બિહારના પૂર્ણિયાથી લોકસભા સાંસદ રાજેશ રંજન ઉર્ફે પપ્પુ યાદવની પટના પોલીસે શુક્રવારે (6 ફેબ્રુઆરી 2026) મધરાતે ધરપકડ કરી છે. લગભગ 31 વર્ષ જૂના કેસમાં પટનાની વિશેષ અદાલત દ્વારા જારી કરાયેલા અરેસ્ટ વોરન્ટના આધારે આ કાર્યવાહી કરવામાં આવી હતી. લાંબા સમયથી ચાલી રહેલા કાનૂની કેસમાં અદાલતમાં હાજર ન રહેવા બદલ કોર્ટ દ્વારા સખ્ત વલણ અપનાવવામાં આવ્યું હતું, જેના પગલે પોલીસની ખાસ ટીમે કાર્યવાહી કરી હતી.
पप्पू यादव को 1995 के फर्जीवाड़े के मामले में गिरफ्तार किया गया।
यह मामला फर्जी किराया दस्तावेज़, आपराधिक साजिश और धोखाधड़ी से जुड़ा है।
गिरफ्तारी के बाद देखिए "बाघ के करेजा" की बॉडी लैंग्वेज में अचानक आए बदलाव को!
जो पहले शेर की तरह दहाड़ते थे, अब चुप्पी और घबराहट साफ… pic.twitter.com/JxTEupCea8
— One India News (@oneindianewscom) February 7, 2026
રિપોર્ટ મુજબ, પોલીસ ટીમ રાત્રે લગભગ 12 વાગ્યે મંદિરી વિસ્તારમાં આવેલા પપ્પુ યાદવના નિવાસસ્થાને પહોંચી હતી. ધરપકડ દરમિયાન તણાવપૂર્ણ માહોલ સર્જાયો હતો અને સમગ્ર પ્રક્રિયા લગભગ ત્રણ કલાક સુધી ચાલી હતી. આ દરમિયાન પપ્પુ યાદવની તબિયત અચાનક બગડી જતા તેઓ બેહોશ થઈ ગયા હતા, જેના કારણે તેમના સમર્થકોમાં રોષ ફેલાયો અને થોડા સમય માટે પરિસ્થિતિ તંગ બની ગઈ. જોકે, સ્થિતિ નિયંત્રણમાં આવ્યા બાદ પોલીસે તેમને કસ્ટડીમાં લઈ લીધા.
ધરપકડ બાદ પપ્પુ યાદવે જણાવ્યું કે તેમને કેસ વિશે સંપૂર્ણ માહિતી નથી અને કાર્યવાહી અંગે પ્રશ્નો ઉઠાવ્યા હતા. બાદમાં તેમને તપાસ માટે ઇન્દિરા ગાંધી આયુર્વિજ્ઞાન સંસ્થાન (IGIMS) લઈ જવામાં આવ્યા, જ્યાં મેડિકલ ચેકઅપ કરાવવામાં આવ્યું. પોલીસ અધિકારીઓએ જણાવ્યું કે શનિવારે (7 ફેબ્રુઆરી) તેમને સંબંધિત અદાલતમાં રજૂ કરવામાં આવશે. કાર્યવાહી દરમિયાન સિટી એસપીના નેતૃત્વમાં 5 ડીએસપી, 6 પોલીસ સ્ટેશન ઇન્ચાર્જ અને લગભગ 100 પોલીસકર્મીઓ તહેનાત કરવામાં આવ્યા હતા.
#WATCH | Patna, Bihar | Independent MP Pappu Yadav says, "… I am not well… I don't know what will happen with me…" https://t.co/NfhVlI0fI4 pic.twitter.com/MIpnQL7HPg
— ANI (@ANI) February 6, 2026
પટનાના એસપી સિટી ભાનુ પ્રતાપ સિંહના જણાવ્યા અનુસાર, આ કેસ વર્ષ 1995નો છે અને તેની સુનાવણી MP-MLA વિશેષ અદાલતમાં ચાલી રહી છે. કોર્ટ દ્વારા અનેક વખત સમન જારી કરવા છતાં સાંસદ નિર્ધારિત તારીખે હાજર રહ્યા નહોતા, જેને અદાલતે ન્યાયિક પ્રક્રિયાની અવગણના ગણાવી. પહેલા તેમની સંપત્તિ જપ્ત કરવાનો આદેશ આપવામાં આવ્યો અને ત્યારબાદ ધરપકડ વોરન્ટ જારી કરવામાં આવ્યું.
આ કેસનું મૂળ 1995માં નોંધાયેલ વિવાદ છે, જેમાં આરોપ છે કે પપ્પુ યાદવે પટનાના ગર્દનીબાગ વિસ્તારમાં એક મકાન ભાડે લઈને તેના પર ગેરકાયદેસર કબજો કર્યો હતો. ફરિયાદી વિનોદ બિહારી લાલના જણાવ્યા મુજબ, મકાન વ્યક્તિગત ઉપયોગ માટે લેવામાં આવ્યું હતું, પરંતુ બાદમાં તેને રાજકીય કાર્યાલય તરીકે ઉપયોગ કરવામાં આવ્યો હતો. આ મામલે ગર્દનીબાગ પોલીસ સ્ટેશનમાં કેસ નંબર 552/1995 હેઠળ છેતરપિંડી, ગેરકાયદેસર પ્રવેશ, આપરાધિક ધમકી અને કાવતરાં જેવા ગંભીર આરોપો નોંધાયા હતા. લાંબા સમયથી વિચારાધીન રહેલા આ કેસમાં કોર્ટના આદેશ બાદ આખરે પોલીસે કાર્યવાહી કરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
