કર્ણાવતી મહાનગર ના આશ્રમ રોડ સ્થિત CU Shah કેમ્પસમાં પ્રથમ વર્ષના વિદ્યાર્થીઓને એડમિશન ફાળવવામાં આવે તે માટે ABVP દ્વારા યુનિવર્સિટીના VC ને સંબોધીને આવેદનપત્ર આપી CU Shah કેમ્પસમાં આવેલ કોલેજોમાં પ્રથમ વર્ષના વિદ્યાર્થીઓના પ્રવેશ માટે જરૂરી કાર્યવાહી કરવાની માંગ કરાઇ હતી.
ગુજરાત યુનિવર્સિટી તંત્ર દ્વારા CU Shah કેમ્પસમાં આવેલ કોલેજોમાં પ્રવેશ બાબતે કોઈ જ યોગ્ય કાર્યવાહી કરવામાં ના આવતા અખિલ ભારતીય વિદ્યાર્થી પરિષદ કર્ણાવતી મહાનગર દ્વારા યુનિવર્સિટી તંત્ર ને સદબુધ્ધિ આપે તે માટે સદ્બુદ્ધિ યજ્ઞ નું આયોજન કરવામાં આવ્યું હતું. ગુજરાત યુનિવર્સિટી તંત્ર દ્વારા CU Shah કેમ્પસમાં પ્રથમ વર્ષ માં પ્રવેશ ફાળવવામાં નહિ આવે તો અખિલ ભારતીય વિદ્યાર્થી પરિષદ દ્વારા ઉગ્ર આંદોલન કરવામાં આવશે.
