કર્ણાટકના રાજકારણમાં લાંબા સમયથી ચાલી રહેલી સત્તા ખેંચતાણનો અંત આવી ગયો છે. મુખ્યમંત્રી સિદ્ધારામૈયાએ સત્તાવાર રીતે પોતાના પદ પરથી રાજીનામું આપવાની જાહેરાત કરી છે. બેંગલુરુ સ્થિત સીએમ આવાસ ‘કાવેરી’ ખાતે યોજાયેલી હાઈ-વોલ્ટેજ કેબિનેટ બેઠક દરમિયાન તેમણે આ નિર્ણય જાહેર કર્યો, જેને રાજ્યની રાજનીતિમાં મોટો ફેરફાર માનવામાં આવી રહ્યો છે.
બ્રેકફાસ્ટ મીટિંગ દરમિયાન વાતાવરણ ખૂબ જ ભાવુક બન્યું હતું. ડેપ્યુટી સીએમ ડી.કે. શિવકુમાર દિલ્હીથી સીધા સીએમ આવાસ પહોંચ્યા હતા. બેઠક દરમિયાન સિદ્ધારામૈયા અને શિવકુમારે એકબીજાને ગળે લગાવીને પાર્ટીમાં એકતા અને સંકલનનો સંદેશ આપ્યો હતો. ખાસ ક્ષણે શિવકુમારે સિદ્ધારામૈયાના ચરણ સ્પર્શ કરીને આશીર્વાદ લીધા હતા, જે રાજકીય સંકેત તરીકે જોવામાં આવી રહ્યું છે.
Karnataka CM and Deputy CM, Siddaramaiah and DK Shivakumar, respectively, share a hug at the CM residence in Bengaluru at the breakfast meeting. Deputy CM DK Shivakumar also touched the feet of CM Siddaramaiah.
(Pics: CMO Karnataka) pic.twitter.com/qIATmAwj8a
— ANI (@ANI) May 28, 2026
આ બેઠકમાં સંતોષ લાડ, બી. સુરેશ, એમ.બી. પાટીલ અને રામલિંગા રેડ્ડી સહિતના અનેક વરિષ્ઠ નેતાઓ હાજર રહ્યા હતા.
મુખ્યમંત્રી સવારે 11 વાગ્યે રાજભવન જઈને રાજીનામું સોંપવાના હતા, પરંતુ આ દરમિયાન અચાનક વળાંક આવ્યો. રાજ્યપાલ થાવરચંદ ગેહલોત પરિવારની મેડિકલ ઈમરજન્સી કારણે ઈન્દોર રવાના થઈ ગયા હતા. રાજ્યપાલની ગેરહાજરીને કારણે રાજીનામું સ્વીકારવાની પ્રક્રિયા અંગે થોડો સમય અનિશ્ચિતતા ઊભી થઈ.
કર્ણાટક મુખ્યમંત્રી કાર્યાલય (CMO) એ સ્પષ્ટતા કરી કે રાજ્યપાલ હાજર ન હોવા છતાં રાજીનામું રાજભવનના વિશેષ સચિવને સોંપવામાં આવશે. આથી રાજકીય પ્રક્રિયા અટકશે નહીં અને સત્તા પરિવર્તન સુચારૂ રીતે પૂર્ણ થશે.
કોંગ્રેસ હાઈકમાન્ડના નિર્ણય બાદ સિદ્ધારામૈયા દિલ્હી જશે અને આગામી સમયમાં રાજ્યસભાના સાંસદ તરીકે તેમની નિમણૂક થવાની શક્યતા છે. બીજી તરફ, શુક્રવારે યોજાનારી કોંગ્રેસ વિધાનસભ્ય પક્ષની બેઠકમાં ડી.કે. શિવકુમારને નવા મુખ્યમંત્રી તરીકે સત્તાવાર રીતે પસંદ કરવામાં આવી શકે છે.
આ સમગ્ર ઘટનાક્રમ કર્ણાટકમાં કોંગ્રેસ પાર્ટીના આંતરિક સંતુલન અને નેતૃત્વ પરિવર્તનનું પ્રતિબિંબ છે. આવનારા દિવસોમાં રાજ્યની રાજનીતિમાં મોટા ફેરફારો જોવા મળી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
