દક્ષિણ-પૂર્વ એશિયાના લાઓસ દેશમાં એક હૃદયકંપાવનારી ઘટના સામે આવી છે, જ્યાં સોનાની શોધમાં ગયેલા 7 લોકો અચાનક આવેલા પૂરનાં કારણે એક ખતરનાક ગુફામાં ફસાઈ ગયા છે. આ ઘટના સાયસોમ્બૂન પ્રાંતમાં બની છે, જ્યાં ભારે વરસાદને કારણે ગુફામાં પાણી ભરાઈ જતાં બહાર નીકળવાનો રસ્તો સંપૂર્ણપણે બંધ થઈ ગયો હતો. માહિતી અનુસાર, આ લોકો 20 મે થી ગુફાની અંદર જ ફસાયેલા છે.
બચાવ કામગીરી દરમિયાન વિદેશી ગોતાખોરોની મદદથી ગુફામાંથી 5 લોકોને જીવતા શોધી કાઢવામાં આવ્યા છે, જ્યારે બાકીના 2 લોકોની શોધખોળ હજુ પણ ચાલુ છે. જીવતા મળેલા લોકો ગુફાની અંદર લગભગ 300 મીટર દૂર એક સાંકડી જગ્યાએ આશરો લઈને બેઠા છે, જ્યાં હવા મળતી હોવાથી તેઓ અત્યાર સુધી બચી શક્યા છે.
પરંતુ તેમને બહાર કાઢવાનું કામ અત્યંત જોખમી અને પડકારજનક બની ગયું છે. ગુફાનો રસ્તો ખૂબ જ સાંકડો છે, જ્યાં કેટલીક જગ્યાએ પહોળાઈ માત્ર 60 સેન્ટીમીટર જેટલી જ છે. બચાવ ટીમને અંદર આગળ વધવા માટે પેટે ઘસડાઈને જવું પડે છે. સાથે જ અંદર લપસણા પથ્થરો અને 4-5 મીટર ઊંડી ખીણો હોવાના કારણે જોખમ અનેકગણું વધી ગયું છે.
Thai rescuer Norrased Palasing & Finnish diver Mikko Paasi have located 5 of the 7 Lao villagers trapped inside a flooded mine cave in Xaysomboun Province, central Laos, after a week-long operation. Rescue efforts are ongoing to extract the survivors and locate the remaining two. pic.twitter.com/kb5ZEiBa32
— PR Thai Government (@prdthailand) May 29, 2026
આ રેસ્ક્યુ ઓપરેશનમાં આંતરરાષ્ટ્રીય નિષ્ણાતોની ટીમ જોડાઈ છે. ફિનલેન્ડના બે અનુભવી ડાઇવર્સ, જેમણે 2018માં થાઈલેન્ડની ગુફામાં ફસાયેલા બાળકોને બચાવ્યા હતા, તેઓ પણ આ મિશનમાં સામેલ છે. તેમની સાથે મલેશિયા, જાપાન, ફ્રાન્સ, ઇન્ડોનેશિયા અને થાઈલેન્ડના નિષ્ણાતો પણ મદદ કરી રહ્યા છે.
બચાવ કામગીરી દરમિયાન એક નવી મુશ્કેલી ઊભી થઈ છે. ગુફાની અંદર ચામાચીડિયાની સડી ગયેલી ચરકમાંથી ‘હાઇડ્રોજન સલ્ફાઇડ’ નામનો ઝેરી ગેસ નીકળી રહ્યો છે, જે અત્યંત ખતરનાક અને દુર્ગંધયુક્ત છે. આ ગેસના કારણે બચાવ ટીમના કેટલાક સભ્યો બેહોશ પણ થઈ ગયા છે.
આ ઉપરાંત,
તાજેતરમાં થયેલા વરસાદને કારણે ગુફામાં ફરીથી પાણી અને માટી ભરાઈ ગયા છે, જેને બહાર કાઢવા માટે પંપ દ્વારા સતત કામગીરી ચાલી રહી છે. સમય સામે ચાલી રહેલા આ જંગમાં દરેક પળ અત્યંત મહત્વપૂર્ણ બની ગઈ છે.
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
