ગુજરાતમાં વર્ગ 1-2 અધિકારી સહિત મહત્વપૂર્ણ સરકારી પોસ્ટ પરની ભરતીની તૈયારી કરતાં ઉમેદવારો માટે ખૂબ મહત્વપૂર્ણ સમાચાર છે. ગુજરાત જાહેર સેવા આયોગની પરીક્ષા પદ્ધતિ અને તેના માળખામાં મોટાપાયે ફેરફાર કરવામાં આવ્યો છે. સામાન્ય વહીવટ વિભાગે આ નવા નિયમોને અમલમાં મૂકવાની જાહેરાત કરી છે, જેના હેઠળ આગામી ભરતી પરીક્ષાઓ માટે ખાસ માર્ગદર્શન આપવામાં આવ્યું છે. આ ભરતી માટે લાંબા સમયથી નિયમોની રચના પર કામ ચાલી રહ્યું હતું, જેની હવે જાહેરાત કરવામાં આવી છે.
GPSC દ્વારા પરીક્ષા પદ્ધતિમાં કેટલાક નવા નિયમો લાગુ કરવામાં આવ્યા છે, જેમાં ઉમેદવારોની પસંદગી બે તબક્કામાં થશે:
1. પ્રારંભિક પરીક્ષા (Preliminary Exam)
- પ્રકાર: Multiple Choice Questions (MCQ) આધારિત
- ઉદ્દેશ: સ્ક્રિનિંગ માટે
- વિષય: સામાન્ય અભ્યાસ અને ચોક્કસ વિષય આધારિત પ્રશ્નો
- આવશ્યકતા: મુખ્ય પરીક્ષા માટે યોગ્ય થવા, ઉમેદવારને આ પરીક્ષા પાસ કરવી પડશે
2. મુખ્ય પરીક્ષા (Main Exam)
- પ્રકાર: વર્ણનાત્મક (Descriptive)
- વિષય: સામાન્ય અભ્યાસ, નિબંધ લેખન, અને વિષય આધારિત પ્રશ્નો
- મહત્વ: ફાઇનલ પસંદગી માટે આ પરીક્ષાનું વધુ વજન રહેશે
3. વ્યક્તિત્વ કસોટી (Interview)
- પરિક્ષા પાસ કર્યા બાદ ઈન્ટરવ્યુ લેવામાં આવશે
- ઉમેદવારનું આત્મવિશ્વાસ, વ્યક્તિત્વ અને વિષયજ્ઞાન ચકાસવામાં આવશે
નવો નિયમ: હવે માત્ર લેખિત પરીક્ષા પૂરતી મર્યાદિત નહીં, પણ વ્યક્તિત્વ કસોટી (Interview) પણ પસંદગીની પ્રક્રિયામાં આવશ્યક હશે.
કેવું રહેશે પરીક્ષા માળખું?
1) પ્રાથમિક પરીક્ષા
આયોગ દ્વાર લેવામાં આવનારી પ્રાથમિક પરીક્ષામાં કુલ 200 ગુણનું પેપર રહેશે. જે સામાન્ય અભ્યાસનું પેપર હશે, કુલ 200 ગુણનાં MCQ પૂછવામાં આવશે અને તે માટે 3 કલાકનો સમય ફાળવવામાં આવશે. સામાન્ય અભ્યાસ પેપર માટેનો અભ્યાસક્રમ આયોગ દ્વારા નિર્ધારિત અને સૂચિત કરવામાં આવશે. તે ઉપરાંત સામાન્ય અભ્યાસનાં પેપર માટે અભ્યાસક્રમનું ધોરણ અને અભ્યાસક્રમ સામગ્રી ડિગ્રી સ્તર મુજબની રહેશે.
2) મુખ્ય પરીક્ષા
તે ઉપરાંત મુખ્ય પરીક્ષામાં 7 પ્રશ્નપત્ર રહેશે. જેમાં અંગ્રેજી અને ગુજરાતી ભાષાનાં પેપર રહેશે જો કે તેની ગણતરી મેરીટમાં નહીં થાય. પરંતુ તેમાં લઘુત્તમ 25 ટકા સાથે પાસ થવું પડશે. ભાષાનાં પેપરમાં નિષ્ફળ જાય તેઓ વધુ પસંદગી માટે લાયક રહેશે નહીં. ગુજરાતી અને અંગ્રેજી ભાષાનું 300 માર્કનું અલગ અલગ પેપર રહેશે. 250 માર્કનું નિબંધનું તેમજ અન્ય સામાન્ય અભ્યાસનાં 250 માર્કનાં ચાર પ્રશ્નપત્ર રહેશે.
3) વ્યક્તિત્વ કસોટી
મુખ્ય પરીક્ષા બાદ વ્યક્તિત્વ કસોટી આપવાની રહેશે. જો કે તેમાં કોઈ લઘુત્તમ ગુણ વિના 150 ગુણની કસોટી રહેશે. મુખ્ય પરીક્ષા (લેખિત) અને વ્યક્તિત્વ કસોટીમાં ઉમેદવારો દ્વારા મેળવેલા કુલ ગુણ તેમના અંતિમ મેરીટને નક્કી કરશે.
