ભારતના સ્વદેશી લાઈટ કોમ્બેટ એરક્રાફ્ટ (LCA) ના આધુનિક અને નવા વેરિએન્ટ MK-2 ને લઈને તાજેતરમાં જ ડીઆરડીઓ અને વાયુસેનાના ઉચ્ચ અધિકારીઓની વચ્ચે બેઠક થઈ છે. 2026માં આ ફાઈટર જેટની પહેલી ઉડાન હશે.
LCA MK-2 એટલે લાઈટ કોમ્બેટ એરક્રાફ્ટ માર્ક 2 ને લઈને તાજેતરમાં જ ડીઆરડીઓ પ્રમુખ, ભારતીય વાયુસેનાના ડેપ્યુટી ચીફ ઓફ સ્ટાફ, ડીઆરડીઓ લેબોરેટરી, ડિફેન્સ પીએસયૂ, CEMILAC, NFTC ના અધિકારીઓની મીટિંગ થઈ. આ એક ઉચ્ચ સ્તરીય રિવ્યૂ મીટિંગ હતી. જેમાં એલસીએના ડેવલપમેન્ટ પર વાતચીત કરવામાં આવી.
આ મીટિંગમાં એ જાણ થઈ છે કે આગામી બે મહિનામાં LCA MK-2 નું પહેલું પ્રોટોટાઈપ બની જશે. વર્ષ 2025થી એટલે કે આગામી વર્ષથી તેનો રોલ આઉટ શરૂ થઈ જશે. પૂરી સંભાવના છે કે 2026માં આ ફાઈટર જેટની પહેલી ઉડાન પૂરી થશે. આ એક મીડિયમ વેટ ફાઈટર જેટ (MWF) હશે.
આ ફાઈટર જેટ વર્તમાન LCA એટલે કે તેજસથી અપગ્રેડ હશે. જેમાં શ્રેષ્ઠ મેન્યૂવરેબિલિટી, શાનદાર એવિયોનિક સૂઈટ્સ, સેન્સર અને વધુ શક્તિશાળી એન્જીન હશે. આ નવી પેઢીનું ફાઈટર જેટ હશે. આનું વાયુસેનામાં સામેલ થયા બાદ વાયુસેના પોતાના SEPECAT Jaguar, મિરાજ 2000, મિકોયાન MiG-29 એરક્રાફ્ટ્સને હટાવી દેશે.
LCA MK-2ની સ્પીડ અને રેન્જ વધુ શ્રેષ્ઠ હશે
આ સ્વદેશી મલ્ટીરોલ સુપરસોનિક ફાઈટર જેટ હશે. આમાં એક કે બે ક્રૂ બેસી શકશે. લંબાઈ 47.11 ફૂટ હશે. વિંગસ્પેન 27.11 ફૂટ અને ઊંચાઈ 15.11 ફૂટ હશે. મહત્તમ ટેકઓફ વજન 17,500 kg હશે. આ પોતાની સાથે 6500 kg વજનના હથિયાર લઈને ઉડી શકશે.
એલસીએ માર્ક-2 ફાઈટર જેટની સૌથી મોટી તાકાત તેની ગતિ હશે. આ મહત્તમ 2385 km/કલાકની સ્પીડથી ઉડશે. એટલે કે દુનિયાના સર્વશ્રેષ્ઠ ફાઈટર જેટ્સની ગતિને ટક્કર આપશે. તેની રેન્જ કુલ 2500 km હશે. કોમ્બેટ રેન્જ 1500 km હશે. આ મહત્તમ 56,758 ફૂટની ઊંચાઈ સુધી જઈ શકશે.
13 પ્રકારના હથિયાર કે તેનું મિશ્રણ લગાવી શકે છે
જેમાં 13 હાર્ડ પોઈન્ટ્સ હશે એટલે કે 13 અલગ-અલગ પ્રકારના હથિયાર કે પછી તેનું મિશ્રણ લગાવી શકાય છે. હવાથી હવામાં મારનારી MICA, ASRAAM, Meteor, Astra, NG-CCM, હવાથી સપાટી પર મારનારી બ્રહ્મોસ-NG ALCM, LRLACM, સ્ટોર્મ શેડો, ક્રિસ્ટલ મેજ લગાવવાની યોજના છે.
એન્ટી-રેડિએશન મિસાઈલ રુદ્રમ 1/2/3 લગાવવામાં આવશે. જેમાં પ્રેસિશન ગાઈડેડ મ્યૂનિશન એટલે કે બોમ્બ પણ લગાવવામાં આવશે. આ પ્રેસિશન ગાઈડેડ મ્યૂનિશનમાં સ્પાઈસ, HSLD-100/250/450/500, DRDO Glide Bombs, DRDO SAAW સામેલ છે. લેજર ગાઈડેડ બોમ્બમાં સુદર્શન બોમ્બ લગાવવામાં આવશે.
ઘણા પ્રકારના ગાઈડેડ બોમ્બ, સુસાઈડ ડ્રોન તૈનાત કરવામાં સક્ષમ હશે
આ સિવાય ક્લસ્ટર મ્યૂનિશન, લોયટરિંગ મ્યૂનિશન કેટ્સ અલ્ફા અને અનગાઈડેડ બોમ્બ લગાવવામાં આવી શકે છે. LCA Mark 2 ફાઈટર જેટમાં જે એવિયોનિક્સ લાગેલા છે તે તેને દુશ્મનની જાણકારી મેળવવા, હુમલાથી બચાવવામાં મદદ કરશે. આમાં LRDE Uttam AESA Radar, DARE Unified Electronic Warfare Suite (UEWS), DARE Dual Colour Missile Approach Warning System (DCMAWS) અને DARE Targeting pod લાગેલા હશે.
