આ ફિલ્મનું ટ્રેલર અને પ્રીવ્યુ બાદ તો ચાહકોનો ઉત્સાહ વધુ જોવા મળી રહ્યો છે. ત્યારે આ ફિલ્મનો ક્રેઝ ફિલ્મના એડવાન્સ બુકિંગ પરથી જ લગાવી શકાય છે. ફિલ્મનું એડવાન્સ બુકિંગ શનિવારથી શરૂ થઈ ગયું છે.
જવાનનું એડવાન્સ બુકિંગ
જવાન ફિલ્મે માત્ર 24 કલાકમાં જ 10 કરોડ રૂપિયાના ગ્રોસ કલેક્શનને પાર કરી લીધું છે. હવે બીજા દિવસનું કલેક્શન પણ સામે આવ્યું છે.
તરણ આદર્શે ટ્વીટ કર્યું છે કે, નેશનલ ચેઈન્સમાં ગુરુવાર/દિવસ 1 ની ટિકિટો વેચાઈ ગઈ છે. તેમણે ટ્વીટ કરતેં લખ્યુ કે, જવાન એડવાન્સ બુકિંગ સ્ટેટસ – ગુરુવાર, દિવસ 1ની ટિકિટો નેશનલ ચેઈન્સમાં વેચાઈ ગઈ… અપડેટ સોમવાર, સવારે 10.45am PVR+ 2 લાખ 3 હજાર ટિકિટ INOXમાં વેચાઈ, સિનેપોલિસમાં 43,000 ટિકિટ વેચાઈ, કુલ 2 લાખ 46 હજાર ટિકિટ વેચાઈ.”
દિલ્હીમાં ‘જવાન’ માટે ઓક્યુપન્સી રેટ 22 ટકા છે જ્યારે મુંબઈમાં 18 ટકા ઓક્યુપન્સી મળી રહી છે. એડવાન્સ બુકિંગની વાત કરીએ તો ફિલ્મે દિલ્હીમાં પ્રી-સેલમાં 2.5 કરોડ રૂપિયા અને મુંબઈમાં પણ 1.5 કરોડ રૂપિયાની કમાણી કરી છે.
રિપોર્ટ અનુસાર, જવાને 2D હિન્દી વર્ઝન માટે 5 લાખ 29 હજારથી વધુ ટિકિટ અને હિન્દી IMAX માટે 11 હજારથી વધુ ટિકિટ વેચી છે. આ પછી તમિલ વર્ઝન માટે 19 હજાર અને તેલુગુ વર્ઝન માટે 16 હજાર ટિકિટ વેચાઈ છે.
ફિલ્મે તમામ રેકોર્ડ તોડી નાખ્યા
આ આંકડાઓ જોઈને અંદાજ લગાવી શકાય છે કે શાહરૂખ ખાનની આ ફિલ્મ બોક્સ ઓફિસ પર સુપરહિટ સાબિત થવા જઈ રહી છે. ઘણા સિનેમાઘરોમાં શો હાઉસફુલ થઈ ગયા છે. આ સાથે ‘જવાન’ બોલિવૂડ ફિલ્મ માટે અત્યાર સુધીની સૌથી વધુ પ્રી-સેલ ફિલ્મ પણ સાબિત થાય છે.
#Jawan ADVANCE BOOKING STATUS
NOTE: Tickets sold for *Thu* / *Day 1* at NATIONAL CHAINS… Update: Mon, 10.45 am
⭐️ #PVR + #INOX: 203,000
⭐️ #Cinepolis: 43,000
⭐️ Total: 246,000 tickets sold 🔥🔥🔥#SRK #Nayanthara #VijaySethupathi #DeepikaPadukone #JawanAdvanceBooking
— taran adarsh (@taran_adarsh) September 4, 2023
‘જવાન’માં શાહરૂખ ખાન ડબલ રોલમાં
જવાનને શાહરૂખની રેડ ચિલીઝ એન્ટરટેઈનમેન્ટ દ્વારા પ્રોડ્યુસ કરવામાં આવી છે. આ ફિલ્મમાં શાહરૂખ ખાન ડબલ રોલમાં છે. તેમની સાથે નયનતારા, વિજય સેતુપતિ, પ્રિયમણી અને સાન્યા મલ્હોત્રાએ પણ મહત્વની ભૂમિકાઓ ભજવી છે.જ્યારે દીપિકા પાદુકોણ અને સંજય દત્ત જવાનમાં ખાસ કેમિયોમાં જોવા મળશે. એટલી દ્વારા નિર્દેશિત આ ફિલ્મ 7 સપ્ટેમ્બરે સિનેમાઘરોમાં આવશે. ‘જવાન’ હિન્દીની સાથે તમિલ અને તેલુગુ ભાષાઓમાં પણ રિલીઝ થશે.
