વડાપ્રધાન નરેન્દ્ર મોદીએ શનિવારે કોંગ્રેસ પાર્ટીના ચૂંટણી ઢંઢેરા પર જોરદાર પ્રહારો કર્યા હતા. વડાપ્રધાન મોદીએ કહ્યું કે, કોંગ્રેસના ચૂંટણી ઢંઢેરામાં મુસ્લિમ લીગ અને ડાબેરીઓનો પ્રભાવ સ્પષ્ટ દેખાય છે. પશ્ચિમ ઉત્તર પ્રદેશના સહારનપુરમાં એક જનસભાને સંબોધતા વડાપ્રધાન નરેન્દ્ર મોદીએ કહ્યું કે કોંગ્રેસનો ઢંઢેરો એ જ વિચારને પ્રતિબિંબિત કરે છે જે આઝાદી સમયે મુસ્લિમ લીગની વિચારધારામાં પ્રતિબિંબિત થઈ હતી. વડાપ્રધાન મોદીએ કહ્યું કે કોંગ્રેસનો ઢંઢેરો સંપૂર્ણપણે મુસ્લિમ લીગની છાપ ધરાવે છે. આવા વચનો દેશ સાથે વિશ્વાસઘાત સમાન છે.
વડાપ્રધાન નરેન્દ્ર મોદીએ એમ પણ કહ્યું હતું કે કૉંગ્રેસના ઢંઢેરામાં માત્ર મુસ્લિમ લીગની વિચારધારા જ નહીં પરંતુ ડાબેરી વિચારધારા સંપૂર્ણ હાવી છે. વડાપ્રધાન મોદીએ કહ્યું કે આ મેનિફેસ્ટોએ સાબિત કરી દીધું છે કે આજની કોંગ્રેસ આજના ભારતની આશાઓ અને આકાંક્ષાઓથી સંપૂર્ણપણે અલગ થઈ ગઈ છે.
ભારતને પાછળ ધકેલનાર મેનિફેસ્ટો – પીએમ મોદી
વડાપ્રધાન મોદીએ કહ્યું કે કોંગ્રેસ પાર્ટીના મેનિફેસ્ટોમાં ક્યાંય કોંગ્રેસ જ દેખાતી નથી. અહીં ડાબેરી અને મુસ્લિમ લીગની વિચારધારા પ્રબળ છે. વડાપ્રધાન મોદીએ કહ્યું કે આવી કોંગ્રેસ 21મી સદીમાં ભારતને આગળ નહીં લઈ જઈ શકે.
कांग्रेस, आज के भारत की आशाओं-आकांक्षाओं से पूरी तरह कट चुकी है।
कांग्रेस के घोषणा पत्र में वही सोच झलकती है, जो आजादी के आंदोलन के समय मुस्लिम लीग में थी।
कांग्रेस के घोषणा पत्र में पूरी तरह मुस्लिम लीग की छाप है और इसका जो कुछ हिस्सा बचा रह गया, उसमें वामपंथी पूरी तरह हावी हो… pic.twitter.com/vjjGS3QC8D
— BJP (@BJP4India) April 6, 2024
કોંગ્રેસ-સપાને ઉમેદવારો નથી મળી રહ્યા
શનિવારે પોતાની રેલીમાં વડાપ્રધાન નરેન્દ્ર મોદીએ પણ સમાજવાદી પાર્ટી પર જોરદાર પ્રહારો કર્યા છે. તેમણે કહ્યું કે આજે સમાજવાદી પાર્ટીની સ્થિતિ એવી થઈ ગઈ છે કે તેમને દર કલાકે પોતાના ઉમેદવાર બદલવા પડે છે. ત્યારે કોંગ્રેસની સ્થિતિ એવી છે કે તેમને ઉમેદવારો જ મળી રહ્યા નથી. પીએમ મોદીએ કહ્યું કે કોંગ્રેસ જે સીટોને પોતાનો ગઢ માનતી હતી ત્યાં પણ તે ઉમેદવારો ઉભા રાખવાની હિંમત નથી દાખવી શકી. એટલે કે ઈન્ડિયા ગઠબંધન અસ્થિરતા અને અનિશ્ચિતતાનું બીજું નામ બની ગયું છે.
કોંગ્રેસે જાહેર કર્યા પાંચ ન્યાય, 25 ગેરંટી
શુક્રવારે કોંગ્રેસ પાર્ટીએ પોતાનો ચૂંટણી ઢંઢેરો જાહેર કર્યો હતો. આ ઢંઢેરામાં કોંગ્રેસે ખેડૂતો, યુવાનો, મહિલાઓ, ખેડૂતો અને લઘુમતીઓના કલ્યાણ માટે 5 ન્યાય અને 25 ગેરંટી આપવાનું વચન આપ્યું હતું. ચૂંટણી ઢંઢેરો બહાર પાડતા કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ જાહેરાત કરી છે કે જ્યારે તેમની સરકાર સત્તામાં આવશે ત્યારે આ તમામ વચનો પૂરા કરવામાં આવશે. ખડગેએ કહ્યું હતું કે આ તેમનો મેનિફેસ્ટો નથી પરંતુ ન્યાયનો દસ્તાવેજ છે.
