શ્રી કટલરી કરિયાણા મર્ચન્ટ સહકારી શરાફી મંડળી લિ. મોડાસા નીત નવા કાર્યક્રમનું આયોજન કરે છે. ચાલુ વર્ષે મંડળીના ડિરેક્ટર્સ માંથી મહિલા ડિરેક્ટર જયશ્રીબેન એ પટેલ મોડાસા નગરપાલિકામાં પ્રમુખ તરીકે નિયુક્ત થતા તેમજ મંડળીના એમડી રમણભાઈ પ્રજાપતિ, એસોસીએશન સભ્ય જીમિતભાઈ શાહ અને દીપાબેન શેઠ તથા અંજલિ બેન ધનવાણી કોર્પોરેટર તરીકે ઇલેકટ થતા અભિવાદન સમારોહનું આયોજન કરવામાં આવ્યું હતું. અને મંડળીનું કામગીરી નો અહેવાલ એમડી રમણભાઈ પ્રજાપતિ એ આપ્યો હતો.
સમારોહનું અધ્યક્ષ સ્થાન ઇસ્માઈલભાઈ દાદુએ સાંભળ્યું હતું. જ્યારે શાબ્દિક સ્વાગત ચેરમેન પંકજભાઈ બુટાલાએ કર્યું હતું.
જયશ્રીબેન પટેલનું શાલ અને બુકે થી વિવિધ સંસ્થાઓએ સન્માન કર્યું હતું જેમાં શ્રી કટલરી કરિયાણા મર્ચન્ટ સહકારી શરાફી મંડળી લિમિટેડ, શ્રી કટલરી કરિયાણા મર્ચન્ટ સહકારી શરાફી મંડળી લિમિટેડની કીટી પાર્ટી ગ્રુપ, શ્રી કટલરી કરિયાણા મર્ચન્ટ સહકારી શરાફી મંડળી લિમિટેડ સ્ટાફ મિત્રો, શ્રી કટલરી કરિયાણા મર્ચન્ટ એસોસિયેશન હોદ્દેદારશ્રીઓ, શ્રી કટલરી કરિયાણા મર્ચન્ટ એસોસિએશન સલાહકાર બોર્ડ, મોડાસા મહાજન મંડળ, અરવલ્લી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝ, મોડાસા કેળવણી મંડળ, સાર્વજનિક હોસ્પિટલ, લાયન્સ ક્લબ સોસાયટી, સોમનાથ મહાદેવ સિનિયર સિટીઝન ગ્રુપ, મ લા ગાંધી ઉચ્ચતર કેળવણી મંડળ, મેડિકલ એસોસિએશન, મહેસાણા મિત્ર મંડળ વગેરે સંસ્થાઓના હોદ્દેદારોશ્રીઓએ સન્માન કર્યું હતું.
આ ઉપરાંત કોર્પોરેટર રમણભાઈ પ્રજાપતિ, જીમીતભાઈ શાહ, દીપાબેન શેઠ, અંજલીબેન ધનવાણી તેમજ કારોબારી અધ્યક્ષ અનિલભાઈ પટેલ નું પણ આ કાર્યક્રમમાં શાલ અને બુકે થી સન્માન કરવામાં આવ્યું હતું. આ કાર્યક્રમમાં કટલરી કરિયાણા સહકારી શરાફી મંડળી તથા એસોસિએશનના પદાધિકારીશ્રીઓ પરિવાર સહિત ઉપસ્થિત રહ્યા હતા. સન્માનનો કાર્યક્રમ ચંદ્રિકાબેન કિરીટકુમાર સભાખંડમાં યોજવામાં આવ્યો હતો. આ સમારંભમાં ડૉ. મુકુંદભાઈ શાહ, ડો. ટી બી પટેલ, કનુભાઈ પટેલ, આફતાબભાઈ દુરાની, બીપીનભાઈ શાહ, પ્રદીપભાઈ જયસ્વાલ, જીગી ગાંધી, નીલમબેન શાહ વગેરે એ નગરપાલિકાની ઉત્કૃષ્ટ કામગીરી માટે સલાહ સૂચના આપ્યા હતા.
સમગ્ર કાર્યક્રમનું સંચાલન ડિરેક્ટર મુકુન્દ એસ. શાહે કર્યું હતું. કાર્યક્રમ નું આભાર દર્શન મંડળીના મેનેજર નરેશભાઈ શાહે કર્યું હતું. કાર્યક્રમ માં મંડળી ના સ્ટાફનો સુંદર સહયોગ પ્રાપ્ત થયો હતો.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
