ઉત્તર અને દક્ષિણ કોરિયા વચ્ચેની વર્ષો જૂની દુશ્મનાવટમાં દ. કોરિયાના 30 બાળકોનો ભોગ લેવાયો છે. ઉત્તર કોરિયાના સરમુખત્યારે દક્ષિણ કોરિયાના વિશ્વભરમાં લોકપ્રિય અને કે-ડ્રામા તરીકે જાણીતાં નાટકો જોવા બદલ પોતાના જ દેશના 30 બાળકોને મોતને ઘાટ ઉતારી દીધાં છે. આ તમામ બાળકો માધ્યમિક શાળામાં અભ્યાસ કરતાં હતાં. મળતાં અહેવાલો અનુસાર, આ બાળકો દક્ષિણ કોરિયાની સરહદેથી યુએસબી ડ્રાઈવમાં સ્ટોર કરીને લવાયેલા નાટકો જોતાં હોવાની માહિતી મળ્યાં બાદ તેમને મારવાનો આદેશ અપાયો હતો. જોકે સત્તાવાર રીતે આ બાબતની પુષ્ટિ થઈ શકી નથી. ઉલ્લેખનીય છે કે, ઉત્તર કોરિયામાં દક્ષિણ કોરિયાના મનોરંજન કાર્યક્રમો કે ફિલ્મો જોવા પર સખત પ્રતિબંધ છે.
Filed under
Gujarat
