રાઇટર અને ડાયરેક્ટર આતિશ કપાડિયાની સિટકોમ ‘ખિચડી’ સપ્ટેમ્બર 2002માં ટીવી પર પહેલીવાર ટેલિકાસ્ટ કરવામાં આવી હતી. આ કોમેડી સીરીયલ પોતાની મજબૂત કાસ્ટ અને ડાયલોગ્સને લીધે દર્શકોમાં ખૂબ જ લોકપ્રિય બની ગઇ હતી. જય શ્રી ચાએ લા રહી હો યાં બહાર સે મંગવાઉથી લઇને…પ્રફુલ તૂ તો ગધા હૈ ગધા…ઓહ બાપુજી, એ પ્રફુલ કંન્ફ્યુઝ મતલબ? આ બધા ડાયલોગ હાલ પણ લોકોને યાદ હશે, કારણ કે આ સીરીયલમાં બધાના કેરેક્ટર પ્રમાણે ડાયલોગ હતા અને કોમેડીથી ભરપુર આ સીરીયલના એક એક કેરેક્ટરે લોકોના દિલમાં સ્થાન મેળવ્યુ હતુ.
આ શોમાં હંસા પારેખના પાત્રમાં સુપ્રિયા પાઠકે સૌથી વધુ ચર્ચા કરી હતી. સીરીયલ એટલી હિટ હતી કે આજ પાત્રો સાથે એક ફિલ્મ પણ બની જે વર્ષ 2010માં રિલીઝ થઇ હતી.
‘ખિચડી 2’નું ટીઝર રિલીઝ
નિર્માતાઓએ ‘ખિચડી 2’ ની જાહેરાત કરતું ટીઝર રિલીઝ કર્યું. લોકપ્રિય સિટકોમના તમામ મુખ્ય પાત્રો ટીઝરમાં જોવા મળે છે. ખીચડી: ધ મૂવી (2010)માં નાનકડી ભૂમિકા ભજવનાર ફરાહ ખાન પણ “સુપર સ્પેશિયલ અપીયરન્સ” માં જોવા મળી હતી. ટીઝરમાં એક સામાન્ય હંસા જોક પણ ઉમેરવામાં આવ્યો છે, જેમાં હિમાંશુ એનઆરઆઈને એમઆરઆઈ તરીકે સમજાવે છે.
‘ખિચડી 2’ ક્યારે રિલીઝ થશે?
આ સાથે નિર્માતાઓએ એક નિવેદન બહાર પાડ્યું કે, દિવાળીના તહેવારમાં ‘ખિચડી 2 – મિશન પંથુકિસ્તાન’ રિલીઝ કરવામાં આવશે.
તેમણે વધુમાં કહ્યું કે, સુપ્રિયા પાઠક કપૂર, રાજીવ મહેતા, અનંગ દેસાઈ, વંદના પાઠક,કીર્તિ કુલ્હારી અને અભિનેતા-નિર્માતા જમનાદાસ મજેઠિયા (JD)ની આગેવાની હેઠળની આ ફિલ્મ કોમેડી, ઇમોશન અને મનોરંજનથી ભરપૂર હશે. ખીચડી સીટકોમ પર એક ફિલ્મ અને એક વેબસીરિઝ પણ બની ચૂકી છે.
