ગુજરાત (Gujarat)ની સ્થાનિક સ્વરાજ ચૂંટણીમાં ભારતીય જનતા પાર્ટી (Bharatiya Janata Party)એ રેકોર્ડબ્રેક પ્રદર્શન કરીને રાજકીય દબદબો સાબિત કર્યો છે. રાજ્યભરમાં 550થી વધુ ઉમેદવારો બિનહરીફ જાહેર થતા ચૂંટણી પહેલાં જ ભાજપે મોટી રાજકીય જીત નોંધાવી છે.
કુલ 10,005 બેઠકોમાંથી હવે માત્ર 9,450 બેઠકો પર જ મતદાન થશે, કારણ કે અનેક વિસ્તારોમાં ઉમેદવારી પરત ખેંચાઈ ગઈ અથવા વિરોધ પક્ષોએ ઉમેદવાર જ ન ઉતાર્યા.
અમદાવાદથી લઈને અનેક જિલ્લાઓ સુધી ભાજપનો દબદબો
અમદાવાદ જિલ્લા, તાલુકા પંચાયત અને નગરપાલિકાઓ સહિત કુલ 36 બેઠકો પર ભાજપના ઉમેદવારો બિનહરીફ જીત્યા છે.
ધોળકા નગરપાલિકામાં પણ 11 બેઠકો પર ભાજપે બિનહરીફ જીત મેળવી છે, જેને સ્થાનિક સ્તરે મોટી સફળતા માનવામાં આવી રહી છે.
કડી નગરપાલિકામાં ઐતિહાસિક જીત
પૂર્વ નાયબ મુખ્યમંત્રી નીતિન પટેલના રાજકીય ગઢ કડી નગરપાલિકામાં ભાજપે મોટો વિજય મેળવ્યો છે.
અહીં 28 બેઠકો પર ભાજપના ઉમેદવારો બિનહરીફ જાહેર થયા છે, કારણ કે કોંગ્રેસ અને આમ આદમી પાર્ટી (Aam Aadmi Party)એ ઉમેદવારી નોંધાવી નહોતી.
સ્થાનિક સ્તરે આ પરિણામને ભાજપ માટે ઐતિહાસિક ગણાવવામાં આવી રહ્યું છે.
ઊંઝામાં પણ ભાજપનું પ્રભુત્વ
ઊંઝા નગરપાલિકામાં કુલ 36 બેઠકોમાંથી 22 બેઠકો પર ભાજપના ઉમેદવારો બિનહરીફ ચૂંટાઈ આવ્યા છે.
કડી અને ઊંઝા બંને વિસ્તારો ઐતિહાસિક રીતે સ્થાનિક સ્વશાસનના કેન્દ્ર રહ્યા છે, અને અહીં ભાજપની મજબૂત હાજરી ફરી એકવાર સાબિત થઈ છે. નોંધનીય છે કે કડી અને ઊંઝા આ બને નગરપાલિકાઓ ભારત પ્રજાસત્તાક બન્યું તે પહેલા ગાયકવાડી શાસનકાળથી જ ‘લોકલ સેલ્ફ ગવર્નન્સ’ (સ્થાનિક સ્વશાસન) ધરાવે છે. બ્રિટિશ શાસન દરમિયાન પણ અહીં જન પ્રતિનિધિઓ ચૂંટાતા હોવાનો ઈતિહાસ છે, જે વારસો આજે પણ જળવાઈ રહ્યો છે.
ચૂંટણી આંકડા અને વર્તમાન સ્થિતિ
- કુલ બેઠકો: 10,005
- બિનહરીફ બેઠકો: 550થી વધુ
- મતદાન થનાર બેઠકો: 9,450
વિરોધ પક્ષોના ઉમેદવારોની અછત અને ફોર્મ પરત ખેંચવાના કારણે ભાજપને મોટાપાયે સીધી જીત મળી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
