કેન્દ્ર સરકારે પેઇન કીલર તરીકે વપરાતી નિમેસુલાઈડ દવા અંગે મહત્વપૂર્ણ અને કડક નિર્ણય લીધો છે. સરકાર દ્વારા 100 મિલિગ્રામથી વધારે માત્રાવાળી નિમેસુલાઈડ ગોળીઓના નિર્માણ, વેચાણ અને વિતરણ પર તાત્કાલિક અસરથી સમગ્ર દેશમાં પ્રતિબંધ મુકવામાં આવ્યો છે. આ નિર્ણય ડ્રગ્સ એન્ડ કોસ્મેટિક્સ એક્ટ, 1940ની કલમ 26A હેઠળ લેવામાં આવ્યો છે. સરકારનું કહેવું છે કે વધુ માત્રામાં નિમેસુલાઈડનું સેવન માનવ સ્વાસ્થ્ય માટે ગંભીર જોખમ ઊભું કરી શકે છે અને તેના સુરક્ષિત વિકલ્પો પહેલેથી જ બજારમાં ઉપલબ્ધ છે.
આરોગ્ય મંત્રાલય દ્વારા જારી કરવામાં આવેલા નોટિફિકેશન મુજબ, 100mgથી વધારે નિમેસુલાઈડ ધરાવતી દવાઓ ખાસ કરીને લીવર માટે ખતરારૂપ સાબિત થઈ શકે છે. નિમેસુલાઈડ એક નોન-સ્ટીરોઈડલ એન્ટી-ઈન્ફ્લેમેટરી ડ્રગ (NSAID) છે, જેના કારણે દુખાવો અને સોજામાં રાહત મળે છે, પરંતુ તેની લીવર પર ઝેરી અસર અને અન્ય ગંભીર આડઅસરો અંગે વિશ્વભરમાં લાંબા સમયથી ચિંતા વ્યક્ત કરવામાં આવી રહી છે. અનેક દેશોમાં આ દવા પર નિયંત્રણો મૂકવામાં આવ્યા છે અથવા તેના ઉપયોગ પર કડક નજર રાખવામાં આવી રહી છે.
The government has banned the manufacture of the painkiller nimesulide and has also prohibited the sale of all oral formulations of this popular painkiller containing more than 100 mg. pic.twitter.com/gfw1DYUlTi
— ANI (@ANI) December 31, 2025
સરકારે સ્પષ્ટ કર્યું છે કે 100mgથી વધારે માત્રાવાળા નિમેસુલાઈડના ઓરલ ફોર્મ્યુલેશન સામાન્ય રીતે ‘ઇમિડિયેટ રિલીઝ’ ડોઝના રૂપમાં હોય છે, જે શરીરમાં ઝડપથી અસર કરે છે અને તેથી લીવર પર અચાનક ભાર પડી શકે છે. આ જ કારણસર આ પ્રકારની ઊંચી માત્રાવાળી દવાઓને જોખમરૂપ માનવામાં આવી છે. ડ્રગ્સ ટેકનિકલ એડવાઇઝરી બોર્ડ (DTAB)ની સલાહ અને વૈજ્ઞાનિક પુરાવાઓને આધારે સરકારએ આ પ્રતિબંધનો નિર્ણય લીધો છે.
આરોગ્ય મંત્રાલયે એ પણ સ્પષ્ટ કર્યું છે કે આ પ્રતિબંધનો મુખ્ય હેતુ સામાન્ય નાગરિકોના આરોગ્યને જોખમમાં મૂકાતું અટકાવવાનો છે. જો કે, ઓછા ડોઝવાળા નિમેસુલાઈડ ફોર્મ્યુલેશન અને અન્ય વધુ સુરક્ષિત પેઇન કીલર વિકલ્પો બજારમાં ઉપલબ્ધ રહેશે, જેથી દર્દીઓને સારવારમાં મુશ્કેલી ન પડે. સરકારના જણાવ્યા અનુસાર, આવી દવાઓ પર સતત નજર રાખવી અને જોખમરૂપ સાબિત થતી દવાઓને ધીરે-ધીરે બંધ કરવી એ જાહેર આરોગ્યની સુરક્ષા માટે જરૂરી પગલું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
