વોટ્સએપમાં એક મહત્વનો નવો બદલાવ આવવા જઈ રહ્યો છે, જેનાથી યુઝર્સનો ચેટિંગનો અનુભવ બદલાઈ જશે. વોટ્સએપ હવે તેના ડિફોલ્ટ GIF પ્રોવાઇડરને બદલવાની તૈયારીમાં છે. હાલમાં વોટ્સએપમાં Tenor GIFનો ઉપયોગ કરવામાં આવે છે, પરંતુ હવે તેમાં ફેરફાર થવાનો છે.
વોટ્સએપે આઇફોન માટેનું બીટા વર્ઝન iOS 26.2.10.70 રિલીઝ કર્યું છે. આ બીટા વર્ઝનમાં GIF સંબંધિત બદલાવ જોવા મળ્યો છે. Tenor દ્વારા તાજેતરમાં જાહેરાત કરવામાં આવી છે કે તેઓ 30 જૂન 2026થી પોતાની API સર્વિસ બંધ કરવા જઈ રહ્યા છે. આ સાથે જ Tenorએ નવા ડેવલપર્સ માટે રજિસ્ટ્રેશન પણ બંધ કરી દીધું છે.
Tenorની સર્વિસ બંધ થવાની સ્થિતિને ધ્યાનમાં રાખીને વોટ્સએપ હવે તેની જગ્યાએ Clippyને ઇન્ટિગ્રેટ કરી રહ્યું છે. વોટ્સએપ એ વાતની ખાતરી રાખી રહ્યું છે કે તેના યુઝર્સને GIF શેર કરવામાં કોઈ અવરોધ ન આવે અને એક દિવસ પણ GIF વગર ન રહે. એટલે કે Tenor બંધ થયા બાદ પણ યુઝર્સ ચેટમાં GIF શેર કરવાનું ચાલુ રાખી શકશે.
📝 WhatsApp beta for iOS 26.2.10.70: what's new?
WhatsApp is working on a feature that replaces Tenor with the Klipy GIF provider, and it will be available in a future update!https://t.co/eahlRmbXPO pic.twitter.com/sFRCBkkKVd
— WABetaInfo (@WABetaInfo) January 17, 2026
Clippy એક કન્ટેન્ટ પ્લેટફોર્મ છે, જે GIF, મીમ્સ અને સ્ટિકર્સ બનાવે છે. આ કંપની API સર્વિસ પણ આપે છે, જેના માધ્યમથી અન્ય એપ્લિકેશનમાં GIF સર્ચ અને શેર કરવાની સુવિધા મળે છે. હવે વોટ્સએપ Tenorની જગ્યાએ Clippyનો ઉપયોગ કરશે.
આ બદલાવ માટે યુઝર્સને કોઈ અલગ સેટિંગ કરવાની જરૂર નહીં પડે. વોટ્સએપમાં હવેથી જે પણ GIF શેર કરવામાં આવશે, તેમાં Tenorના બદલે Clippyનું નામ દેખાશે. આથી યુઝર્સને સરળતાથી ખબર પડી જશે કે GIF સર્વિસ બદલાઈ ગઈ છે.
હાલમાં વોટ્સએપમાં Giphy અને Tenor બન્ને દ્વારા GIF સર્ચ કરવાની સુવિધા આપવામાં આવે છે. યુઝર્સ કયા દેશમાં છે અને એપનું કોન્ફિગરેશન શું છે તેના આધારે આ બેમાંથી એક જ સર્વિસ ઉપલબ્ધ કરાવવામાં આવે છે. કેટલાક દેશોમાં Giphy તો કેટલાકમાં Tenorનો ઉપયોગ થાય છે.
જે દેશોમાં હાલ Tenorની સર્વિસ ઉપલબ્ધ છે, ત્યાં Tenor બંધ થતાં જ યુઝર્સને સીધા Clippy પર સ્વિચ કરવામાં આવશે. જ્યારે Giphy વાપરતા યુઝર્સને આ બદલાવથી કોઈ અસર થવાની નથી. વોટ્સએપે હજુ સુધી આ સ્વિચ ક્યારે થશે તેની ચોક્કસ તારીખ જાહેર કરી નથી, પરંતુ ફીચર હાલ બીટા વર્ઝનમાં હોવાથી સ્ટેબલ વર્ઝન લોન્ચ થતા જ આ બદલાવ લાગુ પડશે. પહેલી જુલાઈ પહેલાં આ સર્વિસ સ્વિચ થઈ જશે એ લગભગ નક્કી માનવામાં આવી રહ્યું છે.
અમારી યુટ્યુબ ચેનલને લાઈક કરો, શેર કરો અને સબ્સ્ક્રાઇબ કરો
Like, Share and Subscribe our YouTube channel
