સ્વિટ્ઝર્લેન્ડના દાવોસમાં આયોજિત પ્રતિષ્ઠિત વર્લ્ડ ઈકોનોમિક ફોરમ (WEF) માં ગુજરાતના નાયબ મુખ્યમંત્રી હર્ષ સંઘવીએ ભારતના નેતૃત્વમાં ‘ઈન્ડિયા પેવેલિયન’ ખાતે વૈશ્વિક મંચ પર સંબોધન કર્યું હતું. તેમણે આ પ્રસંગે ગુજરાતની આર્થિક શક્તિ, ઔદ્યોગિક વિકાસ, અને વડાપ્રધાન નરેન્દ્ર મોદીના ‘વિકસિત ભારત’ના દ્રઢ વિઝનને સાકાર કરવા માટેના રાજ્યના માર્ગદર્શન વિશે મહત્વપૂર્ણ માહિતી રજૂ કરી.
હર્ષ સંઘવીએ જણાવ્યું કે, “વડાપ્રધાન નરેન્દ્ર મોદીના નેતૃત્વ હેઠળ આપણે સૌ એક જ એજન્ડા સાથે અહીં આવ્યા છીએ અને તે એજન્ડા છે — ભારતને 2047 સુધીમાં વિકસિત રાષ્ટ્ર બનાવવું.” તેમણે ઉમેર્યું કે, ભારતને 2014થી પીએમ મોદીના મજબૂત નેતૃત્વ મળી રહ્યું છે, જ્યારે ગુજરાત રાજ્યએ તેમના વિઝનરી નેતૃત્વના લાભો લાંબા સમયથી માણ્યા છે, જે રાજ્યને અદ્યતન ઔદ્યોગિક નીતિ અને રોકાણ માટેની અનુકૂળ વાતાવરણ માટે તૈયાર બનાવે છે.
The spirit of #Bharat shines brightly on the global stage at the inauguration of the India Pavilion at #WEF2026 in #Davos.
An honour to carry the visionary leadership of Hon’ble PM Shri @narendramodi ji and present the roadmap of #ViksitBharat2047 to the world, while… pic.twitter.com/mpzg5UjoPG
— Harsh Sanghavi (@sanghaviharsh) January 20, 2026
હર્ષ સંઘવીએ ગુજરાતની ઔદ્યોગિક નીતિઓને ‘વાઇબ્રન્ટ ગુજરાત’ મંચની સફળતાની દૃષ્ટિએ વિશેષ મહત્વ આપ્યું. તેમણે જણાવ્યું કે, રાજ્યમાં આયોજન કરાયેલ ‘વાઇબ્રન્ટ ગુજરાત ગ્લોબલ સમિટ’ અને તાજેતરમાં યોજાયેલી ‘રીજનલ વાઇબ્રન્ટ ગુજરાત સમિટ’ અભૂતપૂર્વ સફળ રહી છે. ખાસ કરીને રીજનલ વાઇબ્રન્ટ સમિટમાં અંદાજે 11 લાખ કરોડ રૂપિયાના મેમોરેન્ડમ ઓફ અન્ડરસ્ટેન્ડિંગ્સ (MoUs) હસ્તાક્ષર કરવામાં આવ્યા, જે સાબિત કરે છે કે ગુજરાત વૈશ્વિક રોકાણકારો માટે પ્રથમ પસંદગીનું સ્થાન છે.
Had a productive meeting with Mr. Jatin Dalal, Global CFO of @Cognizant, on the sidelines of the #WorldEconomicForum2026.
Cognizant’s TechFin Centre at GIFT City, Gujarat is emerging as a strategic hub for delivering advanced technology solutions to global clients. We discussed… pic.twitter.com/N67lZoHPDZ
— Harsh Sanghavi (@sanghaviharsh) January 20, 2026
હર્ષ સંઘવીનું કહેવું હતું કે રાજ્યમાં ઔદ્યોગિક ઇન્ફ્રાસ્ટ્રક્ચર, વ્યવસાયિક અનુકૂળ નીતિઓ, અને નવી ટેક્નોલોજી અપનાવવાની શક્તિએ વૈશ્વિક રોકાણકારોને આકર્ષવાનું કાર્ય વધુ મજબૂત બનાવ્યું છે. તેમનું સંબોધન ગુજરાતના વિકાસને વિશ્વના સ્ટેજ પર રજૂ કરવાની સાથે, ભારતના ‘વિકસિત રાષ્ટ્ર’ના લક્ષ્ય માટે રાજ્યની ભૂમિકા અંગે સ્પષ્ટ દૃષ્ટિકોણ પ્રદર્શિત કરતું રહ્યું.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
