રાજધાની નવી દિલ્હીમાં BRICS Summit 2026ને લઈને વૈશ્વિક નેતાઓનો જમાવડો જોવા મળી રહ્યો છે. રશિયાના રાષ્ટ્રપતિ વ્લાદિમીર પુતિન, ઈરાનના રાષ્ટ્રપતિ મસૂદ પેઝેશ્કિયન સહિત વિવિધ દેશોના નેતાઓ સમિટમાં ભાગ લેવા ભારત પહોંચ્યા છે. ભારત મંડપમ ખાતે વડાપ્રધાન નરેન્દ્ર મોદીએ BRICSના નેતાઓનું સ્વાગત કર્યું અને પોતાના સંબોધનમાં ભારતના અધ્યક્ષપદની પ્રાથમિકતાઓ, સંગઠનના ભવિષ્ય તથા વૈશ્વિક વ્યવસ્થામાં સુધારાની જરૂરિયાત પર ભાર મૂક્યો.
વડાપ્રધાન મોદીએ જણાવ્યું કે ભારતનું BRICS અધ્યક્ષપદ People-Centric અને Humanity First અભિગમ પર આધારિત રહ્યું છે. તેમણે resilience, innovation, cooperation અને sustainabilityને ભારતના અધ્યક્ષપદની મુખ્ય પ્રાથમિકતાઓ ગણાવી.
#WATCH | Delhi: During the BRICS Summit 2026, Prime Minister Narendra Modi says, "It gives me immense pleasure to welcome and greet you all to India. India’s BRICS chairmanship is based on a people-centric and humanity-first approach. Resilience, innovation, cooperation, and… pic.twitter.com/8GWE5tWXPk
— ANI (@ANI) September 12, 2026
BRICSને સામાન્ય લોકો સાથે જોડવા પર ભારતનો ભાર
પીએમ મોદીએ કહ્યું કે BRICSનો સહયોગ માત્ર સરકારો અને સંસ્થાઓ સુધી મર્યાદિત ન રહે, પરંતુ તેનો લાભ સામાન્ય લોકો સુધી પહોંચે તે જરૂરી છે.
તેમણે જણાવ્યું કે ભારતના BRICS અધ્યક્ષપદ દરમિયાન 350થી વધુ બેઠકો યોજવામાં આવી અને લગભગ 30 ભારતીય શહેરોમાં BRICS સાથે જોડાયેલી ટીમો અને પ્રતિનિધિમંડળોનું સ્વાગત કરવામાં આવ્યું.
વડાપ્રધાને ભારતના BRICS અધ્યક્ષપદને સફળ બનાવવામાં સભ્ય દેશોના સહકાર બદલ આભાર વ્યક્ત કર્યો અને કહ્યું કે ભારતનો અભિગમ સૌને સાથે લઈને આગળ વધવાનો છે.
આગામી 20 વર્ષ માટે નવો અને મહત્વાકાંક્ષી એજન્ડા
વડાપ્રધાન મોદીએ BRICSના આગામી 20 વર્ષ માટે વધુ મહત્વાકાંક્ષી એજન્ડા તૈયાર કરવાની જરૂરિયાત પર ભાર મૂક્યો.
તેમણે કહ્યું કે BRICSનું અધ્યક્ષપદ દર વર્ષે બદલાતું હોવા છતાં સંગઠનની સંસ્થાકીય ગતિ અને લીધેલા નિર્ણયોના અમલીકરણમાં કોઈ વિક્ષેપ ન આવવો જોઈએ.
આ માટે તેમણે BRICS Continuity and Implementation Mechanism ઊભું કરવાની દરખાસ્ત મૂકી. આ મિકેનિઝમ દ્વારા ‘Troika’ વ્યવસ્થા હેઠળ BRICSની પહેલો, નિર્ણયો અને પરિણામો પર સતત ફોલો-અપ કરી શકાય તેવો અભિગમ રજૂ કરવામાં આવ્યો.
#WATCH | Delhi: During the BRICS Summit 2026, Prime Minister Narendra Modi says, "We need to work on a new and ambitious agenda for the next 20 years. We must begin this process with our own internal working systems. While the BRICS presidency rotates annually, this should not… pic.twitter.com/D9kXsqzmy8
— ANI (@ANI) September 12, 2026
BRICS માટે સુરક્ષિત ડિજિટલ રિપોઝિટરીનો પ્રસ્તાવ
પીએમ મોદીએ BRICSના નિર્ણયો અને પ્રોજેક્ટ્સના અમલીકરણ પર દેખરેખ વધુ મજબૂત બનાવવા સુરક્ષિત ડિજિટલ રિપોઝિટરી બનાવવાનો પણ પ્રસ્તાવ મૂક્યો.
આ ડિજિટલ વ્યવસ્થામાં દરેક નિર્ણય માટે જવાબદાર નોડલ પોઈન્ટ, સમયમર્યાદા અને અમલીકરણની સ્થિતિ જેવી વિગતો નોંધાય તેવી વ્યવસ્થા થઈ શકે છે.
આ પ્રસ્તાવનો હેતુ BRICSમાં લેવાતા નિર્ણયો માત્ર ઘોષણાઓ સુધી મર્યાદિત ન રહે અને તેમનો સમયસર અમલ થાય તે સુનિશ્ચિત કરવાનો છે.
વૈશ્વિક સંસ્થાઓમાં સુધારાની જરૂરિયાત પર ભાર
BRICSના મંચ પરથી વડાપ્રધાન મોદીએ વૈશ્વિક ગવર્નન્સ સિસ્ટમમાં સુધારાની જરૂરિયાતનો મુદ્દો પણ ઉઠાવ્યો.
તેમણે સંયુક્ત રાષ્ટ્ર સહિતની વૈશ્વિક સંસ્થાઓને આજના સમયની વૈશ્વિક વાસ્તવિકતાઓને વધુ સારી રીતે પ્રતિબિંબિત કરતી બનાવવા સુધારાના પ્રયાસોને આગળ વધારવાની જરૂરિયાત પર ભાર મૂક્યો.
BRICSને ગ્લોબલ સાઉથના દેશોની અપેક્ષાઓ અને પડકારોને આંતરરાષ્ટ્રીય મંચો પર વધુ અસરકારક રીતે રજૂ કરનાર પ્લેટફોર્મ તરીકે વિકસાવવાની દિશામાં પણ ભારતે ભાર મૂક્યો છે.
Seafarers માટે Emergency Support Networkનો પ્રસ્તાવ
સમિટમાં પીએમ મોદીએ દરિયાઈ કામદારો અને Seafarersની સુરક્ષાને લઈને વિશેષ પ્રસ્તાવ પણ રજૂ કર્યો.
તેમણે જણાવ્યું કે વૈશ્વિક વેપારને ચાલુ રાખવામાં Seafarersનું મહત્વપૂર્ણ યોગદાન છે, પરંતુ મુશ્કેલી અથવા આકસ્મિક પરિસ્થિતિમાં તેમને સમયસર મદદ મેળવવામાં ઘણી વખત મુશ્કેલીનો સામનો કરવો પડે છે.
આ માટે BRICS દેશો વચ્ચે Emergency Support Network for Seafarers ઊભું કરવાની દરખાસ્ત મૂકવામાં આવી. આ વ્યવસ્થા હેઠળ દરિયાઈ કર્મચારીઓને સંબંધિત દેશોના રાજદ્વારી મિશન સાથે ઝડપથી જોડવાની વ્યવસ્થા વિકસાવી શકાય.
#WATCH | Delhi: During the BRICS Summit 2026, Prime Minister Narendra Modi says, "… Seafarers make a massive contribution to global trade, yet they often find themselves lacking support during difficult times. I propose that we establish a 'Seafarers' Emergency Support… pic.twitter.com/VWcWqNuQbv
— ANI (@ANI) September 12, 2026
આ નેટવર્ક મારફતે ઇમરજન્સીની જાણકારી, તબીબી સહાય, પરિવારને માહિતી પહોંચાડવી અને જરૂર પડે ત્યારે સ્થળાંતર સહાય જેવી બાબતોમાં વધુ ઝડપી સંકલન થઈ શકે.
દરિયાઈ માર્ગોની સુરક્ષા અને Seafarersની સલામતી અંગે ભારત સતત ભાર મૂકી રહ્યું છે. PMOએ પણ BRICS Business Forum દરમિયાન સ્પષ્ટ કર્યું હતું કે વૈશ્વિક વેપાર માટે સમુદ્રી માર્ગો સુરક્ષિત, સપ્લાય રૂટ્સ ખુલ્લા અને Seafarers સલામત હોવા જરૂરી છે.
ભારતની BRICS Chairmanshipનો People-Centric અભિગમ
વડાપ્રધાન મોદીએ પોતાના સંબોધનમાં જણાવ્યું કે ભારતે BRICSને વધુ લોકો કેન્દ્રિત બનાવવાના પ્રયાસો કર્યા છે.
Resilience, Innovation, Cooperation અને Sustainability જેવી પ્રાથમિકતાઓ સાથે BRICSના કાર્યક્રમોને લોકો, ઉદ્યોગો, સંશોધકો, વિદ્યાર્થીઓ અને વિકાસ ક્ષેત્ર સાથે વધુ મજબૂત રીતે જોડવાના પ્રયાસ કરવામાં આવ્યા.
BRICSના 20 વર્ષ પૂર્ણ થવાના પ્રસંગે ભારતે હવે આગામી બે દાયકામાં સંગઠનને વધુ કાર્યક્ષમ, પરિણામલક્ષી અને વૈશ્વિક પડકારોના ઉકેલ માટે મહત્વપૂર્ણ પ્લેટફોર્મ બનાવવાનો સંદેશ આપ્યો છે.
#WATCH | Delhi: During the BRICS Summit 2026, Prime Minister Narendra Modi says, "In formulating this roadmap, we must focus on three key aspects: Representation, Responsiveness, and Rule-making. Regarding representation, I would like to state that reform of the UN Security… pic.twitter.com/NKNqpXufCl
— ANI (@ANI) September 12, 2026
પુતિન અને પેઝેશ્કિયન સહિત વૈશ્વિક નેતાઓની હાજરી
સમિટ દરમિયાન રશિયાના રાષ્ટ્રપતિ વ્લાદિમીર પુતિન સાથે વડાપ્રધાન મોદીએ દ્વિપક્ષીય બેઠક કરી હતી, જેમાં રાજકીય, આર્થિક, સંરક્ષણ, ઊર્જા, અવકાશ અને લોકો વચ્ચેના સંબંધો સહિત અનેક મુદ્દાઓ પર ચર્ચા થઈ.
ઈરાનના રાષ્ટ્રપતિ મસૂદ પેઝેશ્કિયન સાથેની બેઠકમાં પણ ભારત-ઈરાન સંબંધો, પશ્ચિમ એશિયાની સ્થિતિ, સંવાદ અને કૂટનીતિ તથા દરિયાઈ વેપાર અને Seafarersની સલામતી જેવા મુદ્દાઓ પર ચર્ચા થઈ હતી.
BRICS Summit 2026માં ભારતનો મુખ્ય સંદેશ સંગઠનની સામૂહિક શક્તિને વૈશ્વિક ઉકેલોમાં પરિવર્તિત કરવાનો રહ્યો છે. વડાપ્રધાન મોદીએ અગાઉ BRICS Business Forumમાં પણ “BRICS ambitionને actionમાં અને collective strengthને global solutionsમાં ફેરવવા”નો સંદેશ આપ્યો હતો.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
