બિહારની રાજધાની પટનાના મુસલ્લાહપુર હાટ વિસ્તારમાં આવેલા જાણીતા શિક્ષક અને યુટ્યુબ એજ્યુકેટર ખાન સરના કોચિંગ ઇન્સ્ટિટ્યૂટની બહાર મંગળવારે મોડી રાત્રે પથ્થરમારો અને તોડફોડની ઘટના સામે આવી છે. આ ઘટનાએ સમગ્ર વિસ્તારમાં તણાવપૂર્ણ સ્થિતિ સર્જી દીધી છે.
ઘટનાના વિરોધમાં બુધવારે સવારે મોટી સંખ્યામાં વિદ્યાર્થીઓ રસ્તા પર ઉતરી આવ્યા હતા અને હુમલાખોરો સામે કડક કાર્યવાહી કરવાની માંગ સાથે પ્રદર્શન કર્યું હતું.
ફાયરિંગના દાવા પર પોલીસની સ્પષ્ટતા
ઘટના બાદ શરૂઆતમાં ફાયરિંગ થયાની ચર્ચાઓ તેજ બની હતી. ખુદ ખાન સરે પણ મીડિયા સાથેની વાતચીતમાં 8થી 10 રાઉન્ડ ફાયરિંગ થયાની આશંકા વ્યક્ત કરી હતી.
જોકે પટના પોલીસના વરિષ્ઠ અધિકારીઓએ સ્પષ્ટ જણાવ્યું છે કે પ્રાથમિક તપાસ, ઘટનાસ્થળની તપાસ અને CCTV ફૂટેજના આધારે ગોળીબારની કોઈ પુષ્ટિ થઈ નથી.
પટના SSP કાર્તિકેય શર્માના જણાવ્યા મુજબ હાલ સુધી મળેલા પુરાવાઓ મુજબ આ ઘટના બે કોચિંગ સંસ્થાઓ સાથે સંકળાયેલા જૂથો વચ્ચેની હિંસક અથડામણ અને તોડફોડનો મામલો છે.
दिनांक 02.06.2026 की रात्रि में करीब 10:10 बजे #कदमकुंआ थानांतर्गत खान ग्लोबल स्टडीज कोचिंग संस्थान पर कुछ लोगों द्वारा ईंटा-पथराव एवं तोड़फोड़ किए जाने के संबंध में सूचना प्राप्त हुई।
प्राप्त सूचना पर पुलिस टीम द्वारा त्वरित घटनास्थल पर पहुंचा गया।
घटनास्थल पर आसपास के लोगों… pic.twitter.com/RQFuyjY0rW
— Patna Police (@PatnaPolice24x7) June 2, 2026
ગાર્ડને ઈજા, CCTVમાં દેખાયા શંકાસ્પદ યુવકો
હુમલા દરમિયાન કોચિંગ સેન્ટરના એક સુરક્ષા ગાર્ડને માથામાં ઈજા પહોંચી હોવાનું સામે આવ્યું છે. તેમને તાત્કાલિક સારવાર આપવામાં આવી હતી.
પોલીસે ઘટનાસ્થળના CCTV ફૂટેજ કબજે કર્યા છે. ફૂટેજમાં 15થી 20 જેટલા શંકાસ્પદ યુવકો તોડફોડ અને હંગામો કરતા દેખાઈ રહ્યા હોવાનું પોલીસ સૂત્રોએ જણાવ્યું છે.
કોચિંગ સેક્ટરની આંતરિક સ્પર્ધા કારણ?
પોલીસની પ્રાથમિક તપાસમાં આ સમગ્ર ઘટનાનું મૂળ કારણ કોચિંગ સંસ્થાઓ વચ્ચેની સ્પર્ધા અને આંતરિક વિવાદ હોવાનું માનવામાં આવી રહ્યું છે.
ખાન સરે આક્ષેપ કર્યો છે કે નજીકમાં આવેલા અન્ય એક જાણીતા કોચિંગ સેન્ટર સાથે સંકળાયેલા અસામાજિક તત્વોએ તેમના ઇન્સ્ટિટ્યૂટને નિશાન બનાવ્યું છે.
બીજી તરફ સામા પક્ષે પણ વળતા આક્ષેપો કરીને દાવો કર્યો છે કે વિવાદની શરૂઆત ખાન સરના ઇન્સ્ટિટ્યૂટ તરફથી થઈ હતી.
વિદ્યાર્થીઓમાં રોષ, સુરક્ષા વધારાઈ
ઘટનાની જાણ થતાં જ ખાન સરના હજારો વિદ્યાર્થીઓમાં ભારે રોષ જોવા મળ્યો હતો. વિદ્યાર્થીઓએ કોચિંગ સેન્ટર બહાર ભેગા થઈને હુમલાખોરો સામે કાર્યવાહી કરવાની માંગ કરી હતી.
કાયદો અને વ્યવસ્થા જાળવી રાખવા માટે પોલીસે વિસ્તારમાં વધારાનું પોલીસબળ તૈનાત કર્યું છે અને સતત પેટ્રોલિંગ શરૂ કરવામાં આવ્યું છે.
પોલીસે તપાસ તેજ કરી
પટના પોલીસે બંને પક્ષોની લેખિત ફરિયાદોના આધારે કેસ નોંધવાની પ્રક્રિયા હાથ ધરી છે. ઘાયલ ગાર્ડ, સ્થાનિક લોકો અને પ્રત્યક્ષદર્શીઓના નિવેદનો લેવામાં આવી રહ્યા છે.
તપાસ ટીમ CCTV ફૂટેજ, ડિજિટલ પુરાવા અને અન્ય માહિતીના આધારે હુમલાખોરોની ઓળખ કરી રહી છે. પોલીસે સ્પષ્ટ કર્યું છે કે ઘટનામાં સામેલ કોઈપણ વ્યક્તિને છોડવામાં આવશે નહીં.
ફાયરિંગ નહીં, તોડફોડનો મામલો: પોલીસ
પોલીસે ફરી એકવાર સ્પષ્ટતા કરી છે કે અત્યાર સુધીની તપાસમાં ફાયરિંગ થયાનું કોઈ પુરાવું મળ્યું નથી. હાલનો કેસ પથ્થરમારો, તોડફોડ અને બે જૂથો વચ્ચેના વિવાદ સાથે જોડાયેલો હોવાનું જણાઈ રહ્યું છે.
હાલમાં પોલીસે આરોપીઓની શોધખોળ શરૂ કરી છે અને ટૂંક સમયમાં વધુ ધરપકડો થઈ શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
