દિલ્હીમાં એરફોર્સ ચીફ એર ચીફ માર્શલ વીઆર ચૌધરીએ ભવિષ્યના યુદ્ધોને લઈ મોટું નિવેદન આપ્યું હતું. એરફોર્સ ચીફ એર ચીફ માર્શલ વીઆર ચૌધરીએ કહ્યું કે, ભારતે હવે ભવિષ્ય માટે તૈયારી કરવાની જરૂર છે અને આપણે સ્વીકારવાની જરૂર છે કે ભવિષ્યમાં યુદ્ધ અલગ રીતે લડવામાં આવશે. વાસ્તવમાં એરફોર્સ ચીફ એરોસ્પેસ પાવર પર આયોજિત કોન્ફરન્સમાં ભાગ લેવા માટે દિલ્હી આવ્યા હતા. અહીં તેમને ભવિષ્યના યુદ્ધો અને તેમાં વપરાતી ટેક્નોલોજી વિશે પ્રશ્નો પૂછવામાં આવ્યા હતા. તેના જવાબમાં એર ચીફ માર્શલ વીઆર ચૌધરીએ કહ્યું કે આપણે એ સ્વીકારવાની જરૂર છે કે ભવિષ્યમાં યુદ્ધ અલગ રીતે લડવામાં આવશે. ભવિષ્યના યુદ્ધોમાં શું અલગ હશે? આના જવાબમાં વી.આર. ચૌધરીએ કહ્યું હતું કે ભવિષ્યના યુદ્ધોમાં ગતિશીલ (kinetic ) અને બિન ગતિશીલ (non-kinetic) દળોનું મિશ્રણ જોવા મળશે. આ કારણે, યુદ્ધો વધુ ઘાતક બનશે.
Delhi | Indian Air Force Chief Air Chief Marshal VR Chaudhari at an event says, "…As nations increasingly rely on space-based assets for building strategic advantage, weaponisation of space has become an inevitable reality…" pic.twitter.com/0GOIBk1uNm
— ANI (@ANI) March 27, 2024
અવકાશનું લશ્કરીકરણ એ આજની સૌથી મોટી જરૂરિયાત
એર ચીફ માર્શલે આકાશ અને અવકાશને ભવિષ્યના યુદ્ધોનું કેન્દ્રબિંદુ ગણાવ્યું છે. તેમના મતે આકાશને અજાયબી અને સંશોધનનું ક્ષેત્ર માનવામાં આવે છે જેની સીમાઓ વિશાળ વાદળી વિસ્તરણમાં ભળી જાય છે. તેમણે કહ્યું કે, વિશ્વના ઘણા દેશો અંતરિક્ષ આધારિત સંપત્તિ પર નિર્ભર છે. એવું લાગે છે કે, અવકાશનું લશ્કરીકરણ અને શસ્ત્રીકરણ આજના સમયની સૌથી મોટી જરૂરિયાત બની ગઈ છે.
#WATCH | Delhi: At the 15th Jumbo Majumdar International Seminar, Air Chief Marshal VR Chaudhari, at his address, says, "Balakot-like operations have shown that given the political will, aerospace power can be effectively carried out beyond enemy lines, in a no-war, no-peace… pic.twitter.com/sdis3BjZBG
— ANI (@ANI) March 27, 2024
ભવિષ્યના યુદ્ધોની વિશેષતાઓ શું હશે ?
એર ચીફ માર્શલે ભવિષ્યના યુદ્ધોની વિશેષતાઓ પણ વર્ણવી હતી. તેમના મતે ભવિષ્યના યુદ્ધોમાં ગતિ અને બિન-ગતિ બળનો એકસાથે ઉપયોગ કરવામાં આવશે. આ સિવાય ઘણા બધા ક્ષેત્રોમાં યુદ્ધો થતા જોઈ શકાય છે. જેના કારણે આ સંઘર્ષો વધુ ઘાતક બનશે. આ દરમિયાન એર ચીફ માર્શલે બાલાકોટ એર સ્ટ્રાઈકનો ઉલ્લેખ કર્યો હતો. તેમણે કહ્યું કે, આ ઓપરેશને બતાવ્યું છે કે, જો રાજકીય ઈચ્છાશક્તિ હોય તો એરોસ્પેસ પાવરને અસરકારક રીતે દુશ્મનની સરહદ સુધી લઈ જઈ શકાય છે. એરફોર્સ ચીફના જણાવ્યા અનુસાર મિલિટરી ઓપરેશન્સ કરવા માટે સ્પેસ પણ એક મહત્વપૂર્ણ ક્ષેત્ર તરીકે ઉભરી આવ્યું છે.
