બોર્ડર સિક્યોરિટી ફોર્સ (BSF)ના ઈતિહાસમાં એક સુવર્ણ અધ્યાય ઉમેરાયો છે. BSFની સ્થાપનાના હીરક જયંતી વર્ષ દરમિયાન ફોર્સની પ્રથમ ઓલ-વુમન માઉન્ટ એવરેસ્ટ એક્સપિડિશને વિશ્વના સૌથી ઊંચા શિખર માઉન્ટ એવરેસ્ટ (8848.86 મીટર) પર સફળતાપૂર્વક તિરંગો ફરકાવીને દેશનું ગૌરવ વધાર્યું છે.
આ ઐતિહાસિક સિદ્ધિ માત્ર એક પર્વતારોહણ સફળતા નથી, પરંતુ તે ભારતીય નારી શક્તિ, દ્રઢતા અને રાષ્ટ્રીય સમર્પણનું જીવંત પ્રતિક બની છે. સમગ્ર દેશ માટે આ ગર્વની ક્ષણ છે.
‘મિશન વંદે માતરમ’ની સફળતા
આ અભિયાન ‘મિશન વંદે માતરમ’ અંતર્ગત હાથ ધરવામાં આવ્યું હતું. 21 મેના રોજ સવારે 8:00 વાગ્યે (ભારતીય સમય અનુસાર) BSFની મહિલા જવાનો એવરેસ્ટના શિખર પર પહોંચ્યા હતા.
જે ઊંચાઈએ ઓક્સિજનનો અભાવ હોય છે અને સામાન્ય વ્યક્તિ માટે ઉભા રહેવું પણ મુશ્કેલ બને છે, ત્યાં આ બહાદુર દીકરીઓએ ‘વંદે માતરમ’ ગાઈને દેશભક્તિનો અનોખો સંદેશ આપ્યો હતો.
અમિત શાહે આપી શુભેચ્છાઓ
કેન્દ્રીય ગૃહમંત્રી અમિત શાહે આ ઐતિહાસિક સિદ્ધિ પર BSFની મહિલા ટીમને અભિનંદન પાઠવ્યા હતા. તેમણે જણાવ્યું:
“માઉન્ટ એવરેસ્ટ સર કરીને સુવર્ણ ઈતિહાસ રચનારી BSFની તમામ મહિલા પર્વતારોહક ટીમને મારા હાર્દિક અભિનંદન. આ દેશભક્તિ, દ્રઢતા અને સમર્પણનું અદ્ભુત ઉદાહરણ છે.”
તેમણે આ સિદ્ધિને ‘નારી શક્તિ’ના અદમ્ય સાહસનું પ્રતિક ગણાવ્યું.
ઇતિહાસ રચનાર બહાદુર મહિલા જવાનો
આ મિશનને સફળ બનાવનારી ટીમમાં દેશના વિવિધ વિસ્તારોની બહાદુર મહિલા કોન્સ્ટેબલ્સ સામેલ હતી:
- કૌસર ફાતિમા (લદાખ)
- મુનમુન ઘોષ (પશ્ચિમ બંગાળ)
- રબેકા સિંઘ (ઉત્તરાખંડ)
- ત્સિરિંગ ચોરોલ (કાર્ગિલ)
આ તમામ મહિલાઓએ કપરા પરિસ્થિતિઓને હરાવીને દેશનું નામ રોશન કર્યું છે.
નારી શક્તિ અને રાષ્ટ્રીય ગૌરવનું પ્રતિક
આ સિદ્ધિએ ફરી એકવાર સાબિત કર્યું છે કે ભારતીય મહિલાઓ દરેક ક્ષેત્રમાં અગ્રેસર છે. BSFની આ સફળતા મહિલા સશક્તિકરણ અને દેશસેવાની ભાવનાને નવી ઊંચાઈ આપે છે.
આ ઘટના દેશના યુવાનો અને ખાસ કરીને યુવતીઓ માટે પ્રેરણારૂપ બની છે, જે દર્શાવે છે કે દૃઢ સંકલ્પ અને મહેનતથી કોઈપણ લક્ષ્ય પ્રાપ્ત કરી શકાય છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
