દિલ્હી હાઇકોર્ટે આમ આદમી પાર્ટી (AAP)ના ટોચના નેતાઓ સામે મહત્વપૂર્ણ કાર્યવાહી શરૂ કરી છે. અદાલતે અરવિંદ કેજરીવાલ, મનીષ સિસોદિયા, સંજય સિંઘ, સૌરભ ભારદ્વાજ અને દુર્ગેશ પાઠક વિરુદ્ધ અદાલતની અવમાનના (Contempt of Court) મામલે કાર્યવાહી શરૂ કરવાનો આદેશ આપ્યો છે. આ પગલું રાજકીય અને ન્યાયિક વર્તુળોમાં ચર્ચાનો વિષય બન્યું છે.
કોર્ટનો આક્ષેપ : સોશિયલ મીડિયા કેમ્પેઈનથી ન્યાયતંત્રને ટાર્ગેટ
જસ્ટિસ સ્વર્ણકાંતા શર્માની કોર્ટમાં શરૂ થયેલી આ કાર્યવાહીમાં કોર્ટએ જણાવ્યું છે કે AAP નેતાઓએ સોશિયલ મીડિયા પર કેમ્પેઈન ચલાવીને અદાલતની પારદર્શિતા અને નિષ્પક્ષતા પર સવાલો ઊભા કર્યા હતા.
તે ઉપરાંત ન્યાયાધીશ વિશે પણ સોશિયલ મીડિયા પર ટીકા કરવામાં આવી હોવાનું કોર્ટના આદેશમાં ઉલ્લેખ કરવામાં આવ્યો છે.
Aesa ho sakta hai ki agar m is case ko sunti rahu to Arvind Kejriwal aur dusre log ye soch sakte hain ki mujhme ek grudge hai. Isliye maine ye socha hai ki ye waala case koi aur bench sunegi: Justice Sharma.
— Bar and Bench (@barandbench) May 14, 2026
અરજી ફગાવ્યા બાદ વધ્યો વિવાદ
આ કેસમાં અગાઉ અરવિંદ કેજરીવાલ અને મનીષ સિસોદિયાએ એક અરજી કરી હતી જેમાં તેમણે એક્સાઈઝ પોલિસી કેસમાંથી જસ્ટિસ સ્વર્ણકાંતા શર્માને દૂર કરવાની માંગ કરી હતી.
પરંતુ કોર્ટે આ અરજી ફગાવી દીધી હતી, જેના બાદ આ મુદ્દે વિવાદ વધુ તીવ્ર બન્યો હતો.
કોર્ટમાં હાજર ન રહેવાની જાહેરાત પણ મુદ્દો
આરોપોમાં એ પત્રોનો પણ સમાવેશ થાય છે જેમાં AAP નેતાઓએ જાહેરમાં જણાવ્યું હતું કે તેઓ જસ્ટિસ શર્માની કોર્ટમાં પોતાનો પક્ષ રજૂ કરવા માટે હાજર નહીં રહે.
આ વલણને કોર્ટએ ગંભીરતાથી લીધું છે અને તેને ન્યાયતંત્ર પ્રત્યેનો અવમાનનાત્મક અભિગમ ગણાવ્યો છે.
જસ્ટિસ શર્મા કેસમાંથી અલગ થયા
મહત્વપૂર્ણ રીતે, જસ્ટિસ સ્વર્ણકાંતા શર્માએ એક્સાઈઝ પોલિસી કેસની સુનાવણીમાંથી પોતાને અલગ કરી દીધા છે. જોકે તેમણે સ્પષ્ટ કર્યું છે કે અગાઉ આપેલા આદેશો યથાવત રહેશે.
તેમણે જણાવ્યું કે AAP નેતાઓ વિરુદ્ધ અવમાનનાની કાર્યવાહી શરૂ થઈ હોવાથી તેઓ મૂળ કેસમાંથી દૂર થઈ રહ્યા છે.
સોલિસિટર જનરલ તુષાર મહેતાનું નિવેદન
સુનાવણી દરમિયાન ભારત સરકાર તરફથી સોલિસિટર જનરલ તુષાર મહેતાએ કડક શબ્દોમાં કહ્યું કે કોઈ રાજકારણીએ આટલા નીચા સ્તરે જઈને આખા ન્યાયતંત્રને બદનામ કર્યું નથી.
તેમણે ઉમેર્યું કે આ મામલે એક મજબૂત સંદેશ જવો જરૂરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
