દિલ્હી પોલીસના સ્પેશિયલ સેલને સંગઠિત ગુનાખોરી સામે મોટી સફળતા મળી છે. કુખ્યાત આરજુ–અનમોલ બિશ્નોઈ અને હેરી બોક્સર ગેંગ સાથે જોડાયેલા પાંચ ખતરનાક શૂટરોને પોલીસે ઝડપી લીધા છે. પોલીસ અનુસાર, ધરપકડ કરાયેલા આરોપીઓ કોન્ટ્રાક્ટ કિલિંગ, ગેંગ વોર અને સંગઠિત ગુનાહિત પ્રવૃત્તિઓમાં સક્રિય હતા. આ તમામ ગુનેગારો પંજાબ, હરિયાણા અને ચંદીગઢ પોલીસને લાંબા સમયથી વોન્ટેડ હતા. સ્પેશિયલ સેલનું કહેવું છે કે આ ધરપકડથી બિશ્નોઈ ગેંગના નેટવર્કને મોટો ઝટકો લાગ્યો છે અને હવે પોલીસ તેમના હથિયાર સપ્લાયર્સ, ફંડિંગ ચેનલ્સ તથા અન્ય સહયોગીઓ સુધી પહોંચવાની તૈયારીમાં છે.
પોલીસે જણાવ્યું કે આ શૂટરો ત્રણ મોટા હત્યાકાંડોમાં સંડોવાયેલા હતા. તાજેતરનો કેસ ચંદીગઢમાં ઇન્દ્રપ્રીત સિંહ ઉર્ફે પેરીની હત્યાનો છે. આ ઘટનામાં આરોપીઓએ તેની SUV પર હુમલો કરી અંદાજે 11 રાઉન્ડ ફાયરિંગ કર્યું હતું, જેમાં ઇન્દ્રપ્રીતનું ઘટનાસ્થળે જ મોત થયું હતું. બિશ્નોઈ ગેંગે આ હુમલાની જવાબદારી લઈ ઇન્દ્રપ્રીતને “દેશદ્રોહી” ગણાવ્યો હતો. આ જ ગેંગે અગાઉ જૂન 2025માં હરિયાણાના પિંજોરમાં રાષ્ટ્રીય કબડ્ડી ખેલાડી સોનુ નોલ્ટાની ગોળી મારીને હત્યા કરી હતી, જેની જવાબદારી પણ ગેંગે વીડિયો જાહેર કરીને સ્વીકારી હતી.
चंडीगढ़ सेक्टर 26 में इंद्रजीत सिंह पैरी की हत्या कर फरार 5 शूटरों को दिल्ली पुलिस के स्पेशल सेल ने गिरफ्तार किया है। इनमें से तीन ने इंद्रजीत पैरी की हत्या को अंजाम दिया था। इसके साथ ही इन्होंने पंचकूला में पहलवान सोनू नोल्टा को भी मारा था। गिरफ्तार शूटर्स की पहचान अंकुश, पीयूष… pic.twitter.com/1H0chUx4x1
— Tanseem Haider तनसीम हैदर (@TanseemHaider) December 17, 2025
ત્રીજો હત્યાનો કેસ સપ્ટેમ્બર 2025માં અમૃતસરમાં થયો હતો. અહીં બાઇક પર આવેલા હુમલાખોરો સીધા લાઇન બાર અને રેસ્ટોરન્ટમાં ઘૂસ્યા અને માલિક આશુ મહાજન પર અંધાધૂંધ ગોળીબાર કર્યો હતો, જેમાં તેનું મોત થયું હતું. આ હત્યાની જવાબદારી હેરી બોક્સર ગેંગે સ્વીકારી હતી. દિલ્હી પોલીસનું કહેવું છે કે આ પાંચ શૂટરોની ધરપકડથી ઉત્તર ભારતના ગેંગવોર અને કોન્ટ્રાક્ટ કિલિંગના નેટવર્કને મોટો ફટકો પડ્યો છે અને આગળની તપાસમાં વધુ ખુલાસા થવાની શક્યતા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
