દેશના પાંચ રાજ્યો — કેરળ, આસામ, પશ્ચિમ બંગાળ, તમિલનાડુ અને પુડુચેરી — ના ચૂંટણી પરિણામો વચ્ચે કર્ણાટક માંથી ભાજપ માટે એક મોટી અને ચોંકાવનારી ‘ગુડ ન્યૂઝ’ સામે આવી છે. શ્રૃંગેરી વિધાનસભા બેઠક પર પોસ્ટલ બેલેટની પુનઃગણતરી બાદ ભાજપના ઉમેદવાર ડી. એન. જીવરાજને સત્તાવાર રીતે વિજેતા જાહેર કરવામાં આવ્યા છે.
આ સાથે જ 2023ની ચૂંટણીમાં જીતેલા કોંગ્રેસના T. D. Rajegowda નું ધારાસભ્ય પદ સમાપ્ત કરવામાં આવ્યું છે. હાઈકોર્ટના આદેશ બાદ આ પરિણામ પલટાવું રાજકીય દૃષ્ટિએ મહત્વપૂર્ણ માનવામાં આવી રહ્યું છે.
હાઈકોર્ટનો આદેશ અને રિકાઉન્ટ પ્રક્રિયા
કર્ણાટક હાઇકોર્ટના આદેશ અનુસાર પોસ્ટલ બેલેટની ફરી ચકાસણી અને રિકાઉન્ટ કરવામાં આવ્યો હતો.
- 2023ની ચૂંટણીમાં હાર બાદ ડી. એન. જીવરાજએ ચૂંટણીને પડકારતી અરજી દાખલ કરી હતી
- 6 એપ્રિલે હાઈકોર્ટે રિકાઉન્ટનો આદેશ આપ્યો
- શનિવારે ફરી મતગણતરી શરૂ થઈ અને મોડી રાત્રે પૂર્ણ થઈ
મતગણતરીમાં શું બદલાયું?
2023ની મૂળ ગણતરી:
- જીવરાજ: 692 પોસ્ટલ મત
- રાજે ગૌડા: 569 પોસ્ટલ મત
રિકાઉન્ટ બાદ:
- જીવરાજ: 690 મત
- રાજે ગૌડા: 314 મત
રાજે ગૌડાના 255 મત ઓછા થતા પરિણામ પલટાઈ ગયું અને જીવરાજ આગળ રહ્યા
સત્તાવાર જાહેરાત
રિટર્નિંગ ઓફિસરે લોક પ્રતિનિધિત્વ અધિનિયમ, 1951ની કલમ 66 અને ચૂંટણી નિયમો 1961 હેઠળ D. N. Jeevaraj ને શ્રૃંગેરી (123) બેઠક પરથી વિજેતા જાહેર કર્યા છે. આ જાહેરાત બાદ ભાજપમાં ખુશીની લહેર જોવા મળી છે.
કોંગ્રેસના ગંભીર આરોપ
પરિણામ બદલાતા કોંગ્રેસ તરફથી ગંભીર આક્ષેપો કરવામાં આવ્યા છે.
T. D. Rajegowda એ જણાવ્યું કે:
- મતપત્રો પર છેડછાડ કરવામાં આવી
- અલગ શાહીનો ઉપયોગ દેખાય છે
- અગાઉ માન્ય ગણાયેલા મત હવે અમાન્ય જાહેર થયા
આ મુદ્દે ફરિયાદ પણ નોંધાવવામાં આવી છે અને તપાસની માંગ ઉઠી છે.
પોલીસ ફરિયાદ અને તપાસની માંગ
ચિક્કમગલુરુ ટાઉન પોલીસ સ્ટેશનમાં ફરિયાદ નોંધાઈ છે, જેમાં:
- 255 મતપત્રોમાં છેડછાડનો આરોપ
- પૂર્વ ચૂંટણી અધિકારીઓ અને અન્ય લોકો સામે કેસ નોંધવાની માંગ
આ મામલો હવે રાજકીય સાથે કાનૂની લડાઈમાં પણ પરિવર્તિત થવાની શક્યતા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
