Skip to content
સોમવાર, નવેમ્બર 23, 2026 Ahmedabad 24°C

અમદાવાદ ગૌમાંસ કેસમાં કડક ચુકાદો : 3 દોષિતોને 8 વર્ષની સખત કેદ, કોર્ટે ગણાવ્યું ‘સમાજવિરોધી કૃત્ય’

અમદાવાદ ગૌમાંસ કેસમાં કડક ચુકાદો : 3 દોષિતોને 8 વર્ષની સખત કેદ, કોર્ટે ગણાવ્યું ‘સમાજવિરોધી કૃત્ય’

અમદાવાદની સેશન્સ કોર્ટે ગૌમાંસ વેચાણ કેસમાં મહત્વપૂર્ણ અને કડક ચુકાદો આપતા ત્રણ દોષિતોને 8 વર્ષની સખત કેદની સજા ફટકારી છે. સાથે જ દરેક દોષિત પર ₹2 લાખનો દંડ પણ લગાવવામાં આવ્યો છે. આ કેસમાં સમીર શેખ, ઝફરખાન પઠાણ અને મોહમ્મદ અઝમલ શેખને દોષિત ઠેરવવામાં આવ્યા છે.

કોર્ટે પોતાના ચુકાદામાં આ ગુનાને ‘સમાજવિરોધી’ ગણાવ્યો અને નોંધ્યું કે આરોપીઓએ આ કૃત્ય કોઈ ઉશ્કેરણી કે લાગણીમાં નહીં પરંતુ આર્થિક લાભ માટે જાણીજોઈને કર્યું હતું.

 કેસની વિગતો

આ ઘટના 4 મે, 2019ના રોજ  રખિયાલ વિસ્તારમાં બની હતી. પોલીસે ગુપ્ત માહિતીના આધારે કાર્યવાહી કરતાં આરોપીઓને ગૌમાંસ વેચતા ઝડપ્યા હતા.

તપાસ દરમિયાન તેમના કબજામાંથી અંદાજે 250 કિલો ગૌમાંસ જપ્ત કરવામાં આવ્યું હતું. આ કેસમાં કલામ હુસૈન કુરેશી અને ઝીશાન કુરેશી સામે પણ સહાય કરવાનો આરોપ મૂકાયો હતો.

કાયદાકીય કાર્યવાહી

આરોપીઓ સામે ગુજરાત એનિમલ પ્રિઝર્વેશન (સુધારા) અધિનિયમ, GPMC એક્ટ અને IPCની સંબંધિત કલમો હેઠળ કાર્યવાહી કરવામાં આવી હતી. કોર્ટે સ્પષ્ટ કર્યું કે આવા ગંભીર ગુનાઓમાં રાહત આપવાની કોઈ જગ્યા નથી.

ન્યાયાલયે નોંધ્યું કે આ ગુનો પૂર્વનિયોજિત હતો અને નફો કમાવવાના હેતુથી કરવામાં આવ્યો હતો, જે સમાજ માટે હાનિકારક છે.

 

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Ahmedabad Gujarat

Share this story

Latest News

View all
All latest news

Explore Districts

News from every corner of Gujarat.