પાકિસ્તાનમાં ઘૂસીને બદલો લઈને, ભારતને ઈઝરાયેલ-અમેરિકાની યાદીમાં જોડી દીધુઃ અમિત શાહ

અમિત શાહે કહ્યું કે, દેશની સરહદની બહાર પણ આપણા દેશ વિરુદ્ધ અનેક ગુનાઓ થાય છે. તેને જોતા ગૃહ મંત્રાલયમાં પણ ફેરફાર જરૂરી છે. હું પીએમ મોદીનો આભાર માનું છું જેમણે પરિવર્તન લાવી દેશને મજબૂત બનાવ્યો છે. જ્યારે ગૃહ મંત્રાલયની વાત કરવામાં આવે તો 2014 પહેલા દેશમાં ઘણા એવા મુદ્દા હતા, જે મોદી સરકારને આપવામાં આવ્યા હતા. ત્રણ સમસ્યાઓના કારણે આ દેશનો વિકાસ અટકી ગયો હતો. જે દેશની શાંતિને ખલેલ પહોંચાડી રહ્યા હતા.

ત્રણેય મુદ્દાઓ દેશ માટે કેન્સર સમાન

ગૃહમંત્રીએ કહ્યું, જમ્મુ અને કાશ્મીરની સમસ્યા (આતંકવાદ), ડાબેરી ઉગ્રવાદ અને ત્રીજી સમસ્યા ઉત્તર પૂર્વનો ઉગ્રવાદ છે. આ સમસ્યાઓના કારણે ચાર દાયકામાં દેશના લગભગ 92 હજાર નાગરિકોના મોત થયા છે. દરરોજ પડોશી દેશમાંથી આતંકવાદીઓ કાશ્મીરમાં ઘૂસીને હુમલાઓ કરતા હતા. એક પણ તહેવાર એવો નહોતો જે ચિંતા કર્યા વગર પસાર થયો હોય. અગાઉની સરકારો મૌન જાળવતી હતી. પરંતુ, મોદી સરકારમાં આતંકવાદ સામે ઝીરો ટોલરન્સની નીતિ સાથે કામ કરવામાં આવ્યું હતું.

કેન્દ્રના ગૃહમંત્રી અમિત શાહે દેશની સુરક્ષા અને આતંકવાદ વિરોધી નીતિ વિશે મહત્વપૂર્ણ નિવેદન આપ્યું. ઉરી અને પુલવામા હુમલાઓ પછી, ભારતે માત્ર દસ દિવસમાં પાકિસ્તાનમાં ઘૂસી સર્જિકલ સ્ટ્રાઈક અને એર સ્ટ્રાઈક કરીને મજબૂત જવાબ આપ્યો.

તેમણે ભારતની રક્ષણશક્તિ પર ભાર મૂકતાં કહ્યું કે, વિશ્વમાં માત્ર અમેરિકા અને ઈઝરાયેલ જ એવા દેશો હતા જે પોતાના સુરક્ષાને લઈ કોઈપણ પગલું લઈ શકે, પરંતુ હવે ભારત પણ આ યાદીમાં ઉમેરાયું છે. વડાપ્રધાન નરેન્દ્ર મોદીના નેતૃત્વમાં, ભારતીય સેના અને સુરક્ષા એજન્સીઓ ત્રાસવાદીઓ સામે ઝડપથી અને પ્રભાવી રીતે કાર્યવાહી કરવા માટે સક્ષમ બની છે.

જમ્મુ-કાશ્મીર: કલમ 370 બાદ બદલાતી સ્થિતિ

ગૃહમંત્રીએ કલમ 370 હટાવ્યા પછીના મોટા પરિવર્તનો પર પણ વાત કરી.

• તરુણ કાશ્મીરી યુવાનો હવે આતંકવાદનો માર્ગ અપનાવવાનો ઇનકાર કરી રહ્યા છે.
• એક સમય હતો જ્યારે આતંકવાદીઓના જનાજા જાહેરમાં નીકળતા અને તેમને શહીદ જાહેર કરાતા, પરંતુ હવે તેમનો અંતિમ સંસ્કાર ગુપ્ત રીતે કરવામાં આવે છે.
• તેમના સમર્થકોને સરકારી સુવિધાઓમાંથી દૂર કરવામાં આવ્યા છે, જેથી રાષ્ટ્રવિરોધી પ્રવૃત્તિઓને સમાપ્ત કરી શકાય.