ગુજરાતમાં ગવર્નમેન્ટ એડમિનિસ્ટ્રેશન રિફોર્મ્સ કમિટી (GARC) ના પાંચમા અહેવાલની ભલામણોને અનુરૂપ, રાજ્ય સરકાર દ્વારા સૌથી વધુ અરજીઓ ધરાવતી 20 સરકારની સર્વિસેસને ડિજિટલ ગુજરાત પ્લેટફોર્મ પર ઓનલાઈન ઉપલબ્ધ કરવામાં આવી છે. આ પહેલના અમલથી નાગરિકોને ફેસલેસ, કેશલેસ અને પેપરલેસ સર્વિસીસ મળી રહી છે, જેના કારણે સમય, ખર્ચ અને કચેરીની મુસાફરીમાં ઘટાડો થશે.
મુખ્યત્વે કઈ સર્વિસીસ ઓનલાઈન થઈ
મુખ્યમંત્રી ભુપેન્દ્ર પટેલ ના નેતૃત્વમાં વિજ્ઞાન અને ટેક્નોલોજી વિભાગે આ પહેલ હાથ ધર્યા છે. આ પહેલ હેઠળ નીચેના વિભાગોની 20 મુખ્ય સર્વિસેસ ઓનલાઇન ઉપલબ્ધ થઈ છે:
- સામાજિક ન્યાય અને અધિકારીતા વિભાગ (SJED)
- SEBC પ્રમાણપત્ર (ગ્રામીણ/શહેરી)
- નોન-ક્રીમી લેયર સર્ટિફિકેટ (ગુજરાત/ભારત)
- SC પ્રમાણપત્ર
- EWS પ્રમાણપત્ર
- આવકના દાખલા
- અન્ન અને નાગરિક પુરવઠા વિભાગ (FCS)
- રેશનકાર્ડમાં નામ ઉમેરવું, નામ કમી કરવું, સુધારો કરવો
- અલગ રેશનકાર્ડ, નવું રેશનકાર્ડ
- ડુપ્લીકેટ રેશનકાર્ડ
- મહેસૂલ વિભાગ
- નકલ મેળવવાની વિનંતી (Request for Copy)
- કાયદા વિભાગ
- અન્ય તૈયાર સોગંદનામું
- આદિજાતી વિકાસ વિભાગ
- અનુસૂચિત જનજાતિ (ST) જાતિનું પ્રમાણપત્ર
ડિજિટલ એન્હાન્સમેન્ટ્સ
આ 20 સર્વિસીસ ઓનલાઈન લાવવાથી નાગરિકો એકવાર ડેટા એન્ટ્રી કર્યા બાદ તેને વિવિધ સેવાઓમાં પુનઃ ઉપયોગ કરી શકે છે. અરજી ફોર્મને સરળ બનાવવા માટે અનાવશ્યક દસ્તાવેજોની માંગણી દૂર કરવામાં આવી છે અને ડિજિટલ વેરિફિકેશન, આધાર આધારિત ઓળખ, API ચકાસણી અને DigiLocker ઇન્ટિગ્રેશનનો સમાવેશ છે.
- eSign સુવિધા: ઑનલાઈન સહી
- WhatsApp સર્વિસ ડિલિવરી
- QR કોડ ધરાવતા પ્રમાણપત્રો
- UPI દ્વારા પેમેન્ટ
નાગરિકોને લાભ
- ઝડપી સેવા વિતરણ: GPR (Government Process Re-engineering) થી મંજૂરીના તબક્કાઓ ઘટશે
- પારદર્શકતા: ફેસલેસ સેવા માધ્યમથી સર્વિસીસ ઉપલબ્ધ
- સમય અને ખર્ચમાં બચત: નાગરિકોને કચેરી પહોંચવાની જરૂર નથી
- ચોકસાઈભર્યો ડેટા: ડેટા ઇન્ટિગ્રેશનથી પ્રમાણપત્રોની ભૂલો ઘટશે
આગળની યોજના
રાજ્ય સરકાર આગામી સમયમાં વધુ સેવાઓને સુગમ ડિજિટલ ગુજરાત હેઠળ આવરી લેશે અને ગુજરાતી AI મોડલ્સ અને આધુનિક ટેક્નોલોજી આધારિત પ્રોજેક્ટ્સ હેન્ડલ કરશે.
આ પહેલ રાજ્યના ડિજિટલ ટ્રાન્સફોર્મેશનમાં એક મહત્વપૂર્ણ પગલું છે અને નાગરિકને સરળ, ઝડપી અને પારદર્શક સેવાઓ પ્રદાન કરવા માટે ગુજરાત સરકારના દૃઢ પ્રતિબદ્ધતા દર્શાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
