ભારતીય કોમોડિટી માર્કેટ (MCX)માં આજે સોના અને ચાંદીના ભાવમાં ભારે ઘટાડો નોંધાયો છે. વૈશ્વિક બજારમાંથી મળેલા નબળા સંકેતો, ડૉલરની મજબૂતી અને સ્થાનિક સ્તરે થયેલી પ્રોફિટ બુકિંગના કારણે કિંમતી ધાતુઓમાં વેચવાલીનો માહોલ જોવા મળ્યો હતો. સવારના ટ્રેડિંગ સત્રમાં જ સોનું અને ચાંદી બંનેમાં નોંધપાત્ર ઘટાડો થતાં રોકાણકારોમાં ચિંતા ફેલાઈ છે.
સોનાના ભાવમાં મોટું ગાબડું
MCX પર સોનાનો અગાઉનો બંધ ભાવ ₹1,59,547 પ્રતિ 10 ગ્રામ હતો. જોકે આજે બજાર ખુલતાની સાથે જ સોનાનો ભાવ ઘટીને ₹1,58,598 પર આવી ગયો હતો. ટ્રેડિંગ દરમિયાન વેચવાલીનું દબાણ વધતા સોનામાં વધુ ઘટાડો નોંધાયો હતો.
સમાચાર લખાય ત્યાં સુધી સોનું ₹1,178 અથવા 0.74 ટકાના ઘટાડા સાથે ₹1,58,369ના સ્તરે ટ્રેડ થઈ રહ્યું હતું. આજના સત્ર દરમિયાન સોનાએ ₹1,58,213નો નીચલો સ્તર અને ₹1,58,598નો ઉચ્ચ સ્તર નોંધાવ્યો હતો. આમ, દિવસ દરમિયાન સોનાના ભાવમાં કુલ ₹1,334નો ઘટાડો જોવા મળ્યો છે.
ચાંદીમાં ભારે કડાકો, રોકાણકારોને મોટો ઝટકો
સોનાની સરખામણીએ ચાંદીમાં વધુ તીવ્ર ઘટાડો નોંધાયો છે. MCX પર ચાંદીનો અગાઉનો બંધ ભાવ ₹2,64,796 પ્રતિ કિલોગ્રામ હતો. પરંતુ બજાર ખુલતાની સાથે જ ચાંદીનો ભાવ તૂટીને ₹2,60,024 પર આવી ગયો હતો.
ટ્રેડિંગ દરમિયાન ચાંદીમાં ભારે વેચવાલી જોવા મળતાં ભાવમાં ₹3,904 અથવા 1.47 ટકાનો ઘટાડો નોંધાયો હતો અને તે ₹2,60,892ના સ્તરે ટ્રેડ થઈ રહી હતી. ચાંદીએ આજે ₹2,59,167નો નીચલો સ્તર અને ₹2,61,499નો ઉચ્ચ સ્તર નોંધાવ્યો હતો. જેના કારણે દિવસ દરમિયાન ચાંદીના ભાવમાં કુલ ₹5,629નો કડાકો નોંધાયો છે.
ઘટાડા પાછળ શું છે કારણ?
બજાર નિષ્ણાતોના જણાવ્યા અનુસાર આંતરરાષ્ટ્રીય સ્તરે અમેરિકન ડૉલરની મજબૂતી અને વૈશ્વિક આર્થિક પરિસ્થિતિમાં વધતી અનિશ્ચિતતાના કારણે કિંમતી ધાતુઓ પર દબાણ સર્જાયું છે. ઉપરાંત, છેલ્લા કેટલાક દિવસોમાં સોનું અને ચાંદીમાં નોંધાયેલા તેજી બાદ રોકાણકારોએ નફો બુક કરવાનું પસંદ કરતાં પણ વેચવાલી વધી છે.
ગ્રાહકો માટે રાહતના સમાચાર
લગ્નસરાની સિઝન અને તહેવારોની ખરીદી પહેલાં સોના અને ચાંદીના ભાવમાં થયેલો ઘટાડો સામાન્ય ગ્રાહકો માટે રાહતરૂપ સાબિત થઈ શકે છે. જ્વેલરી ખરીદવાનું આયોજન કરી રહેલા લોકો માટે હાલના ભાવ આકર્ષક તક તરીકે સામે આવી રહ્યા છે. જો આગામી દિવસોમાં પણ કિંમતોમાં નરમાઈ યથાવત રહેશે તો બજારમાં માંગમાં વધારો જોવા મળી શકે છે.
આગામી દિવસોમાં શું રહેશે નજર?
બજાર વિશ્લેષકોનું માનવું છે કે હવે રોકાણકારોની નજર અમેરિકા સહિતના વૈશ્વિક આર્થિક આંકડા, ડૉલર ઈન્ડેક્સ અને આંતરરાષ્ટ્રીય કોમોડિટી માર્કેટની હલચલ પર રહેશે. આ પરિબળો આગામી દિવસોમાં સોનું અને ચાંદીની દિશા નક્કી કરવામાં મહત્વપૂર્ણ ભૂમિકા ભજવી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
