્સે ભારતના આર્ટિફિશિયલ ઇન્ટેલિજન્સ ઇકોસિસ્ટમને આગળ વધારવા માટે સરકારની મજબૂત પ્રતિબદ્ધતાની પ્રશંસા કરી અને AI ક્ષેત્રમાં ઝડપી વિકાસ તથા વિશાળ ભવિષ્યની સંભાવનાઓ પર પ્રકાશ પાડ્યો.
During the meeting, Prime Minister highlighted the importance of artificial intelligence in bringing about transformation in society. He noted that India will host the India AI Impact Summit next month, through which the country will play a major role in the technology sector. He… pic.twitter.com/FbOeYPZNmL
— ANI (@ANI) January 8, 2026
બેઠક દરમિયાન AI ક્ષેત્રમાં ગ્રોથ અને સંભાવનાઓ પર ભાર મૂકતા વડાપ્રધાને જણાવ્યું કે આર્ટિફિશિયલ ઇન્ટેલિજન્સ ઇનોવેશન અને ડિપ્લોયમેન્ટનું સેન્ટર ઓફ ગ્રેવિટી હવે ધીમે ધીમે ભારત તરફ ખસી રહ્યું છે. સ્ટાર્ટઅપ્સના પ્રતિનિધિઓએ પણ કહ્યું કે ભારત હવે AI ડેવલપમેન્ટ માટે અનુકૂળ અને મજબૂત વાતાવરણ પૂરુ પાડે છે, જેના કારણે દેશ વૈશ્વિક AI મેપ પર મજબૂત રીતે ઉભરી રહ્યો છે. વડાપ્રધાને ઉમેર્યું કે ઇન્ડિયા AI ઇમ્પેક્ટ સમિટ 2026 ભારતને ટેકનોલોજી ક્ષેત્રમાં વૈશ્વિક નેતૃત્વ તરફ દોરી જશે અને સમાજમાં પરિવર્તન લાવવા માટે AI મહત્વની ભૂમિકા ભજવશે.
PM Modi chaired the Roundtable with Indian AI Start-Ups at his residence at 7, Lok Kalyan Marg earlier today.
These Start-ups are working in a diverse set of areas including Indian language foundation models, multilingual LLMs, speech-to-text, text-to-audio and text-to-video; 3D… https://t.co/K1d7BW9mGi pic.twitter.com/xwYryiFsYi
— ANI (@ANI) January 8, 2026
વડાપ્રધાને AI ઉદ્યોગસાહસિકોને ભારતના ભવિષ્યના “કો-આર્કિટેક્ટ” ગણાવતા કહ્યું કે દેશમાં નવીનતા અને મોટા પાયે અમલીકરણ માટે અપાર સંભાવનાઓ છે. તેમણે “મેડ ઇન ઇન્ડિયા, મેડ ફોર ધ વર્લ્ડ”ના વિચાર સાથે વૈશ્વિક સ્તરે અલગ ઓળખ ધરાવતું AI મોડેલ વિકસાવવાની અપીલ કરી. સાથે જ તેમણે જણાવ્યું કે ભારતીય AI મોડેલો નૈતિકતા, ન્યાય, પારદર્શિતા અને ડેટા ગોપનીયતા જેવા મૂળભૂત સિદ્ધાંતો પર આધારિત હોવા જોઈએ. વડાપ્રધાને ભાર મૂક્યો કે વિશ્વનો ભારત પરનો વિશ્વાસ દેશની સૌથી મોટી તાકાત છે અને ભારતીય સ્ટાર્ટઅપ્સે વૈશ્વિક નેતૃત્વ તરફ આગળ વધવું જોઈએ.
તેમણે સ્થાનિક અને સ્વદેશી કન્ટેન્ટ તેમજ પ્રાદેશિક ભાષાઓને પ્રોત્સાહન આપવા પર પણ ખાસ ભાર મૂક્યો. બેઠકમાં અવતાર, ભારતઝેન, ફ્રેક્ટલ, ગેન, ઝેનલૂપ, જ્ઞાની, ઇન્ટેલીહેલ્થ, સર્વમ, શોધ AI, સોકેટ AI, ટેક મહિન્દ્રા અને જેનટેક સહિત અનેક ભારતીય AI સ્ટાર્ટઅપ્સના CEO, વડાઓ અને પ્રતિનિધિઓ હાજર રહ્યા હતા. આ અવસરે કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રી અશ્વિની વૈષ્ણવ અને રાજ્ય મંત્રી જિતિન પ્રસાદ પણ ઉપસ્થિત રહ્યા હતા.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
