અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ એક તરફ 2024ની ચૂંટણી લડવાની તૈયારી કરી રહ્યા છે તો બીજી તરફ છેલ્લી ચૂંટણીના કારણે તેમને મુશ્કેલીનો સામનો કરવો પડી રહ્યો છે. જ્યોર્જિયામાં 2020ની રાષ્ટ્રપતિની ચૂંટણીમાં ગેરકાયદેસર રીતે તેમની હારને પલટાવવાનું કાવતરું કરવા બદલ ડોનાલ્ડ ટ્રમ્પ વિરુદ્ધ કેસ દાખલ કરવામાં આવ્યો છે. પૂર્વ રાષ્ટ્રપતિ સામે આ ચોથો ફોજદારી કેસ છે અને બીજી વખત તેમના પર ચૂંટણી પરિણામોને પલટાવવાનો પ્રયાસ કરવાનો આરોપ મૂકવામાં આવ્યો છે.
તપાસ 2 જાન્યુઆરી, 2021 ના રોજ એક ફોન કોલ પછી શરૂ થઈ
અમેરિકાની ફુલ્ટન કાઉન્ટી ગ્રાન્ડ જ્યુરીએ બે વર્ષની તપાસ બાદ ટ્રમ્પને દોષિત ઠેરવ્યા છે. આ તપાસ 2 જાન્યુઆરી, 2021 ના રોજ એક ફોન કોલ પછી શરૂ થઈ હતી, જેમાં તત્કાલિન રાષ્ટ્રપતિએ કહ્યું હતું કે, જ્યોર્જિયામાં રિપબ્લિકન પાર્ટીના ‘સેક્રેટરી ઓફ સ્ટેટ’ ખૂબ જ ઓછા માર્જિનથી ડેમોક્રેટિક પાર્ટીના જો બાયડનથી બહુ ઓછા માર્જિનથી હારને પલટાવવા માટે જરૂરી ‘11780 વોટ’ મેળવવામાં મદદ કરી શકે છે.
ડોનાલ્ડ ટ્રમ્પના પ્રયાસોની દરેક વિગતો આપવામાં આવી
આ મામલામાં ડોનાલ્ડ ટ્રમ્પ સિવાય અન્ય 18 સહયોગીઓ સામે પણ કેસ નોંધવામાં આવ્યો છે. 97 પેજના નિર્ણયમાં ચૂંટણી પરિણામોને બદલવાના ડોનાલ્ડ ટ્રમ્પના પ્રયાસોની દરેક વિગતો આપવામાં આવી છે. આરોપીમાં ડોનાલ્ડ ટ્રમ્પ, તત્કાલીન વ્હાઇટ હાઉસ ચીફ, ટ્રમ્પના અંગત વકીલ અને અન્ય સહયોગીઓનો સમાવેશ થાય છે.
અન્ય એક કેસમાં દોષી ઠેરવવામાં આવ્યા
આ નિર્ણય બાદ હવે તમામ આરોપીઓએ 25 ઓગસ્ટ સુધીમાં આત્મસમર્પણ કરવું પડશે. જોકે આ કેસમાં જામીન પણ મળી શકે છે. આ સિવાય ટ્રાયલ પણ આ વર્ષે જ શરૂ થઈ શકે છે. વર્ષ 2020ની રાષ્ટ્રપતિની ચૂંટણી ડોનાલ્ડ ટ્રમ્પ માટે મોટી સમસ્યા બનીને ઉભરી રહી છે, થોડા દિવસ પહેલા જ ડોનાલ્ડ ટ્રમ્પને અન્ય એક કેસમાં દોષી ઠેરવવામાં આવ્યા હતા.
ડોનાલ્ડ ટ્રમ્પ રાષ્ટ્રપતિની ચૂંટણીની રેસમાં આગળ
એક તરફ ડોનાલ્ડ ટ્રમ્પ છેલ્લી રાષ્ટ્રપતિની ચૂંટણી સાથે જોડાયેલા મામલાઓમાં ફસાઈ રહ્યા છે અને બીજી તરફ તેઓ રિપબ્લિકન પાર્ટી તરફથી 2024માં ફરીથી રાષ્ટ્રપતિ પદના ઉમેદવાર બનવાની કોશિશ કરી રહ્યા છે. ડોનાલ્ડ ટ્રમ્પ આ રેસમાં આગળ છે અને ટૂંક સમયમાં તેમની ઉમેદવારી પણ મંજૂર થઈ શકે છે.
