પ.બંગાળમાં ભાજપના પ્રથમ મુખ્યમંત્રી તરીકે શુભેન્દુ અધિકારીએ લીધા શપથ, PM મોદી રહ્યા હાજર

પશ્ચિમ બંગાળને આજે નવા મુખ્યમંત્રી મળ્યા છે. ભાજપના નેતા સુવેન્દુ અધિકારીને ધારાસભ્ય પક્ષના નેતા તરીકે ચૂંટવામાં આવ્યા છે અને તેઓ આજે રાજ્યના મુખ્યમંત્રી તરીકે શપથ લીધા.

Last updated: 2026/05/09 at 12:06 પી એમ(PM)

One India News Team

2 Min Read

પશ્ચિમ બંગાળમાં ઐતિહાસિક સત્તા પરિવર્તન વચ્ચે ભાજપના વરિષ્ઠ નેતા શુભેન્દુ અધિકારીએ આજે (9 મે 2026) કોલકાતાના બ્રિગેડ પેરેડ ગ્રાઉન્ડ ખાતે રાજ્યના મુખ્યમંત્રી તરીકે શપથ લીધા છે. 15 વર્ષ બાદ તૃણમૂલ કોંગ્રેસનું શાસન સમાપ્ત થતાં પહેલી વખત રાજ્યમાં ભાજપની સરકાર સત્તામાં આવી છે. બંગાળના રાજ્યપાલ આરએન રવિએ શુભેન્દુ ઉપરાંત અન્ય 4 ધારાસભ્યોને મંત્રી પદના શપથ લેવડાવ્યા. તેમાં દિલીપ ઘોષ, અગ્નિમિત્રા પાલ, નિશિથ પ્રમાણિક અને અશોક કીર્તનિયાનો સમાવેશ થાય છે.

#WATCH Kolkata | BJP leader Suvendu Adhikari takes oath as the first BJP Chief Minister of West Bengal since independence pic.twitter.com/tTMotWpIld

— ANI (@ANI) May 9, 2026

શપથગ્રહણ સમારોહમાં વડા પ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ સહિત NDA-શાસિત અનેક રાજ્યોના મુખ્યમંત્રીઓ ઉપસ્થિત રહ્યા હતા. વિશાળ મેદાનમાં યોજાયેલા આ સમારોહમાં ભાજપ કાર્યકર્તાઓ અને સમર્થકોની ભારે ભીડ જોવા મળી હતી. સમારોહ દરમિયાન પીએમ મોદી અને અમિત શાહ સહિતના નેતાઓએ ગુરુદેવ રવીન્દ્રનાથ ટાગોરને પુષ્પાંજલિ પણ અર્પણ કરી હતી.

Kolkata | BJP leader Dilip Ghosh takes oath as a minister in the West Bengal government pic.twitter.com/58HitPOwVZ

— ANI (@ANI) May 9, 2026

Kolkata | BJP leader Agnimitra Paul takes oath as a minister in the West Bengal government pic.twitter.com/0o5MzMOYVt

— ANI (@ANI) May 9, 2026

સમારોહ દરમિયાન પીએમ મોદીએ પશ્ચિમ બંગાળ ભાજપના સૌથી વરિષ્ઠ કાર્યકર્તાઓમાંના એક મખનલાલ સરકારને મળીને તેમનું સન્માન કર્યું અને આશીર્વાદ લીધા હતા. ખાસ વાત એ છે કે 1952માં ડૉ. શ્યામા પ્રસાદ મુખર્જી સાથે કાશ્મીરમાં તિરંગો ફરકાવવાના આંદોલનમાં જોડાયા દરમિયાન મખનલાલ સરકારની ધરપકડ પણ થઈ હતી. 98 વર્ષની વયે પણ તેઓ રાષ્ટ્રવાદી વિચારધારાના પ્રારંભિક કાર્યકર્તાઓમાંના એક તરીકે ઓળખાય છે.