જામનગરમાં કાયદો-વ્યવસ્થાને લઈને મોટી કાર્યવાહી હાથ ધરવામાં આવી છે. જામનગરમાં ગુજસીટોક હેઠળ આરોપી અને સ્થાનિક સ્વરાજ્ય ચૂંટણીમાં કોંગ્રેસના ઉમેદવાર અલ્તાફ ખફીના ગેરકાયદેસર ફાર્મહાઉસ પર પ્રશાસને બુલડોઝર ફેરવ્યું છે. હાલ અલ્તાફ પોલીસ રિમાન્ડ હેઠળ હોવાનું જાણવા મળે છે.
1200 સ્ક્વેર ફૂટ સરકારી જમીન પર દબાણ
આ કાર્યવાહી શહેરના બંગલા વાડી વિસ્તારમાં કરવામાં આવી હતી. અલ્તાફે લગભગ 1200 સ્ક્વેર ફૂટ સરકારી જમીન પર દબાણ કરીને ફાર્મહાઉસ બનાવ્યું હતું.
પ્રશાસને અગાઉ નોટિસ આપીને દબાણ દૂર કરવાની ચેતવણી આપી હતી, પરંતુ સમયમર્યાદા પૂર્ણ થતાં પોલીસની હાજરીમાં બુલડોઝર કાર્યવાહી હાથ ધરાઈ હતી.
ભારે પોલીસ બંદોબસ્ત વચ્ચે કાર્યવાહી
બુલડોઝર કાર્યવાહી દરમ્યાન પોલીસના ઉચ્ચ અધિકારીઓ અને જવાનોનો મોટો કાફલો સ્થળ પર હાજર રહ્યો હતો, જેથી કોઈ અનિચ્છનીય બનાવ ન બને.
મીડિયા રિપોર્ટ્સ મુજબ, અલ્તાફ અને તેના સાગરિતોની અન્ય ગેરકાયદેસર સંપત્તિઓ સામે પણ નજીકના સમયમાં કાર્યવાહી થઈ શકે છે.
ચૂંટણીમાં ગુનાહિત પૃષ્ઠભૂમિ ધરાવતા ઉમેદવારો
અલ્તાફ ખફી જામનગર મહાનગરપાલિકાના વોર્ડ નં. 12માંથી ચૂંટણી લડી રહ્યો છે.
વિશેષ વાત એ છે કે એ જ વોર્ડમાંથી આમ આદમી પાર્ટીએ પણ ગુજસીટોકના આરોપી અસલમ ખીલજીને ટિકિટ આપી છે. બંને ઉમેદવારો અગાઉ કોર્પોરેટર રહી ચૂક્યા છે.
29 આરોપીઓ સામે ગુનો, કેટલાક હજુ ફરાર
જામનગર પોલીસે અલ્તાફ અને અસલમ ખીલજી ગેંગ સામે મોટી કાર્યવાહી કરીને ગુજસીટોક હેઠળ કેસ નોંધ્યો છે.
આ કેસમાં કુલ 29 આરોપીઓ સામે ગુનો દાખલ થયો છે. હાલ અલ્તાફ પોલીસ રિમાન્ડ હેઠળ છે અને તેને ફરી કોર્ટમાં રજૂ કરવામાં આવશે.
તેની ગેંગના કેટલાક સભ્યો હજુ ફરાર છે, જેમને પકડવા માટે પોલીસ તંત્ર સક્રિય બન્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
