મધ્ય પૂર્વમાં લાંબા સમયથી વધતી તણાવભરી પરિસ્થિતિ વચ્ચે ઈઝરાયલ એ ઈરાન પર મોટો સૈન્ય હુમલો કર્યો હોવાની માહિતી સામે આવી છે. અહેવાલો અનુસાર ઈરાનની રાજધાની તહેરાન સહિત અનેક મહત્વપૂર્ણ વિસ્તારોમાં ઈઝરાયલી સેનાએ એરસ્ટ્રાઈક કરી છે. છેલ્લા ઘણા સમયથી બંને દેશો વચ્ચે તણાવ વધતો હતો અને યુદ્ધ જેવી સ્થિતિ સર્જાઈ રહી હતી.
ઈરાનના રાષ્ટ્રપતિના નિવાસસ્થાન સહિત 30 સ્થળોને નિશાન
અહેવાલ મુજબ ઈઝરાયલે ઈરાનના રાષ્ટ્રપતિ મસૂદ પેઝેશ્કિયનના નિવાસસ્થાનને પણ નિશાન બનાવ્યું છે. આ હુમલામાં અનેક મંત્રીઓના ઘર અને મહત્વપૂર્ણ સરકારી ઈમારતો સહિત આશરે 30 સ્થળો પર હુમલો કરવામાં આવ્યો હોવાની માહિતી મળી રહી છે. ઉપરાંત ઈરાનની ગુપ્તચર એજન્સીના કાર્યાલયને પણ નિશાન બનાવાયું હોવાની ચર્ચા છે.
#BREAKING : इज़राइल ने तेहरान पर हमला शुरू किया!
इज़राइल ने अभी-अभी ईरान की राजधानी तेहरान पर हवाई हमले शुरू कर दिए हैं।
मिसाइल और फाइटर जेट्स से लक्षित हमले की खबरें आ रही हैं, स्थिति अत्यंत तनावपूर्ण।
मध्य पूर्व में बड़ा युद्ध छिड़ने की आशंका बढ़ गई है।… pic.twitter.com/HoC5mZunPn
— One India News (@oneindianewscom) February 28, 2026
એરપોર્ટ સહિત અનેક મહત્વપૂર્ણ ઠેકાણાઓ પર હુમલો
ઈઝરાયલના હુમલામાં તહેરાનના Mehrabad International Airport સહિત કેટલાક એરપોર્ટને નિશાન બનાવવામાં આવ્યા હોવાનું જણાવવામાં આવે છે. હુમલાની તીવ્રતા એટલી વધારે હતી કે તહેરાનના અનેક વિસ્તારોમાં વિસ્ફોટ બાદ ઊઠેલો ધુમાડો દૂર દૂર સુધી દેખાયો હતો. ઈરાનના સ્થાનિક મીડિયાએ પણ આ હુમલાની પુષ્ટિ કરી હોવાનું જણાવવામાં આવે છે.
અમેરિકા પણ એલર્ટ મોડમાં
ઈઝરાયલના આ હુમલા બાદ સંયુક્ત રાજ્ય અમેરિકા પણ એલર્ટ થઈ ગયું છે. સંભવિત ઈરાની જવાબી હુમલાની આશંકાને ધ્યાનમાં રાખીને અમેરિકાએ અલ ઉદેદ એર બેઝ સહિત મધ્ય પૂર્વમાં આવેલા પોતાના સૈન્ય મથકોને એલર્ટ પર રાખ્યા છે.
JUST IN 🇮🇷🇮🇱: Israel has started the war on Iran with preemptive strikes
Attacks are on the center of Iran
Israeli Defense Minister Israel Katz:
"The State of Israel has launched a preemptive strike against Iran to remove threats against the State of Israel," https://t.co/NCJDtfh1af pic.twitter.com/9RlYHAWiDf
— Ryan Rozbiani (@RyanRozbiani) February 28, 2026
ઈઝરાયલમાં ઈમરજન્સી જાહેર
હુમલા બાદ ઈઝરાયલના સંરક્ષણ મંત્રી ઇઝરાયલ કાત્ઝએ સમગ્ર દેશમાં ‘સ્ટેટ ઓફ ઈમરજન્સી’ જાહેર કરી છે. તેમણે જણાવ્યું કે ઈરાન તરફથી સંભવિત હુમલાના જોખમને ધ્યાનમાં રાખીને આ પૂર્વ-નિયોજિત સૈન્ય કાર્યવાહી હાથ ધરવામાં આવી છે. ઈઝરાયલ સરકારનું કહેવું છે કે આ પગલું પોતાની સુરક્ષા માટે લેવામાં આવ્યું છે.
સમગ્ર દેશમાં સાયરન, નાગરિકોને સાવચેતી રાખવાની સલાહ
હુમલા બાદ સંભવિત જવાબી હુમલાની આશંકાને કારણે સમગ્ર ઈઝરાયલમાં એલર્ટ જાહેર કરવામાં આવ્યું છે. ઇઝરાયલ સંરક્ષણ દળોના હોમ ફ્રન્ટ કમાન્ડે નાગરિકોને સાવચેત રહેવા, બિનજરૂરી મુસાફરી ટાળવા અને નજીકના બોમ્બ શેલ્ટર વિશે જાણકારી રાખવા સૂચના આપી છે. સેનાએ જણાવ્યું છે કે હાલ નાગરિકોને સીધા શેલ્ટરમાં જવાની જરૂર નથી, પરંતુ કોઈપણ સંભવિત મિસાઈલ હુમલા માટે તૈયાર રહેવું જરૂરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
