ગોવાના અરપોરામાં આવેલી ‘બર્ચ બાય રોમિયો લેન’ નાઇટ ક્લબમાં લાગેલી ભીષણ આગે 25 લોકોના જાન લીધા બાદ સરકાર એક્શન મોડમાં આવી ગઈ છે. મુખ્યમંત્રી પ્રમોદ સાવંતના આદેશ બાદ જિલ્લા તંત્રે ગેરકાયદે બનાવાયેલી આ નાઇટ ક્લબ પર તાત્કાલિક બૂલડોઝર ચલાવી દીધો. સરકારના જણાવ્યા મુજબ આ ક્લબ સરકારી જમીન પર બિનઅનુમત બાંધકામ તરીકે ઉભું કરાયું હતું. મુખ્યમંત્રીએ સ્પષ્ટ કહ્યું કે ગોવામાં ગેરકાયદેસર ક્લબ-બાર માટે કોઈ છૂટછાટ નહીં મળે અને નિયમોનો ભંગ કરનાર સામે કડક પગલા લેશે.
આગની ઘટનાના થોડા જ કલાકોમાં ક્લબના માલિકો ગૌરવ લૂથરા અને સૌરભ લૂથરા થાઈલેન્ડના ફુકેટ ભાગી ગયા હોવાનું પોલીસની તપાસમાં ખુલ્યું છે. બંનેએ 7 ડિસેમ્બરના રોજ વહેલી સવારે ઇન્ડિગો ફ્લાઈટ 6E 1073 દ્વારા ભારત છોડ્યું હતું. પોલીસએ તેમને પકડવા ઇન્ટરપોલની મદદ લીધી છે અને બંને વિરુદ્ધ બ્લૂ કોર્નર નોટિસ જાહેર કરી છે. આ નોટિસ દ્વારા તેમના વર્તમાન સ્થાનો અને મુસાફરી સંબંધિત માહિતી એકત્રિત કરવામાં આવશે.
#WATCH | Goa: A portion of the Romeo Lane restaurant located in the Vagator area is being demolished. It is owned by Gaurav Luthra and Saurabh Luthra, who also own Birch by Romeo Lane, where a fire tragedy claimed 25 lives on December 7.
"We will demolish the encroachment on… pic.twitter.com/gQ7kBgPwUX
— ANI (@ANI) December 9, 2025
આગની ઘટનાની તપાસમાં ચીફ જનરલ મેનેજર રાજીવ મોદક, જનરલ મેનેજર વિવેક સિંહ, બાર મેનેજર રાજવીર સિંઘાનિયા અને ગેટ મેનેજર પ્રિયંશુ ઠાકુર સહિત ચાર લોકોને ધરપકડ કરવામાં આવી છે. ક્લબના બંને ભાગેડુ માલિકો વિરુદ્ધ એફઆઈઆર પણ નોંધાઈ છે.
તપાસમાં વધુ એક ચોંકાવનારી બાબત સામે આવી કે ‘રોમિયો લેન’નું ટ્રેડ લાયસન્સ માર્ચ 2024માં જ સમાપ્ત થઈ ગયું હતું. કાયદા મુજબ સ્થાનિક પંચાયત પાસે ક્લબ બંધ કરવાનો સંપૂર્ણ અધિકાર હતો, પરંતુ કોઈ કાર્યવાહી કરવામાં આવી નહોતી. હવે આ બેદરકારી અંગે અલગથી તપાસના આદેશ આપવામાં આવ્યા છે.
ઓગસ્ટ 2024માં આ જ ક્લબમાં ભીષણ આગ લાગી હતી, જેમાં અનેક લોકોના મોત થયા હતા. તે સમયે પણ ફાયર સેફ્ટી નિયમોના મોટા ઉલ્લંઘનની માહિતી બહાર આવી હતી. સરકાર હવે સ્પષ્ટ સંદેશ આપી રહી છે કે કોઇ ગેરકાયદેસર બાંધકામ અથવા સલામતીની અવગણના સહન કરવામાં નહીં આવે. ભાગેડુ લૂથરા બ્રધર્સને ભારત પરત લાવવા અને કડક પગલા ભરવાની કાર્યવાહી તેજીથી આગળ વધી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
