ઇઝરાયેલે પીએમ મોદીને આપ્યો ‘સ્પીકર ઑફ ધ નેસેટ મેડલ’, કહ્યું – ભારત ઇઝરાયેલના દુઃખને સમજે છે

ઇઝરાયેલની સંસદ એટલે કે નેસેટમાં એક ઐતિહાસિક ક્ષણ સર્જાઈ જ્યારે ભારતના વડા પ્રધાન નરેન્દ્ર મોદીને સંસદના સર્વોચ્ચ સન્માન ‘સ્પીકર ઑફ ધ નેસેટ મેડલ’થી સન્માનિત કરવામાં આવ્યા. આ મેડલ પ્રાપ્ત કરનાર તેઓ પ્રથમ ભારતીય વડા પ્રધાન બન્યા છે. આ પદક તેમને ભારત અને ઇઝરાયેલ વચ્ચેના વ્યૂહાત્મક, રાજકીય અને આર્થિક સંબંધોને મજબૂત બનાવવામાં તેમના વિશેષ યોગદાન અને નેતૃત્વના સન્માનમાં આપવામાં આવ્યો છે.

I am deeply honoured to receive the Medal of the Knesset.

I accept it with humility and gratitude.

This honour is not a tribute to an individual, but to the enduring friendship between India and Israel.

It reflects the shared values that guide our two nations.@KnessetENG https://t.co/OGtBMTsLuC pic.twitter.com/6H6Dt9sP6v

— Narendra Modi (@narendramodi) February 25, 2026

નેસેટમાં PM મોદીએ આપ્યું ઐતિહાસિક સંબોધન

વડા પ્રધાન મોદીએ બુધવારે (25 ફેબ્રુઆરી) ઇઝરાયેલની સંસદ નેસેટમાં ઐતિહાસિક સંબોધન આપ્યું, જે કોઈપણ ભારતીય વડા પ્રધાનનું પહેલું સંબોધન હતું. સંસદ ભવનમાં તેમનું ભવ્ય સ્વાગત કરવામાં આવ્યું. સમગ્ર સભાગૃહ “મોદી-મોદી”ના નારાથી ગુંજી ઉઠ્યું અને સાંસદોએ ઊભા રહી તાળીઓના ગડગડાટ સાથે તેમનું સ્વાગત કર્યું. પોતાના સંબોધનમાં PM મોદીએ જણાવ્યું કે તેઓ 1.4 અબજ ભારતીયોની મિત્રતા, સન્માન અને ભાગીદારીનો સંદેશ લઈને આવ્યા છે.

I bring with me the greetings of 1.4 billion Indians and a message of friendship, respect and partnership. pic.twitter.com/fD3P1spB29

— Narendra Modi (@narendramodi) February 25, 2026

આતંકવાદ પર ભારતનું સ્પષ્ટ વલણ

સંબોધન દરમિયાન PM મોદીએ આતંકવાદ સામે ભારતની કડક નીતિ અંગે પણ સ્પષ્ટ સંદેશ આપ્યો. તેમણે જણાવ્યું કે ભારત મુંબઈમાં થયેલા 26/11ના આતંકવાદી હુમલાને પણ ભૂલ્યું નથી અને 7 ઓક્ટોબર 2023ના હમાસ દ્વારા ઇઝરાયેલ પર થયેલા હુમલાને પણ ભૂલશે નહીં. તેમણે કહ્યું કે નિર્દોષ નાગરિકોની હત્યા કોઈપણ કિંમતે સ્વીકાર્ય નથી અને આતંકવાદ સામે ડબલ સ્ટાન્ડર્ડ રાખી શકાય નહીં. ભારતની નીતિ આતંકવાદ સામે ઝીરો ટોલરન્સની છે.

We feel your pain.

We share your grief. pic.twitter.com/mmYDPjwwP3

— Narendra Modi (@narendramodi) February 25, 2026

યહૂદી સમુદાય અને ભારતનો ઐતિહાસિક સંબંધ

PM મોદીએ પોતાના ભાષણમાં ભારત અને યહૂદી સમુદાયના ઐતિહાસિક સંબંધોનો પણ ઉલ્લેખ કર્યો. તેમણે કહ્યું કે યહૂદી સમુદાય ભારતમાં હંમેશા સુરક્ષિત અને સન્માન સાથે રહ્યો છે અને તેમણે દેશના વિકાસમાં મહત્વપૂર્ણ યોગદાન આપ્યું છે. ભારત હંમેશા પ્રાદેશિક સ્થિરતા અને શાંતિના પક્ષમાં રહ્યું છે અને મધ્ય પૂર્વમાં શાંતિ માટેના પ્રયાસોને સમર્થન આપે છે.

Historical connect between India and Israel… pic.twitter.com/qnGC88oySx

— Narendra Modi (@narendramodi) February 25, 2026

અબ્રાહમ એકોર્ડ અને ગાઝા શાંતિ યોજના અંગે ભારતનો સમર્થન

વડા પ્રધાન મોદીએ જણાવ્યું કે ભારત અબ્રાહમ એકોર્ડને સંપૂર્ણ સમર્થન આપે છે અને પ્રદેશમાં શાંતિ સ્થાપિત કરવા માટેના દરેક પ્રયાસમાં સહયોગ આપવા તૈયાર છે. ગાઝા મુદ્દા પર તેમણે કહ્યું કે શાંતિનો માર્ગ સરળ નથી, પરંતુ ભારત શાંતિની પ્રક્રિયામાં ઇઝરાયેલ સાથે ઉભું છે અને ગાઝા પીસ પ્લાનને પણ ભારતનું પૂર્ણ સમર્થન છે. તેમણે ઉમેર્યું કે ભારત હંમેશા શાંતિનો દૂત બનીને કાર્ય કરતું આવ્યું છે.

May the India-Israel friendship remain a source of strength in an uncertain world. pic.twitter.com/aLRDcNJXB1

— Narendra Modi (@narendramodi) February 25, 2026

બેન્જામિન નેતન્યાહુએ મોદીને ‘ભાઈ’ ગણાવ્યા

આ પ્રસંગે ઇઝરાયેલના વડા પ્રધાન બેન્જામિન નેતન્યાહુએ PM મોદીને માત્ર મિત્ર નહીં પરંતુ ભાઈ તરીકે સંબોધ્યા. તેમણે જણાવ્યું કે PM મોદી બહાનાં બનાવતા નથી પરંતુ સાચા અર્થમાં ઇઝરાયેલ સાથે ઉભા રહે છે. બંને દેશોએ મળીને અનેક ક્ષેત્રોમાં નોંધપાત્ર સફળતાઓ હાંસલ કરી છે. વેપાર બમણો થયો છે અને દ્વિપક્ષીય સહયોગ ત્રણ ગણો વધ્યો છે.

Addressing the Knesset. Do watch my speech. @KnessetENG https://t.co/a8V6Ah5HwY

— Narendra Modi (@narendramodi) February 25, 2026

નેતન્યાહુએ વધુમાં જણાવ્યું કે એવી દુનિયામાં જ્યાં યહૂદી વિરોધ વધી રહ્યો છે, ત્યાં ભારત ઇઝરાયેલ સાથે મજબૂતીથી ઉભું છે. તેમણે ભારતનો આભાર વ્યક્ત કરતા PM મોદીને “એશિયાનો સિંહ” તરીકે પણ સંબોધ્યા.

આ સમગ્ર ઘટના ભારત અને ઇઝરાયેલ વચ્ચે વધતા વ્યૂહાત્મક, આર્થિક અને રાજકીય સંબંધોનું મહત્વપૂર્ણ પ્રતિક માનવામાં આવી રહી છે. PM મોદીને મળેલું આ સર્વોચ્ચ સન્માન બંને દેશોની મિત્રતાને વધુ મજબૂત બનાવશે એવી અપેક્ષા વ્યક્ત કરવામાં આવી રહી છે.

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom