સલમાન ખાન પોતાની આગામી ફિલ્મ ટાઈગર 3 ને લઈને ચર્ચામાં છે. થોડા દિવસ પહેલા ફિલ્મનું પોસ્ટર રિલીઝ કરવામાં આવ્યુ હતુ. હવે નવી અપડેટ એ છે કે ફિલ્મનું ટીઝર રિલીઝ કરી દેવાયુ છે. શેર કરવામાં આવેલા વીડિયોમાં એક વાર ફરી સલમાન ખાન આકરા તેવર નજર આવી રહ્યા છે. આ વીડિયોને ટીઝર કે ટ્રેલર નામ આપવામાં આવ્યુ નથી પરંતુ આને ટાઈગર કા મેસેજ કહેવામાં આવ્યુ છે.
ટાઈગર 3 યશ રાજ ફિલ્મ્સની સ્પાય યુનિવર્સની ફ્રેન્ચાઈઝી ફિલ્મ છે. ફિલ્મમાં સલમાનની સાથે કેટરીના લીડ રોલમાં છે. ટાઈગર 3 ના ટીઝર વીડિયોમાં પણ અભિનેત્રીની ઝલક નજર આવી રહી છે. સલમાન ખાને પોતાના ઈન્સ્ટાગ્રામ એકાઉન્ટ પરથી પોસ્ટ શેર કરી ચાહકોને ટીઝરની જાણકારી આપી છે. આ સાથે લખ્યુ છે, જબ તક ટાઈગર મરા નહીં, તબ તક ટાઈગર હારા નહીં.
जब तक टाइगर मरा नहीं, तब तक टाइगर हारा नहीं #TigerKaMessage #Tiger3 arriving in cinemas this Diwali. Releasing in Hindi, Tamil & Telugu. #KatrinaKaif | #ManeeshSharma | @yrf | #YRF50 | #YRFSpyUniverse pic.twitter.com/TXRz13oU30
— Salman Khan (@BeingSalmanKhan) September 27, 2023
વીડિયોને હિન્દી, તમિલ અને તેલુગુ ભાષાઓમાં જાહેર કરવામાં આવ્યો છે. સાથે જ જણાવાયુ છે કે આ ફિલ્મ આ વર્ષે દિવાળીના અવસરે રિલીઝ થશે. ટીઝરમાં સલમાન એક વાર ફરી ટાઈગર બનીને ધમાકેદાર વાપસી કરતા નજર આવ્યા છે. આ વખતે તે ફિલ્મમાં પોતાના ઉપર લાગેલા ગદ્દારીના કલંકને હટાવતા નજર આવશે. ટીઝરમાં તે પોતાના તેવર અને દમદાર એક્શનથી ચાહકોના હોશ ઉડાવી રહ્યા છે.
ટાઈગર 3 માં ઈમરાન હાશમી પણ નેગેટિવ રોલમાં નજર આવશે. ફિલ્મમાં તે સલમાન ખાન સાથે ટક્કર કરશે. જોકે ટાઈગર કા મેસેજ નામથી જારી થયેલા આ વીડિયોમાં ઈમરાનની કોઈ ઝલક નજર આવી નથી.
ઉલ્લેખનીય છે કે આજે યશરાજ ફિલ્મ્સનો સ્થાપના દિવસ છે. દિવંગત ફિલ્મ નિર્માતા યશ ચોપડાની આજે બર્થ એનિવર્સરી છે. દરમિયાન YRFએ ટાઈગર 3 નો વીડિયો શેર કરીને આ ફિલ્મના પ્રમોશનનો શુભારંભ કરી દીધો છે.
