ભારત વિશ્વના સૌથી પ્રતિષ્ઠિત અને મહત્વપૂર્ણ આર્ટિફિશિયલ ઇન્ટેલિજન્સ (AI) સંમેલન ‘India AI Impact Summit 2026’નું યજમાન બનવા જઈ રહ્યું છે. આ પાંચ દિવસીય ભવ્ય કાર્યક્રમ 16 ફેબ્રુઆરીથી 20 ફેબ્રુઆરી દરમિયાન નવી દિલ્હીના ભારત મંડપમ ખાતે યોજાશે. સમિટ દરમિયાન ભારત પોતાની ‘Sovereign AI’ વ્યૂહરચના તેમજ ગ્લોબલ AI ગવર્નન્સમાં પોતાની ભૂમિકા વિશ્વ સમક્ષ રજૂ કરશે, જે દેશને ટેક્નોલોજી ક્ષેત્રમાં વૈશ્વિક નેતૃત્વ તરફ આગળ ધપાવશે.
100થી વધુ દેશોની હાજરી, વૈશ્વિક નેતાઓનો મંચ
આ આંતરરાષ્ટ્રીય સમિટમાં 100થી વધુ દેશોના પ્રતિનિધિમંડળો ભાગ લેશે. માહિતી અનુસાર, 15થી 20 દેશોના રાષ્ટ્રપતિ અને વડાપ્રધાન સ્તરના નેતાઓ, 50થી વધુ મંત્રીઓ તેમજ વિશ્વની અગ્રણી ટેક કંપનીઓના 50થી વધુ CEO કાર્યક્રમમાં હાજરી આપશે. આથી સમિટને વૈશ્વિક ટેક અને નીતિ ચર્ચાનો મહત્વપૂર્ણ મંચ માનવામાં આવી રહ્યો છે.
Join the CII Session 'Securing the Future: Cyber Defence for an AI-Driven World.'
As AI becomes central to digital infrastructure, securing intelligent systems is no longer an option. The session will explore how to protect AI-driven ecosystems from emerging cyber risks targeting… pic.twitter.com/BFKLww6lJN
— Confederation of Indian Industry (@FollowCII) February 14, 2026
સિલિકોન વેલીથી ભારત સુધીના ટેક દિગ્ગજો એક મંચ પર
સમિટમાં ભારતીય અને વૈશ્વિક ટેક ઇન્ડસ્ટ્રીના અગ્રણી ચહેરાઓ એક મંચ પર જોવા મળશે. તેમાં ગૂગલના CEO સુંદર પિચાઈ, OpenAIના CEO સેમ ઓલ્ટમેન, Nvidiaના CEO જેન્સન હુઆંગ, DeepMindના CEO ડેમિસ હસાબિસ, Anthropicના CEO ડારિયો અમોડેઈ, Microsoftના પ્રેસિડેન્ટ બ્રેડ સ્મિથ અને Metaના ચીફ AI સાયન્ટિસ્ટ યાન લેકુન સહિતના દિગ્ગજોની હાજરી અપેક્ષિત છે.
700થી વધુ સેશન: AI સેફ્ટીથી આર્થિક વિકાસ સુધી ચર્ચા
આ ઇવેન્ટ દરમિયાન 700થી વધુ સત્રો યોજાશે, જેમાં AI સેફ્ટી, ગવર્નન્સ, ડેટા પ્રોટેક્શન, એથિકલ ફ્રેમવર્ક અને આર્થિક વિકાસમાં AIની ભૂમિકા જેવા મહત્વપૂર્ણ વિષયો પર ચર્ચા થશે. 16 અને 17 ફેબ્રુઆરીએ ‘AI Responsibility Pledge’ અભિયાન હેઠળ ગિનિસ વર્લ્ડ રેકોર્ડ બનાવવા પ્રયાસ પણ કરવામાં આવશે, જે જવાબદાર AI વિકાસ તરફ એક મહત્વપૂર્ણ પગલું માનવામાં આવી રહ્યું છે.
આ ઐતિહાસિક સમિટમાં ભાગ લેવા ઇચ્છુક નાગરિકો અને ડેલિગેટ્સ સત્તાવાર વેબસાઇટ impact.indiaai.gov.in પર જઈને ‘Register Now’ વિકલ્પ દ્વારા પોતાની વિગતો ભરીને નોંધણી કરી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
