આસામના રાજકારણમાં મહત્વપૂર્ણ ફેરફાર જોવા મળી રહ્યો છે. આસામ કોંગ્રેસના ભૂતપૂર્વ અધ્યક્ષ ભૂપેન કુમાર બોરા હવે ભારતીય જનતા પાર્ટી (ભાજપ)માં જોડાવા જઈ રહ્યા છે. તાજેતરમાં કોંગ્રેસમાંથી રાજીનામું આપ્યા બાદ આસામના મુખ્યમંત્રી હિમંતા બિસ્વા સરમાએ જાહેરાત કરી છે કે બોરા 22 ફેબ્રુઆરીના રોજ સત્તાવાર રીતે ભાજપમાં જોડાશે. આ નિર્ણય આસામના રાજકીય સમીકરણોને અસર કરી શકે તેવી ચર્ચા ચાલી રહી છે.
પ્રેસ કોન્ફરન્સમાં CM સરમાની જાહેરાત
18 ફેબ્રુઆરીએ આસામ ભાજપના પ્રદેશ અધ્યક્ષ દિલીપ સૈકિઆની હાજરીમાં યોજાયેલી પ્રેસ કોન્ફરન્સ દરમિયાન CM હિમંતા બિસ્વા સરમાએ આ માહિતી આપી હતી. તેમણે જણાવ્યું કે ભૂપેન બોરાની સાથે ગુવાહાટી અને ઉત્તર લખીમપુર સહિતના વિસ્તારોમાંથી મોટી સંખ્યામાં કોંગ્રેસના નેતાઓ પણ ભાજપમાં જોડાશે. સરમાએ બોરાને કોંગ્રેસમાં છેલ્લા માન્ય હિંદુ નેતા તરીકે ગણાવતાં કહ્યું કે તેમને ભાજપમાં સંપૂર્ણ સન્માન અને ગૌરવ મળશે.
#WATCH | Guwahati | Assam CM Himanta Biswa Sarma says, "… Bhupen Borah will join BJP on 22nd February. Dilip Saikia will work out the details. Along with him, a good number of Congress leaders will join the BJP in Guwahati and North Lakhimpur … He is the last recognised Hindu… pic.twitter.com/IO8ErSW9iu
— ANI (@ANI) February 17, 2026
‘ઘરવાપસી’ સમાન જોડાણ: CM સરમા
સરમાએ જણાવ્યું કે ભાજપના રાષ્ટ્રીય નેતૃત્વે અગાઉથી જ બોરાના જોડાણને લીલી ઝંડી આપી દીધી હતી. તેમના જણાવ્યા મુજબ, બોરાનું ભાજપમાં જોડાવું ‘ઘરવાપસી’ જેવું રહેશે, કારણ કે ભાજપમાં તેમના જેવા વિચારો ધરાવતા ઘણા નેતાઓ છે. આ નિવેદનથી આસામના રાજકીય વર્તુળોમાં ચર્ચાઓ તેજ બની છે.
કોંગ્રેસ સાથે મતભેદ બાદ રાજીનામું
માહિતી મુજબ ભૂપેન કુમાર બોરાએ કોંગ્રેસ નેતા ગૌરવ ગોગોઈ સાથેના મતભેદોને કારણે પાર્ટીમાંથી રાજીનામું આપ્યું હતું. રાજીનામા બાદ CM હિમંતા બિસ્વા સરમાએ તેમની મુલાકાત પણ લીધી હતી. ત્યારબાદ કોંગ્રેસ હાઈકમાન્ડે તેમને મનાવવાનો પ્રયાસ કર્યો હતો અને કહેવાય છે કે રાહુલ ગાંધીએ પણ ફોન પર વાતચીત કરી હતી. કોંગ્રેસે એક સમયે જાહેરાત કરી હતી કે બોરા રાજીનામું પરત ખેંચશે, પરંતુ હવે તેમની ભાજપમાં જોડાવાની જાહેરાતથી સ્પષ્ટ થયું છે કે તેઓ પાર્ટી છોડવાનો અંતિમ નિર્ણય લઈ ચૂક્યા છે.
ભૂપેન બોરાનું ભાજપમાં જોડાણ આસામના રાજકારણમાં નવા રાજકીય સમીકરણો ઉભા કરી શકે છે. ખાસ કરીને કોંગ્રેસ માટે આ મોટો રાજકીય ઝટકો માનવામાં આવી રહ્યો છે, જ્યારે ભાજપ માટે રાજ્યમાં પોતાની સ્થિતિ વધુ મજબૂત કરવાની તક બની શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
