Skip to content
સોમવાર, નવેમ્બર 23, 2026 Ahmedabad 24°C

જૂની હળિયાદ સહિત બગસરા પંથકમાં ગૃહઉદ્યોગમાં લાખો રૂપિયાની કમાણી સાથે મહિલા સશક્તિકરણનું નમૂનેદાર અભિયાન

જૂની હળિયાદ સહિત બગસરા પંથકમાં ગૃહઉદ્યોગમાં લાખો રૂપિયાની કમાણી સાથે મહિલા સશક્તિકરણનું નમૂનેદાર અભિયાન

બગસરાની વિશ્વ વાત્સલ્ય માનવસેવા સંસ્થા દ્વારા આજુબાજુનાં ૧૫ ગામોમાં ગ્રામવિકાસનું સફળ કાર્ય થયું છે. જૂની હળિયાદ સહિત બગસરા પંથકમાં ગૃહઉદ્યોગમાં લાખો રૂપિયાની સમાણી સાથે મહિલા સશક્તિકરણનું નમૂનેદાર અભિયાન રહ્યું છે.

માત્ર કાર્યક્રમો અને કહેવાતી રીતે મહિલા સશક્તિકરણ કે ગ્રામ વિકાસની વાત નહી, પરિણામ લક્ષી કામગીરીનો બગસરા પંથકમાં ૧૫ ગામોને લાભ મળી રહ્યો છે.

વિશ્વ વાત્સલ્ય માનવ સેવા સંસ્થા અનેકવિધ પ્રવૃત્તિઓ કરી રહેલ છે, જેમાં મહિલા સશક્તિકરણ માટે બચત સાથે સ્વરોજગારી, આરોગ્ય જાગૃતિ, પારિવારિક સંવેદના સભર કાર્યક્રમો, વૃક્ષારોપણ સાથે પર્યાવરણ જાળવણી, રસોઈ કામગીરી અને સર્વોદય પાત્ર અભિયાન તેમજ પ્રાકૃતિક કૃષિ સંદર્ભે નમૂનેદાર કામ ચાલી રહેલ છે. આ ઉપરાંત વિશિષ્ટ પ્રદાન કરનાર બહેનોનું સન્માન અભિવાદન પણ ખરું જ.!

જૂની હળિયાદ ગામની વિગત મુજબ અહીંયા ત્રણ મંડળ ચાલે છે. બાલકૃષ્ણ મહિલા બચત મંડળ, શ્રીજી મહિલા બચત મંડળ અને રાધે મહિલા બચત મંડળ, જેઓ ગૃહઉદ્યોગ ચલાવી રોજગારી મેળવી રહેલ છે. અથાણા, પાપડ, સાબુ, ઉનનું ગૂંથણ તેમજ સૌંદય પ્રસાધન ઉત્પાદન કરી વાર્ષિક હજારોમાં નહી લાખો રૂપિયાની કમાણી કરે છે.

બગસરાની વિશ્વ વાત્સલ્ય માનવસેવા સંસ્થા દ્વારા આજુબાજુનાં ૧૫ ગામોમાં આ બહેનોને રોજગાર સાથે જાગૃતિના તાલીમ શિબિરો, માર્ગદર્શન અને વ્યાપારી સંપર્કોનો લાભ મળી રહ્યો છે અને આમ ગ્રામવિકાસનું સફળ કાર્ય થયું છે.

વિશ્વ વાત્સલ્ય માનવ સેવા સંસ્થાના વડા જયશ્રીબેન સાવલિયા, જ્યોતિ મહિલા વિકાસ સંગઠનનાં સંયોજક કવિતાબેન ડામોર તેમજ જૂની હળિયાદ ગામના વિલાસબેન સતાણી સાથે પારૂલબેન ઢોલરિયા વગેરેનું માર્ગદર્શન સંકલન ખૂબ પ્રેરક રહ્યું છે. આમ, જૂની હળિયાદ સહિત બગસરા પંથકમાં ગૃહઉદ્યોગ સાથે મહિલા સશક્તિકરણનું નમૂનેદાર અભિયાન રહ્યું છે અને સ્વમાનભેર લાખો રૂપિયાનો સ્વરોજગારીનો લાભ લઈ રહ્યાં છે.

 

મૂકેશ પંડિત (ભાવનગર)

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Bhavnagar Gujarat

Share this story

Latest News

View all
All latest news

Explore Districts

News from every corner of Gujarat.