દેશના વિવિધ ભાગોમાં સામાજિક અને સાંસ્કૃતિક પરંપરાઓમાં સતત નવા પરિવર્તનો જોવા મળી રહ્યા છે. ઉત્તર પ્રદેશમાં મહિલાઓની પરંપરાગત કિટી પાર્ટીઓ હવે માત્ર મનોરંજન અને સમય પસારનું માધ્યમ રહી નથી. લખનઉ, વારાણસી અને અન્ય શહેરોમાં કિટી પાર્ટીઓ હવે ધાર્મિક અને આધ્યાત્મિક રંગમાં રંગાઈ રહી છે.
‘કિટી સુંદરકાંડ’ બની રહ્યો છે નવો ટ્રેન્ડ
અગાઉ કિટી પાર્ટીઓમાં નૃત્ય, સંગીત, રમતો અને વિવિધ પ્રકારની મોજમસ્તીનું આયોજન થતું હતું. પરંતુ હવે ઉત્તર પ્રદેશના અનેક શહેરોમાં મહિલાઓ કિટી પાર્ટીની શરૂઆત હનુમાન ચાલીસા, સુંદરકાંડ પાઠ, ભજન-કીર્તન અને ધાર્મિક વિધિઓ સાથે કરી રહી છે. આ નવી પહેલને ‘કિટી સુંદરકાંડ’ નામ આપવામાં આવ્યું છે.
મહિલાઓ દ્વારા ભગવાનની મૂર્તિઓનું વિશેષ શણગાર કરવામાં આવે છે, ધાર્મિક સજાવટ કરવામાં આવે છે અને મહેમાનોને સાત્વિક ભોજન પ્રસાદરૂપે પીરસવામાં આવે છે. ભાગ લેનાર મહિલાઓનું કહેવું છે કે આ પ્રકારની કિટી પાર્ટી માત્ર મનોરંજન માટે નહીં પરંતુ માનસિક શાંતિ, સકારાત્મક ઊર્જા અને આધ્યાત્મિક વિકાસ માટે યોજવામાં આવે છે.
વારાણસીમાં ‘કાશી ક્રાંતિ’ અભિયાન
વારાણસીમાં મહિલાઓના કેટલાક જૂથોએ ‘કાશી ક્રાંતિ’ નામે અભિયાન શરૂ કર્યું છે. આ અભિયાન હેઠળ વિવિધ વિસ્તારોમાં સુંદરકાંડ પાઠ, ભજન સંધ્યા અને ભક્તિ કાર્યક્રમોનું આયોજન કરવામાં આવે છે. ઘણા સ્થળોએ તો મહિલાઓ મોટા બેન્ક્વેટ હોલ ભાડે લઈને આ પ્રકારના ધાર્મિક કાર્યક્રમો યોજી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
