પ્રભાસ, કૃતિ સેનન અને સૈફ અલી ખાન સ્ટારર ફિલ્મ આદિપુરુષ લાંબી રાહ જોયા બાદ આજે સિનેમાઘરોમાં આવી છે. છેલ્લા કેટલાક દિવસોથી આ ફિલ્મને લઈને ઘણી ચર્ચા જોવા મળી રહી છે. તેનું એડવાન્સ બુકિંગ પણ જોરદાર રહ્યું છે. જો કે આ ફિલ્મને લઈને સોશિયલ મીડિયા પર મિશ્ર પ્રતિક્રિયાઓ જોવા મળી રહી છે. આ દરમિયાન એક વીડિયો સામે આવ્યો છે, જેમાં એક કપિરાજ પણ થિયેટરમાં જોવા મળી રહ્યા છે.
આ વીડિયો સામે આવ્યા બાદ લોકો લખી રહ્યા છે કે ભગવાન રામની ફિલ્મ જોવા માટે હનુમાનજી પોતે થિયેટરમાં પહોંચ્યા છે. ફિલ્મ ટ્રેડ એક્સપર્ટ રમેશ બાલાએ પણ આ વાયરલ વીડિયો શેર કર્યો છે. વીડિયો શેર કરતાં રમેશ બાલાએ લખ્યું, “રૂપેરી પડદે ભક્તિની શક્તિનો સાક્ષી. હનુમાનજી પણ થિયેટરોમાં આદિપુરુષની ભવ્ય રજૂઆત માટે તેમના આશીર્વાદ આપી રહ્યા છે.
Witnessing the power of devotion on the silver screen! Hanumanji showers his blessings on #Adipurush's grand release at the theatres!#Prabhas @omraut #SaifAliKhan @kritisanon @mesunnysingh #BhushanKumar #KrishanKumar @vfxwaala @rajeshnair06 pic.twitter.com/5rPVjc3Ik9
— Ramesh Bala (@rameshlaus) June 16, 2023
વીડિયો શેર કરતાં એક ટ્વિટર યુઝરે લખ્યું, “હનુમાનજી જોઈ રહ્યાં છે. એકદમ સાચું. શ્રીરામની કથા વિશ્વના કોઈપણ ખૂણામાં હશે, જ્યાં હનુમાન અવશ્ય પહોંચશે.. જય શ્રી રામ. આ વીડિયો સોશિયલ મીડિયા પર આવતાની સાથે જ જોરશોરથી વાયરલ થઈ રહ્યો છે.
તમને જણાવી દઈએ કે આદિપુરુષ ફિલ્મનું નિર્દેશન ઓમ રાઉતે કર્યું છે. આ ફિલ્મમાં હનુમાનજીનું પાત્ર અભિનેતા દેવદત્ત નાગે ભજવ્યું છે. આ ફિલ્મમાં તેના સિવાય એક્ટર સની સિંહ લક્ષ્મણના રોલમાં જોવા મળ્યો છે. ફિલ્મના ટીઝરની ટીકા કર્યા પછી, નિર્માતાઓએ તેમાં કેટલાક ફેરફારો સાથે ટ્રેલર રિલીઝ કર્યું. બાદમાં બંને ટ્રેલરને ચાહકોનો ઘણો પ્રેમ મળ્યો.
કહેવામાં આવી રહ્યું છે કે આ ફિલ્મનું બજેટ લગભગ 600 કરોડ છે અને તે દેશની સૌથી મોંઘી ફિલ્મ છે. જોકે, આ ફિલ્મના બજેટને લઈને મેકર્સ દ્વારા કોઈ સત્તાવાર માહિતી આપવામાં આવી નથી.
