જમ્મુ-કાશ્મીરના કુલગામ જિલ્લામાં ચાલી રહેલું એન્કાઉન્ટર ચોથા દિવસે પણ યથાવત છે, જ્યાં સુરક્ષાદળો અને આતંકવાદીઓ વચ્ચે ઘમાસાણ લડાઈ ચાલુ છે. કુલગામના અખલ દેવસર વિસ્તારમાં 1 ઓગસ્ટે આ એન્કાઉન્ટર શરૂ થયું હતું, જ્યારે સુરક્ષા એજન્સીઓને મળેલી ચોક્કસ માહિતીના આધારે તેઓએ ઓપરેશન શરૂ કર્યું હતું. અત્યાર સુધીમાં ‘ઑપરેશન અખલ’ હેઠળ 3 આતંકવાદીઓને ઠાર કરવામાં આવ્યા છે, જ્યારે વિશ્વસનીય સૂત્રો મુજબ હજુ કેટલાક આતંકવાદીઓ વિસ્તારમાં છુપાયેલા હોવાનું માનવામાં આવે છે.
સેનાએ આખો વિસ્તાર ઘેરી લીધો છે અને ઘરઘર તલાશી લેતાં સર્ચ ઑપરેશન તેજ કર્યું છે. આતંકવાદીઓ બચી ન જાય અને કોઈ પણ રીતે ભાગી ન શકે તે માટે ડ્રોન, રાત્રી દર્શન ઉપકરણો (Night Vision Devices), થર્મલ ઇમેજિંગ કૅમેરા અને રુદ્ર હેલિકોપ્ટર સહિત આધુનિક ટેકનોલોજીનો ઉપયોગ કરવામાં આવી રહ્યો છે. 3 ઓગસ્ટની રાતે પણ બંને તરફથી ભારે ગોળીબાર થયો હતો, જેમાં સુરક્ષા બળોએ આતંકવાદીઓની મજબૂત ઢાળને ભેદી નાખી હતી.
આ સમગ્ર ઓપરેશનમાં જમ્મુ-કાશ્મીર પોલીસ, ભારતીય સેના અને CRPFની સંયુક્ત કામગીરી ચાલી રહી છે. સ્થાનિક રહેવાસીઓને સાવચેત રહેવાની અને ઝમેલામાં ન પડવાની સલાહ આપવામાં આવી છે. સુરક્ષા એજન્સીઓ એ પણ સ્પષ્ટ કર્યું છે કે ઓપરેશન સંપૂર્ણપણે પૂરું નહીં થાય ત્યાં સુધી તહેનાત બળોને પાછળ નહિ હટાવવામાં આવે. હાલ વિસ્તારોને સીલ કરીને શંકાસ્પદ મૂવમેન્ટ પર કડક નજર રાખવામાં આવી રહી છે. આ કામગીરી જમ્મુ-કાશ્મીર વિસ્તારમાં આતંકવાદ વિરૂદ્ધ ચાલી રહેલા અભિયાનનું એક મહત્વપૂર્ણ ભાગરૂપ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
