અમેરિકામાં વસવાટ અને ગ્રીન કાર્ડ મેળવવાનું સપનું જોતા હજારો ભારતીયો માટે મોટો ઝટકો લાગ્યો છે. US Citizenship and Immigration Services (USCIS) દ્વારા નવા અને કડક ઇમિગ્રેશન નિયમોની જાહેરાત કરવામાં આવી છે, જેનાથી હવે ગ્રીન કાર્ડ મેળવવાની પ્રક્રિયા વધુ જટિલ બની ગઈ છે.
ગ્રીન કાર્ડ માટે હવે અમેરિકા છોડવું ફરજિયાત
નવા નિયમ અનુસાર, ગ્રીન કાર્ડ માટે અરજી કરનાર વિદેશી નાગરિકોએ સમગ્ર પ્રક્રિયા દરમિયાન અમેરિકાની બહાર રહેવું પડશે. અત્યાર સુધી ઘણા લોકો અસ્થાઈ વિઝા પર અમેરિકામાં રહીને જ “સ્ટેટસ એડજસ્ટમેન્ટ” દ્વારા ગ્રીન કાર્ડ મેળવી શકતા હતા. હવે આ સુવિધા લગભગ બંધ કરી દેવામાં આવી છે.
આ બદલાવથી અરજદારોને પોતાના વતનમાં પરત જઈને જ ઇમિગ્રન્ટ વિઝા માટે અરજી કરવાની ફરજ પડશે, જેનાથી સમય અને અનિશ્ચિતતા બંને વધશે.
માત્ર અસાધારણ સંજોગોમાં જ છૂટ
USCISના પ્રવક્તા Jack Kahl એ જણાવ્યું છે કે અમેરિકામાં રહીને ગ્રીન કાર્ડ મેળવવાની મંજૂરી હવે માત્ર “અસાધારણ સંજોગો”માં જ મળશે. નવા પોલિસી મેમો મુજબ, ઇમિગ્રેશન અધિકારીઓને દરેક કેસની વ્યક્તિગત અને કડક સમીક્ષા કરવાનો આદેશ આપવામાં આવ્યો છે.
H-1B વિઝા ધારકો અને વિદ્યાર્થીઓ પર સૌથી વધુ અસર
આ નિર્ણયની સૌથી મોટી અસર નીચેના વર્ગો પર પડશે:
- આંતરરાષ્ટ્રીય વિદ્યાર્થીઓ
- H-1B visa ધારકો
- ટૂરિસ્ટ વિઝા પર રહેલા લોકો
આ તમામ લોકો અત્યાર સુધી અમેરિકા છોડ્યા વિના જ ગ્રીન કાર્ડ મેળવવાની આશા રાખતા હતા. હવે તેમને દેશમાં પાછા જવું પડશે, જેનાથી તેમની કારકિર્દી અને ભવિષ્યની યોજનાઓ પર અસર પડશે.
ટ્રમ્પ સરકારનો કડક અભિગમ
આ નીતિ બદલાવ ડોનાલ્ડ ટ્રમ્પ સરકારની કડક ઇમિગ્રેશન નીતિનો ભાગ માનવામાં આવી રહ્યો છે. US Department of Homeland Security દ્વારા જણાવાયું છે કે આ નિર્ણય ઇમિગ્રેશન સિસ્ટમને કાયદા મુજબ ચલાવવા અને છટકબારીઓ બંધ કરવા માટે લેવામાં આવ્યો છે.
ભારતીયો માટે આ મોટો આંચકો શા માટે?
ભારતીયો માટે આ બદલાવ ખાસ કરીને ગંભીર છે કારણ કે:
- અમેરિકામાં ગ્રીન કાર્ડ મેળવનારાઓમાં ભારતીયોનો મોટો હિસ્સો છે
- FY 2024માં લગભગ 49,700 ભારતીય મૂળના લોકો ગ્રીન કાર્ડ પ્રક્રિયા દ્વારા નાગરિક બન્યા
- અમેરિકન નાગરિકતા મેળવનારાઓમાં ભારતીયો બીજા ક્રમે છે (મેક્સિકો પછી)
- કુલ નેચુરલાઈઝેશનમાં ભારતીયોનો હિસ્સો 6.1% છે
આથી નવા નિયમોથી હજારો ભારતીયો માટે ગ્રીન કાર્ડ મેળવવાની પ્રક્રિયા વધુ લાંબી અને અનિશ્ચિત બની શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
