વિશ્વનું સૌથી ઉંચુ યુદ્ધ ક્ષેત્ર ‘ભારત માતા કી જય’ના નારાથી ગુંજી ઉઠ્યું, સૈનિકોએ સિયાચીનમાં ફરકાવ્યો રાષ્ટ્રધ્વજ

વિશ્વનું સૌથી ઉંચુ યુદ્ધક્ષેત્ર સિયાચીન ગ્લેશિયર ભારત માતા કી જયના ​​નારાથી ગૂંજી ઉઠ્યું હતું. આજે ભારતીય સૈનિકોએ સિયાચીન ગ્લેશિયર પર 77મા સ્વાતંત્રતા દિવસની ઉજણવી કરતા રાષ્ટ્રધ્વજ ફરકાવ્યો હતો.

દુશ્મનોને મર્યાદામાં રહેવા માટે સ્પષ્ટ સંકેત

આજે સૈનિકોએ સ્વતંત્રતા દિવસ પર જમ્મુથી લદ્દાખ સુધીના દરેક આગળના ક્ષેત્રમાં દેશની ખાતર દરેક બલિદાન આપવાના તેમના સંકલ્પને પુનરાવર્તિત કર્યો હતો. સરહદી વિસ્તારોમાં ગર્વથી ત્રિરંગો ફરકાવતા સુરક્ષા જવાનોએ દુશ્મનોને પોતાની મર્યાદામાં રહેવાનો સ્પષ્ટ સંદેશ પણ આપ્યો હતો. જમ્મુ કાશ્મીર અને લદ્દાખની સુરક્ષા માટે જવાબદાર સેનાના ઉત્તરી કમાન્ડના આર્મી કમાન્ડર લેફ્ટનન્ટ જનરલ ઉપેન્દ્ર દ્વિવેદીએ સૈનિકોને સ્વતંત્રતા દિવસની શુભેચ્છા પાઠવી હતી.

લિકારુ-મિગ લા-ફુકચેનું બાંધકામ શરૂ થયું

આ દરમિયાન સ્વતંત્રતા દિવસ પર બોર્ડર રોડ અને સેનાએ પણ દેશવાસીઓને ઘણી ભેટ આપી હતી. દેશના 77માં સ્વતંત્રતા દિવસના અવસર પર, બોર્ડર રોડ ઓર્ગેનાઈઝેશને લદ્દાખમાં બીજા વ્યૂહાત્મક રોડ લિકારુ-મિગ લા-ફૂકચેનું નિર્માણ શરૂ કર્યું. લદ્દાખમાં 19400 ફૂટની ઉંચાઈ પર બનાવવામાં આવનાર આ રોડ ઉમલિંગ લાથી ઊંચો હશે, જે આ ક્ષેત્રમાં વિશ્વના સૌથી ઊંચા મોટરેબલ રોડ છે.

દન્નાના લોકોને 115 ફૂટ લાંબા પુલની ભેટ

સ્વતંત્રતા દિવસ પર, સેનાએ કાશ્મીરના મચ્છલ નાલામાં એલઓસી પરના છેલ્લા ગામ દન્નાના લોકોને 115 ફૂટ લાંબો પુલ ભેટમાં આપ્યો હતો. વીર ચક્ર વિજેતા શહીદ મેજર ભગત સિંહને સમર્પિત, બ્રિજનું ઉદ્ઘાટન 1971ના યુદ્ધના અનુભવી મિયાં ગુલ ખાને રિબન કાપીને કર્યું હતું.