Hero MotoCorp સાથે મળીને Harley Davidson એ ભારતમાં તેની પ્રથમ પ્રીમિયમ મોટરસાઇકલ X440 લૉન્ચ કરી છે. સોમવારે એક લોન્ચ ઈવેન્ટમાં કંપનીએ જણાવ્યું કે Harley Davidson X440ની એક્સ-શોરૂમ કિંમત 2.29 લાખ રૂપિયા છે. આ સૌથી સસ્તી હાર્લી ડેવિડસન બાઇક છે જે ભારતીય બજારમાં રજૂ કરવામાં આવી છે. બાઇક પ્રેમીઓ આ વર્ષની આતુરતાથી રાહ જોઈ રહ્યા હતા, Hero-Harleyનું આ X440 પણ તેમાં સામેલ હતું. ભારતીય બજારમાં આ બાઇક રોયલ એનફિલ્ડની બાઇક સાથે સીધી ટક્કર કરશે.
હાર્લી ડેવિડસન X440 કિંમત
હાર્લી ડેવિડસને X440ને 3 અલગ-અલગ વેરિઅન્ટ સાથે રજૂ કર્યું છે. આ Denim, Vivid અને S કંપનીએ એક અખબારી યાદીમાં જણાવ્યું હતું કે સમગ્ર દેશમાં હાર્લી-ડેવિડસનના ડીલર નેટવર્કમાં Denim કિંમત રૂ. 2.29 લાખ, Vividની કિંમત રૂ. 2.49 લાખ અને Sની કિંમત રૂ. 2.69 લાખ રાખવામાં આવી છે.
હાર્લી ડેવિડસન X440ની ખાસ વિશેષતાઓ
હાર્લી ડેવિડસન X440 ના ટોપ વેરિઅન્ટમાં 3.5-ઇંચ TFT સ્પીડોમીટર અને બ્લૂટૂથ કનેક્ટિવિટી છે. ઉપરાંત, તેમાં 13.5 લિટરની ફ્યુઅલ ટેન્ક, DRL સાથે LED હેડલેમ્પ, 320mm ફ્રન્ટ ડિસ્ક બ્રેક સાથે ડ્યુઅલ ચેનલ ABS બ્રેક સ્ટાન્ડર્ડ ફિચર છે. આ સિવાય આ બાઇકના આગળના ભાગમાં 18 ઇંચ અને પાછળના ભાગમાં 17 ઇંચના ટાયર આપવામાં આવ્યા છે.
Hero MotoCorp અને Harley Davidson એ ભારતીય બજાર માટે 440X વિકસાવી છે. તેમાં 440cc સિંગલ સિલિન્ડર એર કૂલ્ડ એન્જિન છે, જે 27bhp પાવર અને 38Nm ટોર્ક જનરેટ કરે છે. ટ્રાન્સમિશન માટે આ બાઇકમાં 6-સ્પીડ ગિયરબોક્સ આપવામાં આવ્યું છે. આ સિવાય USD ફોર્ક અને ટ્વિન શોક એબ્સોર્બર સેટ પણ ઉપલબ્ધ છે.
હાર્લી-ડેવિડસન X440 એન્જિન
આ બાઇકમાં 398 cc સિંગલ-સિલિન્ડર એર અને ઓઇલ-કૂલ્ડ મોટર છે. આ પાવરટ્રેન 27 Bhp પાવર અને 38 Nm પીક ટોર્ક વિકસાવે છે, જે 6-સ્પીડ ગિયરબોક્સ સાથે જોડાયેલ છે. તેના દેખાવ અને શક્તિના કારણે, Harley-Davidson X440 ભારતીય બજારમાં Honda H’ness CB350, Benelli Imperiale 400 અને Triumph Speed 400 જેવી બાઇક સાથે સ્પર્ધા કરશે.
