પશ્ચિમ બંગાળમાં આવનારી વિધાનસભા ચૂંટણીને ધ્યાનમાં રાખીને ચૂંટણી પંચે મોટા પ્રશાસનિક ફેરફારો કર્યા છે. પંચે પિયુષ પાંડેને હટાવીને 1992 બેચના આઇપીએસ અધિકારી સિદ્ધનાથ ગુપ્તાને રાજ્યના નવા પોલીસ મહાનિર્દેશક (DGP) તરીકે નિયુક્ત કર્યા છે. સાથે જ કોલકાતા પોલીસમાં પણ મહત્વપૂર્ણ ફેરફાર કરીને સુપ્રતિમ સરકારને નવા પોલીસ કમિશનર તરીકે નિયુક્ત કરવામાં આવ્યા છે.
ચૂંટણી પહેલા વરિષ્ઠ પોલીસ અધિકારીઓની બદલી
ચૂંટણી પંચે સોમવારે અનેક ટોચના અધિકારીઓની તાત્કાલિક બદલી અને નવી નિમણૂકો અંગે આદેશો જારી કર્યા હતા. આદેશ અનુસાર નટરાજન રમેશ બાબુને ડીજી (સુધારાત્મક સેવાઓ) તરીકે અને અજય મુકુંદ રાનાડેને એડિશનલ ડીજી (કાયદો અને વ્યવસ્થા) તરીકે નિયુક્ત કરવામાં આવ્યા છે. આ ફેરફારો ચૂંટણી દરમિયાન કાયદો અને વ્યવસ્થા જાળવવા માટે કરવામાં આવ્યા હોવાનું જણાવાયું છે.
EC effects major bureaucratic reshuffle in West Bengal; names new DGP, Kolkata Police Commissioner
Read @ANI Story I https://t.co/Xqp9MWPVhB #ElectionCommission #WestBengal #WBElections pic.twitter.com/Z0jKUgJK57
— ANI Digital (@ani_digital) March 16, 2026
મુખ્ય સચિવ અને ગૃહ સચિવની પણ બદલી
આ પહેલાં રવિવારે રાત્રે ચૂંટણી પંચે પશ્ચિમ બંગાળના મુખ્ય સચિવ નંદિની ચક્રવર્તી અને રાજ્યના ગૃહ સચિવ જગદીશ પ્રસાદ મીણાની બદલી કરવાનો આદેશ આપ્યો હતો. પંચે સ્પષ્ટ કર્યું છે કે બંને અધિકારીઓ ચૂંટણી સંબંધિત કોઈપણ કામગીરીમાં ભાગ નહીં લે. નંદિની ચક્રવર્તીની જગ્યાએ દુષ્યંત નારિયાલાને મુખ્ય સચિવ બનાવવામાં આવ્યા છે, જ્યારે ગૃહ સચિવ તરીકે સંઘમિત્રા ઘોષની નિમણૂક કરવામાં આવી છે.
બે તબક્કામાં થશે વિધાનસભા ચૂંટણી
ચૂંટણી પંચે જાહેરાત કરી છે કે પશ્ચિમ બંગાળની 294 વિધાનસભા બેઠકો માટે ચૂંટણી બે તબક્કામાં યોજાશે. પ્રથમ તબક્કામાં 23 એપ્રિલે 152 બેઠકો પર મતદાન થશે જ્યારે બીજા તબક્કામાં 29 એપ્રિલે 142 બેઠકો માટે મતદાન યોજાશે. બંને તબક્કાની મતગણતરી 4 મેના રોજ કરવામાં આવશે અને સમગ્ર ચૂંટણી પ્રક્રિયા 6 મે સુધીમાં પૂર્ણ થશે.
મુખ્ય ચૂંટણી કમિશનર જ્ઞાનેશ કુમારે રવિવારે યોજાયેલી પ્રેસ કોન્ફરન્સમાં જણાવ્યું હતું કે પશ્ચિમ બંગાળમાં આવનારી ચૂંટણી હિંસામુક્ત અને શાંતિપૂર્ણ રીતે યોજાશે તે માટે પંચ સંપૂર્ણ રીતે પ્રતિબદ્ધ છે. આ માટે સુરક્ષા અને પ્રશાસનિક વ્યવસ્થાઓ વધુ મજબૂત બનાવવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
