IIT Bombayમાં 19 વર્ષીય દ્વિતીય વર્ષના વિદ્યાર્થીના મૃત્યુ બાદ કેમ્પસમાં ભારે વિરોધ જોવા મળ્યો છે. વિદ્યાર્થી ઊર્જા વિજ્ઞાન અને ઈજનેરી વિભાગમાં અભ્યાસ કરતો હતો. IIT Bombayના જણાવ્યા અનુસાર શુક્રવારે પરીક્ષા દરમિયાન વિદ્યાર્થી મોબાઇલ ફોનનો ઉપયોગ કરતો જોવા મળ્યો હતો અને તેણે પ્રશ્નપત્ર ChatGPT પર અપલોડ કરીને જવાબ મેળવવાનો પ્રયાસ કર્યો હતો. આ ઘટના બાદ સાંજે વિદ્યાર્થી તેના હોસ્ટેલ રૂમમાં મૃત હાલતમાં મળી આવ્યો હતો.
ઘટના સામે આવ્યા બાદ IIT Bombayના 400થી વધુ વિદ્યાર્થીઓ કેમ્પસમાં એકત્ર થયા અને પ્રશાસન સામે વિરોધ નોંધાવ્યો હતો. વિદ્યાર્થીઓએ સમગ્ર મામલે પારદર્શિતા, જવાબદારી અને વિદ્યાર્થીઓ માટે વધુ અસરકારક સહાય વ્યવસ્થાની માંગ કરી હતી. વિરોધને પગલે ચાલી રહેલી મધ્ય-સત્ર પરીક્ષાઓ પણ મોકૂફ રાખવામાં આવી હતી.
પરીક્ષા દરમિયાન મોબાઇલ અને ChatGPTના ઉપયોગનો મામલો
IIT Bombay દ્વારા જારી કરવામાં આવેલા સત્તાવાર નિવેદન અનુસાર પરીક્ષા દરમિયાન વિદ્યાર્થી મોબાઇલ ફોનનો ઉપયોગ કરતો જોવા મળ્યો હતો. સંસ્થાનું કહેવું છે કે વિદ્યાર્થીએ પરીક્ષાનું પ્રશ્નપત્ર ChatGPT પર અપલોડ કરીને જવાબ મેળવવાનો પ્રયાસ કર્યો હતો.
સંસ્થાના જણાવ્યા અનુસાર આ ઘટના સામે આવ્યા બાદ વિદ્યાર્થી સામે તાત્કાલિક કોઈ શિસ્તભંગની કાર્યવાહી શરૂ કરવામાં આવ્યું નહોતું. વિદ્યાર્થી સાથે સંબંધિત પ્રશિક્ષક અને વિભાગના વડા દ્વારા વાતચીત કરવામાં આવી હતી.
IIT Bombayનું કહેવું છે કે વિદ્યાર્થીને કાઉન્સેલિંગ કરવામાં આવ્યું હતું અને આ એક ઘટનાની તેના શૈક્ષણિક કારકિર્દી પર પ્રતિકૂળ અસર નહીં પડે તેવી ખાતરી પણ આપવામાં આવી હતી.
Mumbai | IIT Bombay: A second-year student of the Department of Energy Science and Engineering at IIT Bombay died by suicide. Earlier in the day, during an examination, the student was found using a mobile phone in the exam hall. He had uploaded the examination question paper on… https://t.co/npWPmxhppn pic.twitter.com/f6aFnVsRzh
— ANI (@ANI) September 19, 2026
હોસ્ટેલ રૂમમાં મૃત હાલતમાં મળ્યો વિદ્યાર્થી
પરીક્ષા અને ત્યારબાદ થયેલી વાતચીત પછી વિદ્યાર્થી તેના હોસ્ટેલ રૂમમાં પરત ફર્યો હતો. બાદમાં સાંજે તે રૂમમાં મૃત હાલતમાં મળી આવ્યો હતો. વિદ્યાર્થી Hostel 4માં રહેતો હતો.
ઘટનાની જાણ થતાં પવઈ પોલીસની ટીમ IIT Bombay કેમ્પસ પહોંચી હતી. પોલીસે રૂમમાં તપાસ અને પંચનામાની કાર્યવાહી હાથ ધરી હતી. વિદ્યાર્થીના મૃતદેહને પોસ્ટમોર્ટમ માટે રાજાવાડી હોસ્પિટલ મોકલવામાં આવ્યો હતો.
વિદ્યાર્થીના મૃત્યુ પાછળના ચોક્કસ સંજોગોની તપાસ પોલીસ અને સંબંધિત સત્તાવાળાઓ દ્વારા કરવામાં આવી રહી છે.
400થી વધુ વિદ્યાર્થીઓ રસ્તા પર ઊતર્યા
વિદ્યાર્થીના મૃત્યુના સમાચાર કેમ્પસમાં ફેલાયા બાદ મોટી સંખ્યામાં વિદ્યાર્થીઓ IIT Bombayના મુખ્ય બિલ્ડિંગ નજીક એકત્ર થયા હતા. અહેવાલો પ્રમાણે 400થી વધુ વિદ્યાર્થીઓએ વિરોધ પ્રદર્શનમાં ભાગ લીધો હતો.
વિદ્યાર્થીઓએ માત્ર આ ચોક્કસ ઘટનાના સંજોગો અંગે જ નહીં, પરંતુ કેમ્પસમાં વિદ્યાર્થી કલ્યાણ, માનસિક સ્વાસ્થ્ય સહાય અને પ્રશાસન દ્વારા વિદ્યાર્થીઓ સાથે સંવેદનશીલ મુદ્દાઓને કેવી રીતે હેન્ડલ કરવામાં આવે છે તે અંગે પણ સવાલ ઉઠાવ્યા હતા.
વિરોધ દરમિયાન IIT Bombayના ડિરેક્ટર પ્રોફેસર શિરીષ કેદારે વિદ્યાર્થીઓ સાથે વાતચીત કરી હતી. ત્યારબાદ વિદ્યાર્થીઓ સાથેની ચર્ચા દીક્ષાંત સમારોહ ભવનમાં આગળ વધારવામાં આવી હતી.
Mid-Semester Exams મોકૂફ
ઘટના અને વિદ્યાર્થીઓના વિરોધ વચ્ચે IIT Bombayમાં ચાલી રહેલી મધ્ય-સત્ર પરીક્ષાઓ મોકૂફ રાખવામાં આવી હતી. વિદ્યાર્થીઓનો આરોપ હતો કે ગંભીર ઘટના બન્યા બાદ પણ કેમ્પસની સામાન્ય શૈક્ષણિક કામગીરી ચાલુ રાખવામાં આવે છે અને આવા સમયે વિદ્યાર્થીઓની માનસિક સ્થિતિને પૂરતું મહત્વ આપવામાં આવતું નથી.
વિદ્યાર્થીઓએ માનસિક સ્વાસ્થ્ય સહાયની વ્યવસ્થા, વિદ્યાર્થીઓને અસર કરતી નીતિઓમાં વિદ્યાર્થી પ્રતિનિધિત્વ અને સંવેદનશીલ પરિસ્થિતિઓને હેન્ડલ કરવાની પ્રક્રિયા અંગે પણ ચિંતા વ્યક્ત કરી છે.
IIT Bombayએ શું કહ્યું?
IIT Bombayએ વિદ્યાર્થીના મૃત્યુ અંગે દુઃખ વ્યક્ત કર્યું છે. સંસ્થાએ જણાવ્યું છે કે વિદ્યાર્થીના મિત્રો, સહપાઠીઓ, ફેકલ્ટી સભ્યો અને ઘટનાથી અસરગ્રસ્ત અન્ય લોકોને જરૂરી સહાય આપવામાં આવી રહી છે.
સંસ્થાના જણાવ્યા પ્રમાણે વિદ્યાર્થીના મૃત્યુના સંજોગોની યોગ્ય સત્તાવાળાઓ દ્વારા તપાસ કરવામાં આવી રહી છે. પ્રશાસન તરફથી વિદ્યાર્થીઓ દ્વારા ઉઠાવવામાં આવેલા વ્યાપક મુદ્દાઓ પર પણ ચર્ચા કરવાની તૈયારી દર્શાવવામાં આવી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
