પેરિસ પેરાલિમ્પિકમાં 7માં દિવસે ભારતના સચિને પુરુષના શોટ પુટ એફ46 કેટેગરીમાં સિલ્વર મેડલ જીત્યો છે. આજે સિલ્વર મેડલ જીતી દિવસની શરુઆત કરી છે. આ સિલ્વર મેડલ જીતવાની સાથે સચિને 40 વર્ષમાં પેરાલિમ્પિકમાં શોટ પુટ મેડલ જીતનાર પહેલો પુરુષ એથલીટ બની ગયો છે.
સચિન પહેલા 1984માં ભારતને મેન્સ શોટપુટમાં પહેલો મેડલ જીત્યો હતો. સચિનના આ મેડલ સાથે મેડલની સંખ્યા 21 પહોંચી ગઈ છે. સચિન એશિયાઈ રેકોર્ડ સાથે 16.32 મીટરના થ્રો સાથે બીજા સ્થાન પર રહ્યો હતો.
સચિને પેરિસ પેરાલિમ્પિક પહેલા વર્લ્ડ પેરા એથ્લેટિક્સ ચેમ્પિયનશીપ 2024માં એશિયાઈ રેકોર્ડ સાથે ગોલ્ડ મેડલ જીત્યો હતો. હવે પેરિસ પેરાલિમ્પિકમાં સિલ્વર મેડલ જીત્યો છે.
સચિન પેરાલિમ્પિકના ઈતિહાસમાં શોટ પુટમાં મેડલ જીતનાર ત્રીજો ભારતીય એથ્લિટ છે. આ પહેલા 1984માં જોગિંદર સિંહ બેદીએ બ્રોન્ઝ મેડલ અને મહિલા એથ્લીટ દીપા મલિકે 2016માં રિયો પેરાલિમ્પિકમાં મેડલ જીત્યો હતો. હવે 8 વર્ષ બાદ આ ત્રીજો મેડલ છે.
જો આપણે પેરિસ પેરાલિમ્પિકમાં ભારતના મેડલની વાત કરીએ તો ભારત કુલ 21 મેડલ સાથે 19માં સ્થાને છે. જેમાં 3 ગોલ્ડ મેડલ, 8 સિલ્વર મેડલ અને 10 બ્રોન્ઝ મેડલ સામેલ છે.
