ઇઝરાયલના વડાપ્રધાન નેતન્યાહુ સામે ધરપકડ વોરન્ટ ઇશ્યુ કરો, ઇન્ટરનેશનલ ક્રિમિનલ કોર્ટની માગ

ઇઝરાયલ ઇન્ટરનેશનલ ક્રિમિનલ કોર્ટનો સભ્ય ન હોવાથી ધરપકડ વોરન્ટ ઇશ્યુ થશે તો પણ નેતનયાહુ અને ગેલેંટ સામે તાત્કાલિક કાર્યવાહીનું કોઇ જોખમ નથી. ૅજો કે ખાનની માગને કારણે ઇઝરાયલ નેતાઓની વિદેશ યાત્રા અંગે સમસ્યા ઉભી થઇ શકે છે અને તેમની વિદેશ યાત્રા મુશ્કેલ બની શકે છે. આ અંગે ઇઝરાયલના વિદેશ પ્રધાન ઇઝરાયલ કાટ્ઝે જણાવ્યું છે કે મુખ્ય ફરિયાદીની ઇઝરાયલના ટોચના નેતાઓ સામે ધરપકડ વોરન્ટ ઇશ્યુ કરવાની માગ ઐતિહાસિક અપમાન છે અને તે કાયમ માટે યાદ રાખવામાં આવશે.

તેમણે વધુમાં જણાવ્યું હતું કે આવી કોઇ પણ કાર્યવાહી સામે લડવા માટે તે એક વિશેષ સમિતિની રચના કરશે અને ઇઝરાયલના નેતાઓ સામે આવા કોઇ વોરન્ટનો અમલ કરાવવામાં ન આવે તે સુનિશ્ચિત કરવા માટે વિશ્વના નેતાઓને મળશે. હમાસ આતંકવાદી ગુ્રપે આઇસીસીના ફરિયાદીની તેના નેતાઓની ધરપકડ કરવાની માગની ટીકા કરી છે. આ અંગે ઇઝરાયલના પૂર્વ સૈનિક પ્રમુખ અને યુદ્ધ કેબિનેટના સભ્ય બેની ગેંટ્ઝે ખાનની માગની કડક ટીકા કરી છે. તેમણે જણાવ્યું હતું કે ઇઝરાયલ સૌથી કડક નૈતિક મૂલ્યોની સાથે છે.

તેમણે વધુમાં જણાવ્યું હતું કે અમારી પાસે એક મજબૂત ન્યાયપાલિકા છે જે પોતાની તપાસ કરવામાં સક્ષમ છે. ધરપકડ વોરન્ટની માગ એક ઐતિહાસિક અપરાધ છે. ઇઝરાયલના વિરોધ પક્ષના નેતા યેર લેપિડ સહિતના નેતાઓએ પણ ધરપકડ વોરન્ટની માગની ટીકા કરી છે. ઉલ્લેખનીય છે કે સાત ઓક્ટોબરની સવારે હમાસે ઇઝરાયલ પર ૫૦૦૦ રોકેડ છોડયા હતાં. ત્યારબાદથી બંને વચ્ચે યુદ્ધ જારી છે. ઇઝરાયલે આ હુમલાને આતંકી હુમલો ગણાવ્યો છે.

ઇઝરાયલના વડાપ્રધાન નેતનયાહુએ વચન આપ્યું છે કે જ્યાં સુધી હમાસનો સંપૂર્ણ સફાયો થશે નહીં ત્યાં સુધી તે યુદ્ધ વિરામ કરશે નહીં. ગાઝાના આરોગ્ય કર્મીઓના જણાવ્યા અનુસાર ઇઝરાયલના હુમલાઓમાં ૩૫૦૦૦થી વધુ પેલેસ્ટાઇન નાગરિકોના મોત થયા છે. જેમાં મોટા ભાગે મહિલાઓ અને બાળકો છે. 80 ટકા વસ્તી વિસ્થાપિત થઇ ગઇ છે. અનેક લોકો ભૂખમરાનો સામનો કરી રહ્યાં છે.

પુતિનની ધરપકડ માટે દુનિયા એક હતી

નેતનયાહુ સામેના ધરપકડ વોરન્ટની માગનો દુનિયાએ વિરોધ કર્યો

ન્યૂયોર્ક : ઇન્ટરનેશનલ ક્રિમિનલ કોર્ટના ચીફ પ્રોસેક્યુટર કરીમ ખાને ઇઝરાયલના વડાપ્રધાનની ધરપકડની માગ કરી છે. મોટા ભાગના વિશ્વના નેતાઓએ આ માગની ટીકા કરી છે. આ અગાઉ ૨૦૨૩માં જ્યારે પુતિન સામે આઇસીસીએ ધરપકડ વોરન્ટ ઇશ્યુ કર્યુ હતું ત્યારે અમેરિકા સહિતના વિશ્વના નેતાઓએ તેને સમર્થન આપ્યું હતું. કેટલાક દેશોએ તો જાહેરાત પણ કરી દીધી હતી કે જો પુતિન તેમના દેશમાં આવશે તો તેમની ધરપકડ કરવામાં આવશે. હવે જ્યારે નેતનયાહુની ધરપકડની માગ કરવામાં આવી છે ત્યારે અમેરિકા સહિતના વિશ્વના મોટા ભાગના દેશો આ માગનો વિરોધ કરી રહ્યાં છે. ઉલ્લેખનીય છે કે પશ્ચિમી દેશો યુક્રેન સામેના યુદ્ધમાં યુક્રેનને મદદ કરી રહ્યાં છે જ્યારે રશિયાનો વિરોધ કરી રહ્યાં છે. જ્યારે ઇઝરાયલના હમાસ સામેના યુદ્ધમાં અમેરિકા સહિતના પશ્ચિમી દેશો ઇઝારેયલનો સાથ આપી રહ્યાં છે અને તેને સૈન્ય સામગ્રી પૂરી પાડી રહ્યાં છે.

શું રાજકીય વિવાદ ઇઝરાયલી પીએમનો ભોગ લેશે?

નેતાન્યાહુ અને રાજકીય હરીફ વચ્ચેના વિવાદથી કેબિનેટ હલબલી

તેલઅવીવ : ઇઝરાયલના ટોચના કેબિનેટ પ્રધાન રવિવારે અમેરિકાના અધિકારીઓ સાથે મંત્રણા કરવા યુએસ જતા તેમને વડાપ્રધાન બેન્જામીન નેતાન્યાહુનોઠપકો સાંભળવો પડયો છે. તેના પગલે ઇઝરાયલની હમાસ સાથેના યુદ્ધ વખતે રચાયેલી પાંચ મહિના જૂની કેબિનેટ હલબલી ગઈ છે.

મધ્યમમાર્ગી જમણેરી હરીફ બેની ગેન્ટ્ઝના અમેરિકાના પ્રવાસના પગલે નેતાન્યાહુ અને અમેરિકન પ્રમુખ જો બાઇડેન વચ્ચેના ભારે મતભેદો ઉજાગર થયા છે. ગાઝામાં ભારે તકલીફમાંથી પસાર થઈ રહેલા પેલેસ્ટાઇનીઓને તેમાથી કઈ રીતે બહાર કાઢવા અને યુદ્ધ પછીના શાસકીય સંજોગોને લઈને તેમના વચ્ચે જબરદસ્ત મતભેદ છે.તેના લીધેઅમેરિકાએ ગાઝામાં શનિવારરે સામગ્રી એરડ્રોપ કરી હતી. ગયા સપ્તાહે ટ્રકમાંથી ફૂડ લેવા જતાં ડઝનેક પેલેસ્ટાઇનીઓ ચગદાઈને મૃત્યુ પામતા તેઓએ આ પગલાં ભર્યુ છે. જો કે સહાય કરતાં અધિકારીઓનું કહેવું છે કે એરડ્રોપ વધારે અસરકારક પગલું નથી. તેના કરતાં ટ્રક દ્વારા મોકલવું સારું રહે. અમેરિકાની આ વિસ્તારની અગ્રતાઓને નેતાન્યાહુની હાર્ડલાઇન કેબિનેટ બગાડી રહી છે. તેની પર આત્યંતિક રાષ્ટ્ર્રવાદીઓનો કબ્જો છે.