ગુજરાતના મુખ્યમંત્રી ભૂપેન્દ્ર પટેલ સાથે નવી દિલ્હી સ્થિત National Defence College (NDC)ના અભ્યાસ વર્ગમાં સહભાગી અધિકારીઓની ટીમે ગાંધીનગર ખાતે સૌજન્ય મુલાકાત લીધી હતી. રાષ્ટ્રીય સુરક્ષા અને વ્યૂહાત્મક અભ્યાસ માટે જાણીતી આ સંસ્થા ભારતીય સશસ્ત્ર દળો, સિવિલ સર્વિસીસ તથા વિદેશી અધિકારીઓને ઉચ્ચ સ્તરીય તાલીમ આપે છે.
આ વર્ષે ઈકોનોમિક સિક્યોરિટી વિષયક અભ્યાસક્રમ હેઠળ કુલ 122 અધિકારીઓનો સમાવેશ થયો છે, જેમાં ભારતીય સશસ્ત્ર દળોના 61, સિવિલ સર્વિસીસના 20 અને પાર્ટનર દેશોના 41 અધિકારીઓ સામેલ છે. સ્ટડી ટુરના ભાગરૂપે ગુજરાતની મુલાકાતે આવેલા 17 અધિકારીઓની ટીમે રિઅર એડમીરલ સંદીપ સિંહ સંધુના નેતૃત્વમાં મુખ્યમંત્રી સાથે મુલાકાત કરી હતી.
નવી દિલ્હી સ્થિત નેશનલ ડિફેન્સ કોલેજ (NDC) ના અભ્યાસ વર્ગમાં સહભાગી થઈ રહેલા સભ્યોની ટીમ સાથે ગાંધીનગરમાં મુલાકાત ઘણી હર્ષપૂર્ણ રહી.
નેશનલ ડિફેન્સ કોલેજ દ્વારા ભારતીય સશસ્ત્ર દળોના બ્રિગેડિયર રેન્કના અધિકારીઓ, સિવિલ સર્વિસીસના જોઈન્ટ સેક્રેટરી અને ડિરેક્ટર કક્ષાના અધિકારીઓ તથા… pic.twitter.com/KCdY22gtmB
— Bhupendra Patel (@Bhupendrapbjp) March 17, 2026
આ મુલાકાત દરમિયાન અધિકારીઓએ ગુજરાતના સર્વગ્રાહી આર્થિક વિકાસ વિશે વિશેષ રસ દર્શાવ્યો હતો. ખાસ કરીને મહિલા સશક્તિકરણ, સંતુલિત આર્થિક વિકાસ અને ઝડપી ઔદ્યોગિક વૃદ્ધિ જેવા મુદ્દાઓ પર મુખ્યમંત્રી સાથે વિસ્તૃત ચર્ચા થઈ હતી. મુખ્યમંત્રી ભૂપેન્દ્ર પટેલ એ જણાવ્યું કે નરેન્દ્ર મોદીના દિશાદર્શનમાં ગુજરાતે પોલિસી-ડ્રિવન રાજ્ય તરીકે વૈશ્વિક ઓળખ મેળવી છે અને વિકાસનું રોલ મોડલ બની રહ્યું છે.
તેમણે વધુમાં જણાવ્યું કે વાયબ્રન્ટ ગુજરાત સમિટ દ્વારા રાજ્ય વૈશ્વિક રોકાણકારો માટે આકર્ષણનું કેન્દ્ર બન્યું છે. ઔદ્યોગિક વિકાસ સાથે ગ્રીન ગ્રોથ અને પ્રાદેશિક સંતુલન માટે પણ રાજ્યએ સફળ આયોજન કર્યું છે. સ્ટેચ્યુ ઓફ યુનિટી જેવા વૈશ્વિક સ્તરના પ્રોજેક્ટ્સ દ્વારા ટુરિઝમ અને લોકલ ઈકોનોમીને મજબૂતી મળી છે.
મુખ્યમંત્રીએ રાજ્યના ઈન્ફ્રાસ્ટ્રક્ચર વિકાસની વિગત આપતાં જણાવ્યું કે 24 કલાક વીજળી, સુવ્યવસ્થિત માર્ગ વ્યવસ્થા અને નર્મદા કેનાલ નેટવર્ક દ્વારા કચ્છ સુધી પાણી પહોંચાડવામાં આવ્યું છે, જેના પરિણામે સમગ્ર રાજ્યમાં સર્વાંગી વિકાસ શક્ય બન્યો છે.
તેમણે નરેન્દ્ર મોદીના નેતૃત્વમાં અપનાવવામાં આવેલી ‘સેચ્યુરેશન એપ્રોચ’નો પણ ઉલ્લેખ કર્યો, જેમાં સરકારની યોજનાઓનો લાભ 100 ટકા હકદાર સુધી પહોંચાડવાનો ધ્યેય સિદ્ધ થઈ રહ્યો છે.
આ બેઠકમાં મુખ્યમંત્રીના અગ્ર સચિવ સંજીવ કુમાર અને અધિક અગ્ર સચિવ ડૉ. વિક્રાંત પાંડે પણ ઉપસ્થિત રહ્યા હતા.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
