પશુપાલકો માટે અમુલની મોટી ભેટ : દૂધના ખરીદી ભાવમાં વધારો, નાણાકીય વર્ષ માટે ઐતિહાસિક લક્ષ્ય જાહેર

અમુલ ડેરીએ નાણાકીય વર્ષ દરમિયાન આશરે રૂ. 15,113 કરોડનું ટર્નઓવર હાંસલ કર્યું હોવાનું જાહેર કર્યું છે. સાથે જ ચાલુ નાણાકીય વર્ષ માટે રૂ. 16,753 કરોડના ટર્નઓવરનું મહત્ત્વાકાંક્ષી લક્ષ્ય નક્કી કરવામાં આવ્યું છે.

અમુલ દ્વારા ઓડ ખાતે એશિયાની સૌથી મોટી સીમેન લેબની સ્થાપના કરવામાં આવી હોવાનું પણ જણાવાયું છે, જે પશુપાલન ક્ષેત્રે મહત્વપૂર્ણ પગલું માનવામાં આવી રહ્યું છે.

આ સાથે પશુપાલકો માટે ખુશીના સમાચાર પણ સામે આવ્યા છે. અમૂલે ગાય અને ભેંસના દૂધના ખરીદી ભાવમાં વધારો જાહેર કર્યો છે. ભેંસના દૂધ માટે પ્રતિ કિલો ફેટનો ભાવ રૂ. 865 થી વધારીને રૂ. 875 કરવામાં આવ્યો છે, એટલે કે પ્રતિ કિલો ફેટે રૂ. 10 નો વધારો કરવામાં આવ્યો છે.

જ્યારે ગાયના દૂધના પ્રતિ ફેટનો ભાવ રૂ. 384.10 થી વધારીને રૂ. 388.65 કરવામાં આવ્યો છે, એટલે કે રૂ. 4.55 નો વધારો નોંધાયો છે.

આ ઉપરાંત નાણાકીય વર્ષ 2025-26 માટે પ્રતિ કિલો ફેટનો અંતિમ ભાવ રૂ. 1035 જાહેર કરવામાં આવ્યો છે, જેને અમુલના ઇતિહાસમાં અત્યાર સુધીનો સર્વોચ્ચ દર ગણાવવામાં આવી રહ્યો છે.

આ અંગે અમુલના ચેરમેન શાભેસિંહ પરમારે જણાવ્યું કે, આ નિર્ણયથી પશુપાલકોને સીધો લાભ મળશે અને દૂધ ઉત્પાદન ક્ષેત્રને વધુ પ્રોત્સાહન મળશે.

બાઈટ શાભેસિહં પરમાર (ચેરમેન અમૂલ આણંદ )